O Concurso de Tapas, entrante da Festa do ... - Terra Chá... Xa!

16 marzo 12
folga xeral 29-m
actualidade
Tras un tempo aproximado de
catro meses no goberno, o novo
executivo popular propuxo unha
reforma laboral coa que pretenden
dar solución ao numeroso
desemprego que rexistra o conxunto
do Estado. Pero, cáles son
as razóns polas que vostedes,
xunto a outros sindicatos galegos,
rexistraron a convocatoria
de folga?
A CIG xa tomou a decisión o día
1 de febreiro de convocar unha
Folga Xeral para remates de
marzo como resposta ás políticas
económicas e laborais dos gobernos
do Estado e da Xunta. Esta
convocatoria foi antes de que
fora publicada a Reforma Laboral.
As cifras de paro en Galiza que
están desenfreadas dende que
Feijóo goberna na Xunta, a política
fiscal que carga todo o peso
da crise sobre a clase traballadora
mentres que os ricos seguen
a acumular cartos, os recortes
dos servizos públicos, que prexudican
sobre todo as traballadoras
e traballadores, son motivos xa
dabondo para iniciar unha mobilización
social que culmine
cunha Folga Xeral. Se a todo isto
se lle engade o contido da nova
Reforma Laboral, entón xa sería
unha irresponsabilidade non iniciar
esta mobilización social.
E por qué para o vindeiro xoves 29
de marzo?
Tendo en conta que naquel momento
era comezos de febreiro e
o máis importante dunha Folga é
a compaña previa de información
á sociedade do que está a
acontecer, pareceunos que esa
data, antes do período de Semana
Santa, era o máis acaído
para culminar unha campaña
deste tipo. Tendo en conta que
tamén se contaba que nesa data
estarían no goberno do Estado a
debater os orzamentos do ano
2012, que se prevé que sexan
outro atentado para as traballadoras
e traballadores, a data si foi
unha boa elección.
Qué pretenden conseguir coa
folga xeral?
Pois un dobre obxectivo. Por
unha banda, como se dicía na
pregunta anterior, está o obxectivo
da información ao conxunto
da clase traballadora, no grao de
información que sexamos capaces
de transmitir á sociedade estará
en gran medida o éxito da
Folga. E por outra banda, tamén
é moi importante demostrar aos
gobernos de Compostela e Madrid
que poden aprobar leis porque
gañaron unhas eleccións,
Xosé Ferreiro, delegado da CIG para Lugo e a Terra Chá
“O dobre obxectivo da folga pasa por informar á clase traballadora e mostrar aos
gobernos que a maioría da sociedade non está de acordo con esas medidas”
pero que a pesar diso, a maioría
da sociedade non está de acordo
con esas medidas. Realmente se
Feijóo e Rajoy entenden isto,
tamén será unha vitoria da mobilización.
Para iso é fundamental
que a xente se mobilice e acuda
maioritariamente ás manifestacións
convocadas ese día.
E qué porcentaxe dos traballadores
cre que secundarán a folga?
Esta cuestión sempre é relativa,
pois hai outros moitos parámetros
para medir o éxito da Folga
que as propias cifras de paro.
Nas Folgas Xerais dos últimos
anos sempre se atopan moitas
traballadoras e traballadores que
por uns motivos ou outros non
secundan o paro aínda que están
totalmente de acordo coas causas
da convocatoria da Folga. A medida
do éxito das Folgas está
tamén nas dimensións das manifestacións,
ás veces incluso por
riba do propio paro.
Nesta ocasión incluso se suma
unha circunstancia a maiores,
que é o feito de que unha das características
da Reforma é que o
empresario pode despedir case
sen limitación a un traballador
ou traballadora cando queira. Temémonos
que moita xente non
vai facer folga simplemente porque
sabe cales van ser as represalias
do seu patrón ao día
seguinte. Por desgraza, os xuíces
e as forzas de seguridade están
para protexer aos empresarios,
non ás persoas que queren exercer
o seu dereito de participar na
Folga. Para eles ese dereito fundamental
non existe.
Reforma laboral
Dende a crise dos anos oitenta
sucedéronse catro reformas:
unha en 1984, outra en 1994, a
de 2010 durante a etapa de goberno
socialista e agora outra
nova, pouco máis de dous anos
despois. Qué consideración vos
merece a sucesión de reformas
laborais para a diminución dos
índices de paro?
É un feito probado, ningunha
Reforma Laboral serviu para
xerar emprego, senón ao contrario,
sempre o destruíu. A sucesión
sempre foi a mesma:
xustifícase unha reforma laboral
para acabar co paro e o paro non
baixa ata que a situación macroeconómica
así o permitía; pero
logo nunca se restituían os dereitos
da clase traballadora que se
atropelaran coa reforma. Isto
leva acontecendo con todos os
gobernos, cos do PSOE e o PP.
En política económica e laboral
non hai diferenza. O seu obxec-
tivo sempre é o mesmo: que os
ricos cada vez acumulen máis
capital a conta de empobrecer á
clase traballadora. Neste tema
hai moita hipocrisía nalgunha organizacións
políticas que se chaman
de esquerdas.
