Kreu i gjashtë PLANIFIKIMI URBAN, MBROJTJA E DHE ...
Kreu i gjashtë PLANIFIKIMI URBAN, MBROJTJA E DHE ...
Kreu i gjashtë PLANIFIKIMI URBAN, MBROJTJA E DHE ...
Create successful ePaper yourself
Turn your PDF publications into a flip-book with our unique Google optimized e-Paper software.
Alfred FRASHERI<br />
GJEOFIZIKA INXHINJERIKE <strong>DHE</strong> MJEDISORE<br />
2012<br />
Zona kodrinore e Zvërnecit ndodhet në veri-perëndim të Gjiut të Vlorës (Fig.<br />
6.9, 6.10). Shigjeta e vjetër ranore e formuar nga aluvionet që Vjosa ka derdhur<br />
në det, ndan pjesën veriore të lagunës së Nartës nga deti, deri tek skaji verior i<br />
kodrave të Zvërnecit. Zhvendosja e grykëderdhjes së Vjosës gjatë shekullit të<br />
20-të, ka krijuar probleme serioze të erozionit në këtë sektor të Gjiut të Vlorës.<br />
Ngarkesa e ngurtë që derdh në det lumi Vjosa, si edhe materiali nga<br />
grykëderdhja e vjetër e Vjosës synojnë të depozitohen në drejtim kryesisht<br />
jugor (Thereska J. 1981) (Fig. 6.10).<br />
Edhe në kepat e Rodonit, Selitës dhe zonën kodrinore të Zvërnecit, është<br />
vrojtuar e njëjta gjeomorfologji e fundit të cektinës bregdetare si edhe në zonën<br />
Durrës-Kepi i Pallës, depozitime ranore, elevritike-ranore dhe me batlla<br />
nënujore.<br />
6.1.1.c. Hapësirat zhytëse, ku vërehet ingresion i detit drejt steresë.<br />
Plazhi i Semanit në bregun e rajonit jugperëndimor të vendit dhe plazhi i<br />
Patokut në veriperëndim, përfaqësojnë sektorë zhytës, të cilat ndodhen midis<br />
hapësirave grumbulluese. Procesi i zhytjes, që shoqërohet me ingresionin e<br />
detit drejt steresë është shkaktuar nga veprimtaria neotektonike.<br />
Sipas të dhënave të studimeve neotektonike, nga Gjiri i Vlorës deri në atë<br />
të Drinit ka disa thyerje aktive tektonike përmbysëse dhe mbihipëse, të cilat<br />
ndërpresin vijën bregore (Fig. 6.2, 6.3, 6.10) (Aliaj Sh. 1987, 1988, 1989, 2000,<br />
Aliaj Sh. etj. 2000). Një thyerje e tillë, futet nga deti në stere në grykëderdhjen<br />
e vjetër të Vjosës dhe duke shkuar paralel me bregun ne plazhin e Semanit<br />
vazhdon përsëri në det. Krahu i ngritur është në lindje, Në perëndim ku<br />
ndodhet edhe plazhi i Semanit, gjendet krahu i ulur. Sipas tomografisë detare<br />
të rezistencës elektrike specifike, të kryer më anën e sondimeve detare elekrike,<br />
morfologjia e depozitimeve të shkrifta të kuaternarit detar kanë shtrirje<br />
horizontale në perëndim të plazhit të Semanit (Fig. 6.7). Në jug dhe në verilindje<br />
të profilit gjeoelektrik vërehet impakti i thyerjes tektonike aktive. Për<br />
rrjedhojë, plazhi i Semanit, i cili ndodhet në krahun e ulur të thyerjes, gjendet<br />
nën regjim zhytës, duke filluar nga ana jugore e grykëderdhjes së lumit Seman<br />
e deri në plazhin e Semanit, gjatë një vije disa kilometrat të gjatë.Shumë<br />
objekte që 20-35 vjet më parë ishin ndërtuar në stere, sot ndodhen në det, për<br />
shembull, bazamenti i pusit të thellë të naftës Semani-3 (Foto 6.1). Në vitin<br />
1969 kur është shpuar, ai ndodhej në stere, 265m larg bregut. Sipas hartave<br />
topografike dhe imazheve satelitore, për periudhën 1969-1983 vija e bregut<br />
pati nje ingresion për 135m drejt steresë, me gradient 9.4 m/vit. Nga viti 1983<br />
deri në 2004 amplituda e ingresionit ishte 170 m, me gradient 8.1 m/vit. Në<br />
këtë zonë, procesi i zhytjes ka filluar rreth 160 vjet më parë. Në sektorë më të<br />
vegjël, avancimi i ujit të detit drejt steresë ka arritur edhe 2.5-3 km.<br />
Në fig. 6.3 duket se procesi i zhytjes nuk është zhvilluar në të njëjtën<br />
kohë gjatë të gjithë gjatësisë së thyerjes tektonike. Drejt grykëderdhjes së lumit<br />
Vjosa, nuk ka një proces të tillë zhytjeje intensiv sa në Seman.<br />
Vrojtohet edhe dukuria ngritëse e krahut lindor të thyrjes tektonike<br />
përmbysëse dhe mbihipëse në zonën Seman-Karavasta-grykëderdhja e lumit<br />
Shkumbin. Kjo dukuri shprehet me regresion te detit dhe zhvendosje e<br />
grykëderdhjes së lumit Shkumbin.<br />
10