umuvunyi magazine special ukuboza 2011 - Office of the Ombudsman

TURWANYE RUSWA
Icyumweru cyahariwe kurwanya ruswa gifasha abaturarwanda
kumenya inshingano z’urwego rw’umuvunyi
Umugwaneza Clémentine
nk’uko bisanzwe buri mwaka, Urwego
rw’Umuvunyi rutegura icyumweru cyihariye
cyo kurwanya ruswa mu gihugu
hose. Uyu mwaka, icyo cyumweru cyatangiriye
ku mugaragaro mu karere ka
nyabihu mu ntara y’iburengerazuba
tariki ya 05/12/2011 kuko akarere ka
nyabihu ari ko kabaye aka mbere mu
marushanwa y’Uturere ku miyoborere
myiza mu mwaka wa 2010. icyo cyumweru
kikaba kizasozwa ku munsi mpuzamahanga
wo kurwanya ruswa ku isi
wizihizwa ku itariki ya 09 Ukuboza.
Umunsi mpuzamahanga wo kurwanya
ruswa wemejwe n’icyemezo n°58/4
cy’inteko Rusange y’Umuryango
w’abibumbye (onU) yateranye ku
itariki ya 31 Ukwakira 2003 i merida
mu Gihugu cya mexique. Umuryango
w’abibumbye washyizeho uyu munsi
ugamije gukangurira isi yose kumenya
ububi bwa ruswa. kwizihiza uyu munsi
rero ni bumwe mu buryo bwo kumenyekanisha
uruhare rw’ayo masezerano
mpuzamahanga mu bijyanye no
kurwanya ruswa ndetse n’u Rwanda
rwamaze gushyiraho umukono.
Uyu mwaka, insanganyamatsiko
y’icyumweru cyo kurwanya ruswa iragira
iti: “Ba inyangamugayo, wange
ruswa”. kwanga ruswa no kuyamagana
ni uruhare rwa buri wese, yaba ari
inzego za leta, inzego zigenga, abikorera,
imiryango itari iya leta ndetse
n’abaturage bose muri rusange.
ku itariki ya 24 Ukwakira 2011, Urwego
rw’Umuvunyi rwatangiye ibikorwa
binyuranye byo gutegura icyumweru
cyo kurwanya ruswa. muri ibyo bikorwa
hari amarushanwa y’indirimbo
n’imivugo bigamije gukangurira
abanyarwanda b’ingeri zose kwanga,
kwirinda no kwamagana ruswa aho
iboneka hose n’amarushanwa hagati
y’Uturere ku miyoborere myiza.
I. AMARUSHANWA Y’INDIRIMBO
N’IMIVUGO
bumwe mu buryo bukoreshwa mu gu-
tanga ubutumwa ni ukubunyuza mu
bihangano. igihangano cy’ikinamico,
indirimbo, imivugo, inkuru ishushanyije…
ubu buryo bukaba bufasha abantu
gufata vuba ubutumwa bukubiye muri
ibyo bihangango. ku nshuro ya kabiri,
Urwego rw’Umuvunyi rwateguye amarushanwa
ku ndirimbo n’imivugo.
ayo marushanwa agenewe abahanzi
bose yatangiriye ku rwego rw’akarere,
akaba azakomeza ku rwego rw’intara
Urwego rw’Umuvunyi
n’Umujyi wa kigali no ku rwego
rw’igihugu.
ku bijyanye n’insanganyamatsiko, igihangano
kigomba kuba kigaragaza ingingo
zikurikira:
- Guteza imbere imiyoborere myiza;
Uruhare rwa buri munyarwanda mu
gukumira no kurwanya akarengane;
- Uruhare rwa buri munyarwanda mu
gukumira no kurwanya ruswa;
- Uruhare rw’Urwego rw’Umuvunyi
mu kwimakaza imiyoborere myiza;
- Uruhare rwa buri munyarwanda mu
guharanira uburenganzira bwe;
- kubera ijisho umuturanyi cyangwa
mugenzi wawe igihe hagaragaye aka-
Itsinda ryishyize hamwe riza mu marushanwa y'indirimbo yateguwe n'Urwego rw'Umuvunyi
rengane cyangwa ruswa.
kuri buri rwego, hahembwa 3 ba mbere
barushije abandi kandi muri buri
cyiciro, ni ukuvuga mu ndirimbo 3 no
mu mivugo 3. mu ndirimbo, hashobora
kurushanwa umuntu ku giti cye
cyangwa itsinda ry’abantu.
