O Concurso de Tapas, entrante da Festa do ... - Terra Chá... Xa!

cultura marzo 12
“Os trazos máis singulares da pintura de Macía son a intensa emotividade
dos seus máxicos universos pictóricos e a paixón pola cor.”
O pasado martes 6 de marzo
presentouse o novo libro de
Camilo Gómez Torres, Cores
para aloumiñar soños. Vida e
obra de Miguel Anxo Macía na
Galería Sargadelos en Lugo. O
escritor explicanos o contido
deste volume que recolle a vida
e obra deste artísta plástico lugués.
Esta non é a primeira obra
deste tipo que escribe, xa que
ten moi estudada a vida e obra
do poeta chairego Manuel
María como demostra en varias
das súas obras literarias.Pero,
cómo xurdiu a idea de escribir
a biografía dun artista
plástico?
Tempo atrás, propúxenlle aos
responsábeis de Cultura da Deputación
que creasen unha colección
de libros que tivese
coma obxectivo básico dar a
coñecer as vidas, traballos e
obras dos lugueses e luguesas
que no pasado e no presente
destacaran nalgún plano das
Artes, as Ciencias ou a vida en
xeral. Miguel Anxo Macía, o
pintor e escultor por min biografado,
é un deses lugueses
que debe ser coñecido, admirado
e querido por todas e
todos nós, non só pola excelencia
da súa pintura senón tamén,
e sobretodo, pola grandeza da
súa bonhomía e da súa personalidade.
El é merecedor deste
estudo biográfico e artístico,
pero tamén o son moitas e moitos
lugueses, cuxas vidas e
cuxas obras deberiamos resca-
Cores para aloumiñar soños. Vida e obra de Miguel Anxo Macía, Camilo Gómez Torres
tar do silencio, para descubrirmos
que, coma pobo, somos
máis ricos e cultos do que pensamos
ou certos medios e institucións
e persoas nos fan crer.
Por iso, porque o noso patrimonio
humanístico, artístico e
científico é tan vizoso coma
excelente, sigo a demandar da
Deputación de Lugo esa colección
de escritores, artistas,
científicos... lugueses que nos
permita poder coñecer á xente
de noso, e coñecéndoa, aprezala
e dignificala.
Qué aspectos destacaría da
obra de Miguel Anxo Macía?
Macía é un grandísimo pintor
lugués e galego actual. Dous
son os trazos máis singulares
da súa pintura: dunha banda, a
intensa emotividade dos seus
máxicos universos pictóricos,
ora as paisaxes e os recantos do
seu Lugo natal, ora as vidas e
traballos da xente do mar galego,
ora as mulleres e os nenos
a camiñar polas rúas de Lugo
cara ao colexio..; e doutra, a,
por momentos, tan vizosa coma
íntima e incontrolábel paixón
pola cor. É dicir, expresionismo
e fauvismo. Mais, na súa obra
pictórica hai outras olladas, outras
ópticas e, consecuentemente,
outras estéticas, coma
a realista e clásica con preferente
cultivo no debuxo.
Cores para aloumiñar soños
pódese considerar un volume
que recolle un ensaio sobre a
vida de Macía ademais dun
libro de arte, xa que recolle fotografías
de moitas das súas
pinturas e esculturas. Qué outros
aspectos da escrita deste
volume cre que poden resultar
atractivos e/ou chamativos?
Mais que ensaio, Cores para
aloumiñar soños é un estudo
biográfico e pictórico en tres
partes: a primeira delas, titulada
“As cores da vida” é a biografía,
modélica e
paradigmática, dun percurso
vital centrado na pintura xa
dende a infancia; aos catorce
ou quince anos Miguel Anxo
sabía que quería ser pintor e,
consecuente con esa certeza,
viviu, estudou e formouse para
disciplinar, perfeccionar e lear
á excelencia as habelencias artísticas
coas que a natureza tivera
a ben dotalo; a segunda,
titulada “As cores dos soños”,
é o estudo da súa plástica (debuxo,
pintura e escultura), estudo
complementado con
relatorios dos premios recibidos,
as exposicións individuais
e colectivas nas que participou,
etc.; e a terceira, titulada “Galería”,
é unha escolma da súa
produción plástica ao longo de
toda a súa vida creativa, vizosa,
variega e maxistral.
E en qué ámbitos da escrita
se atopa máis cómodo: a creación
teatral ou o estudo literario?
Se comparo as liñas escritas
nun e noutro campo, a resposta
tería que ser o estudo literario.
Seis libros individuais
e colaboracións
en varios volumes colectivos
acreditan a preferencia
polos estudos.
Mais, tamén me sinto
cómodo escribindo teatro.
