O Concurso de Tapas, entrante da Festa do ... - Terra Chá... Xa!

actualidade marzo 12
folga xeral 29-m
os mozos e mozas?
Con esta reforma preténdese que
teñan un contrato cunhas condicións
e salario miserento ata que
os seus propios fillos poidan acceder
a eses mesmos contratos.
Estar como aprendiz nunha empresa
sen ningún dereito durante
12 anos e ata cumprir os 30,
nunca pode ser a solución ao paro
xuvenil. Como definiu o Secretario
Xeral da CIG á Reforma, esta
está feita para poder despedir de
xeito barato aos pais que tiñan
unha boas condicións de traballo
para poder contratar aos seus fillos
pola metade dos cartos.
Sindicalismo
Nesta ocasión foron a CIG, CGT,
CNT e CUT os que impulsaron a
folga xeral do 29 – M, a mesma
data na que se celebrará unha
folga xeral no País Vasco. Dende
a CIG afírmase que mantiveron
reunións con CCOO e UGT para
intentar acordar a convocatoria
conxunta da folga xeral. Cómo
foron as negociacións con
CCOO e UGT?
A CIG anuncioulles a nosa intención
de convocar Folga para a última
semana de marzo, estando
dispostos a variar a data para confluír
nunha convocatoria o
mesmo día. Nun primeiro momento
non houbo contestación,
pois eles estaban á espera de
poder negociar a Reforma para
“dulcificala”. Isto levounos a dar
o segundo paso e poñerlle data
concreta, pois víamos que non
había negociación posíbel a única
vía era a contestación na rúa e nos
centros de traballo.
Agora, por fin, CCOO e UGT
despois de que Rajoy non quixera
nin recibilos, decidiron convocar
tamén a Folga para o 29 de
marzo. Na CIG saudamos a decisión
e cremos que é unha boa noticia
para a clase traballadora.
Qué consideración lle merece
que se mantiveran na ambigüidade
ata o venres 9 de marzo?
Isto está na súa estratexia de intentar
forzar a negociación. Creo
que agora están un pouco desorientados,
pois despois de levar
anos cedendo nesas mesas que
chaman de diálogo social, Rajoy
dilles que xa nos os necesita e que
coa CEOE xa lle chega. Parece
que se quedan sen papel que
xogar e iso preocúpalles.
Qué opina sobre o acordo interconfederal
que asinaron
CCOO, UGT e a CEOE antes
de que se aprobara a última reforma
laboral?
Un escándalo. Se uns sindicatos
que se chaman de clase aceptan
ese tipo de acordos que supoñen
unha rebaixa salarial real para as
traballadoras e traballadores,
como o goberno e patronal non se
van “envalentonar” para sacar
unha reforma como a que fixeron?
Qué papel cre que debe ter o
sindicalismo ante a situación
17
actual trala negociación colectiva
do 2011?
O único positivo de toda esta situación
vai ser a necesidade de recuperar
o sindicalismo tradicional
de traballo nos centros de traballo
e de enfrontamento directo coa
patronal na rúa ou no propio seo
da empresa, onde temos algunha
oportunidade de vencelos.
O narcótico das mesas de diálogo
social como engano para aplacar
as reivindicacións da clase traballadora
xa non vai funcionar e o
sistema vai ter que ser o de traballar
“a pé de obra”, empezando
por dar unha batalla naquelas empresas
que pretendan impor un
convenio peor que o que había no
sector.
Numeroso políticos da provincia tamén manifestaron a súa opinión sobre a reforma
laboral e a folga xeral convocada para o 29 de marzo
Os grupos municipais do BNG de Vilalba e Xermade e os socialistas de Vilalba pediron o cambio na
data de celebración dos Plenos municipais por mor da folga
Antonio Veiga, Vicepresidente da Deputación.
O Pleno da Deputación aprobou
o martes 28 de febreiro, sen contar
co apoio do Partido Popular,
tres propostas que esixen á Xunta
e ao Executivo Central que non
destrúan máis emprego na provincia.
Entre estas propostas estaba
esixir ao Executivo central a
anulación da Reforma Laboral,
que favorece o
despido libre;
ademais doutras
sobre o
sector eólico e
o peche do
Hospital San
Rafael.
O xoves 22 de
marzo, tanto o
vicepresidente
da Deputación
de Lugo, o nacionalistaAntonio
Veiga,
como o delegado
de Cultura
e Turismo
e portavoz do
grupo provincial do BNG na Deputación,
Mario Outeiro, expresaron
o seu apoio á folga xeral do
29 – M convocada polos sindicatos
maioritarios. Así pois non acudirán
ao seu posto de traballo nin
a ningún acto convocado para os
seus cargos o vindeiro 29 de
marzo. Ambos entenden que
diante dunha reforma laboral
como a que se aveciña é lóxico
mostrarse en sintonía cos traballadores
e coas traballadoras do país,
a maioría social, que o 29 de
marzo facendo uso dun dereito
constitucional como é o dereito á
folga, mostrará o seu descontento
con esta reforma laboral. Así
mesmo, explican que dende o
Bloque Nacionalista Galego cren
que a reforma laboral non é un
instrumento válido para reducir o
verdadeiro problema da xente
hoxe, o paro, xa que como o propio
Goberno vén afirmando, esas
medidas non contribuirán de xeito
directo a xerar emprego nin a mellorar
a estabilidade laboral das
persoas que na actualidade ocupan
postos de traballo en precarias
condicións.
O BNG de Vilalba tamén se manifesta
en contra da reforma laboral
polo que rexistrou unha nova
moción no Concello manifestando
o seu desacordo coa norma
que consideran imposta unilate-
ralmente polo Goberno central e
que desprotexe aos traballadores
e traballadoras e non inclúe estímulos
reais de creación de emprego.
Plenos municipais
Pola súa banda, o portavoz do
BNG de Guitiriz, Xosé Lois González
“Pereira”, presentou no
Concello de Guitiriz unha solicitude
relativa ao cambio de data do
vindeiro pleno ordinario do Concello
de Guitiriz ao coincidir coa
celebración da Folga Xeral o vindeiro
xoves 29 de marzo. O obxectivo
deste cambio é cumprir
co exercicio do dereito á folga dos
traballadores e traballadoras do
concello e tamén de todos os cargos
institucionais.
E o BNG de Vilalba tamén comunicou
o seu desacordo coa celebración
do Pleno o xoves 29.
Neste caso, o Pleno estaba convocado
para o venres 30, aínda que
foi mudado nun comezo por coincidir
co comezo do FIV 2.012,
como afirma Tareixa Burgo, a voceira
do grupo municipal nacionalista
de Vilalba. Finalmente, o
Pleno celebrarase o venres 30
pola mañá. Burgo criticou que se
lle dera prioridade ás festas e que
por riba o equipo de goberno tivera
a intención de cambialo para
o 29 de marzo, data na que está
convocada unha folga xeral.
Burgo anunciara que os concelleiros
do BNG non acudirían no
caso de celebrarse o día 29 de
marzo, xa que consideraba unha
falta de respecto cara as Institucións,
os asuntos públicos e os
traballadores e traballadoras.
Os socialistas vilalbeses tamén se
manifestaron en contra da celebración
do Pleno o 29 de marzo
ao considerar unha “tomadura de
pelo” o impedimento do exercicio
dun dereito fundamental: o dereito
á folga. Ambos grupos municipais
criticaron tamén que se
procedera ao cambio da convocatoria
sen contar cos grupos da
oposición.