E para as condicións dos traballadores
e traballadoras?
Pois o mesmo. Cada reforma
sempre ofrece menos dereitos e
peores condicións laborais.
Dende fai 20 anos nunca se
avanzou cara adiante, sempre se
foi para atrás. Isto é o que dende
a CIG se reprocha a algunha organizacións
sindicais de ámbito
estatal, pois nós non concibimos
o feito de sentarnos a negociar
para retroceder. En todo caso que
nos retiren dereitos se poden,
pero nunca co noso consentimento.
No fondo é asinar en
moitos casos a nosa propia liquidación
a prazos. O chamado diálogo
social foi o látego que leva
azoutando á clase traballadora
dende fai anos. Del non saíu absolutamente
ningunha medida
que mellorara algo, sempre foron
retrocesos.
E cáles son os principais aspectos
laborais que se verán afectados
nesta ocasión?
Esta realmente non é unha reforma,
senón que é un novo Estatuto
do Traballadores que
cambia a súa filosofía. Ata o de
agora, aínda que se ía retrocedendo,
conservábase a aparencia
de que había un equilibrio entre
a forza e o poder do empresario
e a capacidade de loita conxunta
polos seus intereses das traballadoras
e traballadores. A partires
de aquí isto cambia, quedando as
persoas que viven dun traballo
asalariado totalmente a expensas
do seu patrón, practicamente sen
ningún tipo de protección ante as
imposicións ou abusos del.
Concretamente, os despedimentos
indiscriminados e practicamente
sen indemnización, as
baixadas de salario ata o salario
mínimo, os cambios de funcións
ou de posto e lugar de traballo,
os empregos de escravos para os
mozos, etc. van ser cuestións
normais nos próximos meses se
non lle poñemos remedio.
Considera que esta reforma será
positiva para alguén?
Prexudica a todos os sectores sociais
sen excepción, menos á
Banca. Prexudica á xente en activo
porque van perder dereitos e
empeorar as súas condicións laborais,
prexudica aos parados
porque o paro vai aumentar e
cando por fin atopen un emprego
esta vai ser totalmente precario e
cun salario miserábel, prexudica
as pensión porque ao baixar as
bases de cotización tamén vai
afectar ás pensións no futuro,
prexudica á sociedade en xeral
porque coa baixada do consumo
e dos ingresos vanse recadar
menos impostos polo que os servizos
e infraestruturas van diminuír,
etc. Incluso para os
empresarios que se dedican ao
traballo produtivo de bens ou
servizos van ser prexudicados,
pois pola baixada de salarios
vaise volver a contraer o consumo
co cal ao final, como producen
sobre todo para o
autoconsumo interno, van atoparse
que non van ter quen lles
compre eses produtos ou servizos.
Os único beneficiados desta reforma,
que foron dende o meu
punto de vista que a redactou, é
a gran Banca e as entidades financeiras.
Os bancos coa reestruturación
que van facer no
próximo ano, aforran en despedimentos
con esta reforma en
vigor unha cantidade próxima
aos 3.000 millóns de euros, iso
sen contar que agora poderán
mover aos seu empregados polas
oficinas de todo o estado. Ademais,
a eles non lles preocupa o
nivel económico do noso país,
pois o seu mercado esta globalizado
e se aquí non hai cartos
para facer negocio, non teñen
ningún problema en ir a outro
lado a facer as súa inversións.
Cómo cre que afectará esta reforma
en Galicia? E na provincia
de Lugo?
Este tipo de reformas sempre son
máis prexudiciais para os colectivos
e zonas onde as condicións
xa eran antes máis precarias. As
mulleres e a mocidade van pagar
moito máis caro esta reforma e
países como Galiza, tamén pola
súa precariedade e falta de desenvolvemento
dos seus sectores
produtivos igualmente. Loxicamente
Lugo, que vai na cola de
Galiza en todo isto vai ser o sitio
onde vamos sufrir con máis in-
Xosé Ferreiro, delegado da CIG para Lugo e a Terra Chá.
tensidade esta situación. De feito
a sangría que estamos a ter coas
nosas mozas e mozos mellor preparados
escapando literalmente
cara outros países de Europa vai
ser unha lacra moi difícil de
compensar no futuro.
A maiores temos outra lacra co
actual goberno da Xunta, un goberno
de despreza ao seu propio
país, dende o seu idioma ata os
sectores económicos básicos.
Observar como deixou que se
desmantelaran sectores tan importantes
para nós como o sector
naval ou o agrario, ver como está
a arruinar o ensino público ou a
sanidade ou como aumenta o
desemprego no noso país a un
ritmo que practicamente dobra o
incremento do estado son cuestión
que deberan realmente preocuparnos.
De todos os xeitos
que se pode esperar dun goberno
onde hai conselleiros da área
económica que teñen as súas
propias empresas deslocalizadas
no estranxeiro? Quen vai coller
confianza nestas condicións? Espero
que para as seguinte elección
do outono se empece a
solucionar este tema, pois estamos
nun punto de non retorno.
Qué opina das condicións de
traballo que se establecen para