II. AMARUSHANWA Y’UTURERE KU
MIYOBORERE MYIZA
Urwego rw’Umuvunyi
igihugu cyacu cyafashe intego yo kwimakaza
imiyoborere myiza iha abayoborwa
urubuga rwo kugira uruhare mu
buyobozi. imwe mu nkingi zo gushimangira
imiyoborere myiza ni ukwegereza
abaturage ubuyobozi, hashyirwaho
inzego zegereye abaturage kandi
zibafasha kwihitiramo ibibakorerwa.
akarere ni Urwego rw’Ubuyobozi bwegerejwe
abaturage, rufite ububasha
n’ubushobozi bwo kubakemurira ibibazo.
hashingiwe ku ngingo ya 3, igika cya
4, 10° y’itegeko n° 17/2005 ryo ku
wa 18/08/2005 rivugurura kandi ryuzuza
itegeko n°25/2003 ryo ku wa
15/08/2003 rigena imitere n’imikorere
y’Urwego rw’Umuvunyi, Urwego
rw’Umuvunyi rufite inshingano yo “kugira
uruhare mu guteza imbere ubuyobozi
bwiza mu nzego zose, rwerekana
ko imikorere n’imikoranire y’inzego
idatunganye, bitewe n’uko inyuranyije
n’amategeko, n’inshingano za buri rwego
cyangwa n’imigambi rusange ya
Leta, cyangwa se ifite ingaruka mbi ku
baturage.”
mu kuzuza iyo nshingano, Urwego rugira
inama ubuyobozi uburyo bugomba
kuzuza inshingano zabwo, rukanakangurira
abaturage kumenya no guharanira
uburenganzira bwabo. Rukora
kandi igenzura rigamije kureba niba inzego
z’ubuyobozi zikora zikurikije amategeko,
zifite uburyo bwo kwigenzura
no kugenzurwa, niba kandi imikorere
yazo idaha icyuho ruswa n’akarengane.
mu bikorwa byo gutegura icyumweru
cyahariwe kurwanya ruswa, hatangijwe
amarushanwa mu turere twose
agamije kureba uko utwo turere dushyira
mu bikorwa politiki y’imiyoborere
myiza.
Urwego rw’Umuvunyi rwasabye Uturere
twose kwitabira ayo marushanwa
rwuzuza urutonde rw’ibibazo 30 bireba
imikorere y’akarere muri rusange
bikubiye mu ngingo enye zikurikira:
• imiyoborere;
TURWANYE RUSWA
Abitabiriye amarushanwa y'indirimbo n'imivugo mu Karere ka Nyarugenge ndetse n'abari mu Kanama Nkemurampaka (jury)
• ubugenzuzi;
• imitangire y’amasoko;
• imenyekanishamutungo.
muri aya marushanwa, Uturere dusabwa
kugaragaza udushya mu gushyiraho
ingamba zo gukumira no kurwanya
ruswa mu rwego rwo kwimika imiyoborere
myiza.
mu cyiciro cya kabiri abakozi b’Urwego
rw’Umuvunyi bagiye mu turere twose
kugenzura niba ibyo Uturere twujuje
mu nyandiko twashyikirije Urwego bihuje
n’ukuri.
Uturere dutatu tuzaba utwa mbere tuzahabwa
ibihembo ku munsi wo gusoza
icyumweru cyo kurwanya ruswa ku
wa 09/12/2011.
Urwego rw’Umuvunyi rurashishikariza
inzego zose n’abantu bose, baba
mu nzego z’ubuyobozi cyangwa ku giti
cyabo guhora bashakisha ingamba zo
kurwanya ruswa.
14 Umuvunyi Magazine Ukuboza 2011 Umuvunyi Magazine Ukuboza 2011
15