SHPALLIN DESHTIMIN - Gazeta Express

E hënë, 17 tetor 2011
Prishtina zyrtare do të duhej të theksonte qartë
që Beogradi do të duhej të largohej nga Veriu i
Kosovës, para se Serbia të merr statusin e shtetit
kandidat për inkuadrim në BE.
Kushti kyç: Dalja e Serbisë
nga Veriu i Kosovës
Blerim Shala
Raporti i Progresit i Komisionit Evropian bleu dy
muaj kohë shtesë për Kosovën dhe Serbinë, thënë
më mirë, për udhëheqësit në Prishtinë dhe në Beograd.Lajmi
i ditës në Kosovës, më 12 tetor, 2011,
nuk ishte përmbajtja e Raportit që është dyzim i
ngjyrave zi dhe gri me fare pak ngjyrë të bardhë,
por paralajmërimi që në dhjetor, Prishtina mund
ta marrë Strategjinë për liberalizimin e vizave. Në
ndërkohë, pos tjerash, lidershipi kosovar do të duhej
të mendonte për Agjendën Gjithëpërfshirëse
për Veriun e Kosovës. Çfarë do të thotë kjo, mbetet
të kuptojmë në javët e ardhshme.
Lajmi i ditës në Serbi, më 12 tetor ishte oferta e
Komisionit Evropian për fi timin e statusit të shtetit
kandidat për të hyrë në Bashkimin Evropian, nëse
në periudhën e ardhshme, Beogradi do të tregohet
bashkëpunues në dialogun e nisur më 8 mars në
Bruksel, i cili, ndryshe, është ndërprerë dy herë me
fajin e qartë të Serbisë.
Bisedimet që kanë nisë si pasojë e Rezolutës së
Asamblesë së Përgjithshme të OKB-së, në shtatorin
e vitit 2010, tani lidhen prerazi me një avancim
thelbësor të Serbisë në rrugëtimin kah BE-ja.
Thënë shkurt: po qe se Beogradi i pranon ato trikatër
Marrëveshje që janë mbi tavolinën e Robert
Cooper-it, atëherë, më 9 dhjetor, kur në Bruksel
mblidhen Ministrat e Jashtëm të shteteve anëtare
të BE-së, Serbia do të mund të fi tojë statusin e
synuar aq shumë.
Prijësit e Serbisë pak ditë para se të bëheshin
publike Raportet e Komisionit Evropian për shtetet
e Ballkanit Perëndimorë, pohuan që nuk ka kuptim
të vazhdojë dialogu i Brukselit me gjendjen e
tanishme në Veri të Kosovës. Tash, duket që gjërat
do të ndryshojnë. Nëse në ndërkohë, në ditët dhe
javët e ardhshme, hiqen barrikadat që kanë bërë
lëmsh Veriun dhe e kanë bërë atë territorin më të
izoluar të Evropës, me meritën e Serbisë të cilës
po i hapet autostrada kah kjo Evropë, dhe nëse
Beogradi përmbushë Agjendën ‘gjithëpërfshirëse’
tekniko-praktike të Cooper-it për zgjidhjen e disa
problemeve në relacionet midis dy palëve (siç defi -
nohen Kosova dhe Serbia në këtë dialog), atëherë,
Beogradi mund të merr statusin e shtetit kandidat
për të hyrë në BE.
Serbia, e cila ka marrë nga BE-ja, sipas këtij Raporti
të Progresi, afër tetë miliardë Euro ndihma
fi nanciare prej vitit 2001 e këndej, dhe e cila, po sipas
këtij Raporti, mbanë strukturat e saja në Veri të
Kosovës (kjo pranohet për herë të parë në mënyrë
eksplicite nga Brukseli) dhe madje, kundërshton
edhe Rezolutën 1244 të Këshillit të Sigurimit të
OKB-së (prapë sipas këtij Raporti), do të ketë gjasa
të bëjë një hap të madh përpara kah Brukseli, duke
mos bërë asnjë të vetmin hap prapa prej Veriut të
Kosovës kah Serbia.
Kështu së paku del prej Rekomandimeve të
» Autori është
Nënkryetar i Parë i Aleancës për Ardhmëninë e Kosovës.