MANUEL MARÍA
Recentemente, este xornal
ven de publicar
unha reportaxe sobre os
avances nas obras da
Casa Museo Manuel
María que se están a
acometer na súa casa
natal de Outeiro de Rei
onde a Fundación Manuel
María de Estudos Galegos
pretende albergar todo tipo de
actividades relacionadas coa
súa figura ademais da biblioteca
con fondos da súa obra.
Ademais a Fundación xa publicara
dúas obras inéditas do
poeta chairego, Cecais hai
unha luz e Galiza.Cal é a súa
opinión sobre a súa labor?
As dúas fundacións que levan
o nome de Manuel María son
certamente meritorias no seu
labor de difusión cultural e,
consecuentemente, merecedoras
dos máis sinceros eloxios
pola transcendencia e relevancia
das súas achegas a prol do
estudo, difusión, coñecemento
e dignificación da figura e obra
dun dos máis grandes poetas
galegos do século XX.
Qué contribución cre que fai
25
Camilo Gómez Torres é mestre, estudoso
do poeta chairego Manuel María e
escritor.
á comarca da Terra Chá e á
sociedade galega en xeral?
Estudar e dar a coñecer a vida
e obra de Manuel María é, ademais
de relevar e dignificar a
súa figura de chairego e galego
comprometido co seu país e
coas súas xentes, incrementar
e enriquecer o noso patrimonio
cultural, colectivo e nacional.
As obras, literarias e non literarias
dos homes e mulleres, nutren
e enriquecen as culturas
nas que se crean, pero se esas
vidas e esas obras son difundidas
e espalladas, as seguintes
xeracións recibirán as regalías
e bondades das súas achegas e
descubertas. Emporiso, a Terra
Chá e Galiza son e serán, grazas
ás aportacións das fundacións
Manuel María, máis ricas
e, sobre todo, máis universais e
perdurábeis na memoria dos
homes.
Ópera en Vilalba da man dunha compañía internacional O IESCHA presentou un libro sobre o
Un momento da representación de ‘La Bohéme’ con varios artistas no escenario
CONCERLÍRICA
A compañía de ópera internacional
Concerlírica presenta
‘La Bohème’ de Giacamo Puccini
presenta o vindeiro luns 12
de marzo ás oito e media no
Auditorio Carmen Estévez de
Vilalba.
Serán cento vinte artistas entre
orquesta, coro e solistas os que
representarán esta ópera de
catro actos que contará con
subtítulos en castelán.
‘La Bohème’ é
a ópera coa que
Giacomo Puccini
se consag
r o u
definitivamente
como un gran
compositor lírico.
A obra baséase
na novela
por entregas publicada
no xornal
El Corsario
entre 1845 e
1849 titulada
‘Escenas de la
vida bohemia
de Henry Murger’
que reflexa
as súas propias
vivencias durante
os anos de
estudante no conservatorio de
Milán, onde compartiu habitación
con Mascagni, e que foi
simplificada por Luigi Illica e
Giuseppe Giacosa.
naufraxio da illa de Sálvora e outro sobre
os cruceiros do concello de Vilalba
‘Sálvora. Memoria dun naufraxio’ e ‘Cruceiros do
Concello de Vilalba’ foron editados polo Instituto de
Estudios Chairegos
O Instituto de Estudios Chairegos
de Vilalba presentou dous
libros no último mes. ‘Sálvora.
Memoria dun naufraxio’ de
Xosé María Fernández Pazos e
‘Cruceiros do Concello de Vilalba’
de Fernando Arribas
Arias, Xosé Manuel Blanco
Prado e Mario Saavedra Pérez.
A Casa da Cultura de Vilalba
acolleu ambas presentacións
celebradas os días 24 de febreiro
e o 23 de marzo, respectivamente.
O primeiro ofrece datos e testemuñas
do suceso que permaneceu
varios anos no
anonimato e no que varios lucenses
correron distinta sorte:
o naufraxio ocorrido en 1.921
preto da illa de Sálvora onde as
mulleres da illa e o segundo
oficial do barco salvaron a
medio cento de persoas. O xornalista
Moncho Paz interveu no
acto de presentación.
Pola súa banda, a presentación
do libro ‘Cruceiros do Concello
de Vilalba’ contou coa presenza
de Manuel Castro
Santamariña, presidente do
IESCHA e Mario Outeiro, delegado
de Cultura e Turismo da
Deputación de Lugo. Este volume
conta cunha descrición
detallada de cada un dos cruceiros
coas súas correspondentes
fotografías ou a tipoloxía
das súas bases e dos propios
cruceiros. Os autores están a
preparar xa o volume II que
tamén editará o Instituto de Estudios
Chairegos.