O Concurso de Tapas, entrante da Festa do ... - Terra Chá... Xa!

empresa marzo 12
Esther e Ernesto, os xerentes da
Comercial Riva, levan máis de
cinco anos vivindo en Baamonde,
aínda que son coruñeses.
O seu negocio abriu as súas
portas o xoves 1 de marzo do
2012 en Baamonde, no concello
de Begonte.
Esther Riva na súa tenda.
Cál ou cales son as actividades
da Comercial Riva?
Comercial Riva conta cunha
sección de ferraxería, outra de
complementos de xardín, de
rega. Tamén conta cunha sección
de menaxe básico que se
irá incrementando co tempo,
droguería, pensos para animais
tanto de compañía coma de
granxa, peches, abonos, sementes,
plantas e flores. A sección
de papelería que ofrecemos na
comercial é pequena, pero contamos
ampliala antes do comezo
do vindeiro curso escolar para
contar co material que poidan
precisar os nenos e nenas e faci-
litarlles, sobre todo ás nais que
non posúen permiso de conducir,
a lista completa de materiais.
Así mesmo, aumentamos
seccións en función da demanda.
Este foi o caso das flores,
xa que ao estar de camiño
ao cemiterio, a xente preguntaba
se vendiamos flores e rematamos
por incluír tamén esta actividade
ao negocio.
Cómo xurdiu a idea de montar
un negocio coma este nun
tempo de crise económica
coma a actual? Realizastes
algún estudo de mercado?
A idea xurdiu ao ver que na localidade
non había un lugar
onde poder mercar cousas que
poden facer falta a diario. Nós
vivimos esta situación en primeira
persoa, xa que para mercar
calquera cousa, unha simple
punta, tiñámonos que desprazar.
Aínda que ao comezo nos votaba
para atrás o tema da crise,
Esther Riva, xerente da Comercial Riva
“O que non se molla, non cruza o río”
rematamos por decidirnos ao
ver que hai outra xente que se
anima. Finalmente, pensamos
que un tipo de negocio coma o
noso podía funcionar ao satisfacer
as necesidades dos veciños
e veciñas.
Ademais, a xente comentaba
que facía falta un negocio
coma este. A idea xurde
coa intención de cubrir o
maior número posible de
necesidades dos veciños
e veciñas da zona que se
tiñan que desprazar para
mercar certas cousas.
Pretende cubrir entón
un segmento de mercado
que estaba baleiro
na zona, como é o
dunha comercial agrícola
e gandeira, pero
tamén ocupa outras
áreas; polo que se presenta
cun gran público
potencia. Así, tamén
será útil para calquera
veciño ou veciña que
conte cun xardín ou
unha horta. Cales serán
os produtos ofertados
na tenda para estas actividades?
Para o xardín contamos con
plantas de temporada, abonos
específicos para cada tipo de
planta, sistemas de rega, insecticidas
e substratos coma hormonas
de enraizamento. Este é
un exemplo da intención da empresa
de non abarcar unicamente
o ámbito da agricultura.
Ademais, non ofrece os seus
servizos só para Baamonde,
senón que tamén resultará de
utilidade para a veciñanza da
súa contorna. A qué lugares
vos gustaría chegar?
En xeral achégase xente de todo
o concello de Begonte e mesmo
de fóra, das parroquias veciñas
de Guitiriz ou mesmo xente que
pasa pola estrada nacional; pero
temos moi presente que serán os
veciños e veciñas de Baamonde
os nosos principais clientes.
Tamén é certo que aínda hai
xente que non ten coñecemento
da apertura desta comercial.
Cál vai ser o seu horario de
apertura ao público?
De luns a venres a tenda abre de
nove e media a dúas e de catro
a oito e media. O sábado abrimos
pola mañá de dez a dúas e
pola tarde de cinco a oito. E
tamén abriremos os domingos
que haxa feira en Parga de once
a dúas. Xa na temporada de inverno,
que será temporada
baixa, pecharemos os sábados
pola tarde.
Comercial Riva ofrece algún
tipo de servizo a domicilio?
Contamos cunha furgoneta na
que achegamos os produtos
máis voluminosos coma os
sacos ou os utensilios para peches,
tanto os postes de madeira
tratada coma os metálicos. Ademais,
a medida que aumente a
demanda prepararemos rutas de
entrega.
INICIOS
Cómo foi a acollida entre os
veciños? E o nivel de vendas
deste primeiro mes de vida?
A xente coméntanos que está
moi contenta porque nos decidiramos
a abrir un local con este
tipo de servizos. Ademais o día
da inauguración a tenda encheuse
de xente rapidamente.
Non sabemos se é por cuestións
de novidade, pero estamos contentos
co nivel de vendas porque
a xente vén e leva o que
precisa e se non temos o que
precisa, pedímolo.
Qué tipo de produtos foron os
23
máis demandados ata o momento?
Nestes momentos o que máis se
vende son os produtos de temporada:
todo o de sementar,
sobre todo patacas, leitugas e
cebolas; abonos e pensos para
cans e outros animais de granxa.
Qué obxectivo pretende alcanzar
a empresa no primeiro
ano de vida?
Ademais de ter un nivel de vendas
lóxico, tamén nos preocupa
e interesa cubrir as necesidades
da xente. Así, queremos ofrecerlles
todo o que nos poidan pedir.
A REDE
En canto ás posibilidades que
ofrecen as novas tecnoloxías,
qué opina? Comercial Riva
está presente na rede?
A presenza na rede é moi importante,
polo que estamos preparando
unha páxina en facebook
onde imos colgar promocións e
ofertas como as que realizamos
con motivo do Día do Pai e as
que estamos a preparar para o
Día da Nai. A rede ofrece grandes
posibilidades para darnos a
coñecer e resulta moi útil para
chegar ao usuario, xa que, na
actualidade, o que máis ou o que
menos emprégaa. Ao mellor
máis adiante creamos unha páxina
web nosa
EMPRENDEMENTO
E para todos aqueles que se
propoñan emprender un novo
negocio na comarca, qué lle
aconsellaría?
Nós pensamos que “o que non
se molla, non cruza o río”. Nestes
tempos complicados se
todos nos quedamos de brazos
cruzados non vai mellorar nada.
Por iso, aquela persoa que teña
un negocio claro en mente e
saiba como enfocalo, animaríao
a intentalo.