Kjo kolumne është shkruar enkas për Gazetën Express
Komisionit Evropian. Sekush që përcjell sadopak
zhvillimet në Kosovë dhe rreth Kosovës, do të vërej
me të parën që kushtet e Komisionit Evropian për
Beogradin, që Serbia pra të fi tojë atë çfarë dëshiron
prej Brukselit, janë larg qëndrimeve dhe kushteve
të artikuluara nga Kancelarja e Gjermanisë, Angela
Merkel, gjatë vizitës së saj në Beograd në fund të
gushtit. Merkel foli qartë për shpërbërjen e strukturave
të Serbisë në Kosovë, të cilat janë burim i
të gjitha problemeve në këtë pjesë të Kosovës, dhe
të cilat, për më shumë, gjithnjë sipas vlerësimeve
dhe raporteve të Paktit NATO dhe KFOR-it, janë
kërcënim për sigurinë në Kosovë dhe për jetën e
vetë pjesëtarëve të KFOR-it dhe të EULEX-it.
Për Serbinë e Boris Tadiqit, do të ishte ideale po
qe se prej gjendjes së sotme goxha problematike,
do të nxirrej me tri-katër Marrëveshje të reja në një
dialog të kotë në Bruksel, pa i prekur fare strukturat
e saja në Veri, dhe duke prekur me një gisht (së
paku), derën e BE-së në Bruksel, përmes statusit
që do ta fi tojë në relacionet me BE-në.
Kështu, me gjasë edhe do të ndodhë në dhjetor
në Bruksel, nëse nuk do të ketë këmbëngulje
të Berlinit, Londrës dhe Parisit për sendërtimin
e Agjendës Gjithëpërfshirëse të Angela Merkelit
për Veriun e Kosovës.
E po qe se Serbia fi ton atë çfarë synon pa nisë
tërheqjen nga Veriu, atëherë, objektivisht, ne do të
kthehemi në atë gjendjen e para 25 korrikut. I tëri
mundi i deritashëm do të shkojë huq.
Po Prishtina zyrtare, hë për hë, është e zënë në
festën e madhe, në pritje të Strategjisë për Liberalizimin
e vizave, prandaj, nuk ka kohë shumë për
tu marrë me këtë telashe.
Aktualisht, të gjithë ne po merremi me interpretimin
dhe shpjegimin e premtimeve të Kryeministrit
Thaçi të dhëna gjatë fushatës parazgjedhore,
se kur do të mund t’ia mësyjmë Brukselit pa viza
në pasaportat tona biometrike, ndërsa askush këndejpari
nuk e di se kur do të mund të shkojmë, si
qytetarë të Kosovës, në Portat 1 dhe 31, apo, në
Veri të Kosovës.
Liderët serbë thanë, siç u theksua edhe më parë,
që dialogu në Bruksel nuk mund të vazhdojë me
këtë gjendje në Veri të Kosovës.
Liderët e Kosovës është dashtë të thonë, me
kohë, qysh vitin e kaluar, kur kjo temë u trajtua
në New York, në selinë e OKB-së, apo më së voni,
në dimrin e këtij viti, kur kjo çështje u shqyrtua në
Bruksel, në selinë e BE-së, që bisedimet teknikepraktike
nuk duhet të fi llojnë fare derisa Serbia të
mos largohet nga Veriu i Kosovës.
Po tash jemi ku jemi. Prishtina zyrtare, gjithnjë
duke synuar të koordinojë politikën e vet me shtetet
e mëdha perëndimore, do të duhej të theksonte
qartë që Serbia do të duhej të largohej nga Veriu i
Kosovës, para se Beogradi të merr statusin e shtetit
kandidat për inkuadrim në BE.
Dalja e Serbisë nga Veriu i Kosovës duhet të jetë
kushti kryesor për fi llimin e procesit të hyrjes së
Serbisë në BE. Ndërsa pa pranimin e Republikës
së Kosovës, Serbia nuk do të duhej të bëhej shtet
anëtar i BE-së.
Tani pako
EXTRA me
24 këste!
3