IsiXhosa - Treatment Action Campaign

Iindlela zokufumanisa i-TB
esebenzayo
I-X-reyi
Kaninzi izigulane ezineempawu ze-TB (umzekelo,
ukukhohlela iiveki ezimbini, ukwehla kobunzima,
ukubula ebusuku) ziyakuthathwa i-x-reyi esifuba. I-x-reyi
engasekunene ibonsia isigulane esine-TB.
Oogqirha kufuneka babe namava ukuze bayifumanise
i-TB besebenzisa i-x-reyi. Kodwa nangoko ii-x-reyi kaninzi
aziniki lwazi lwaneleyo lokufumanisa i-TB. Kwakhona,
ii-x-reyi ngeke ziyibone i-TB esebenzayo engaphandle
kwemiphunga (eyaziwa ngokuba yi- extra-pulmonary TB).
Imakroskowupu yesikhohlela
Indlela engcono yokuzama ukufumanisa i-TB kukucela
isigulane ukuba sikhohlele isikhohlela (okanye sikhuphe).
Isikhohlela ke sinokuthunyelwa kwilebhu eqhelekileyo.
Apho, ichaphaza elikhethekileyo eliye liqatywe
kwisikhohlela liyakuyibonisa phantsi kwemakroskowupu
i-TB. Ngasekunene ezantsi yifoto ebonsia ukuba ibonakala
njani na i-TB phantsi kwemakroskowupu..
Kodwa ke imakroskowupu yesikhohlela nayo ineengxaki.
Ukuchaneka kwayo kuxhomekeka kwinkqubo eqhutywa
ngumsebenzi waselebhu oqeqeshiweyo kwisakhono eso.
Kwakhona, izigulane ezininzi, ingakumbi ezo zine-HIV,
azinasifo sephepha soneleyo kwizikhohlela zazo ukuba
kungade kubonakale phantsi kwemakroskowupu.
Njengee-x-reyi, imakroskowupu yesikhohlela ayinako
ukufuamnisa i-TB ngaphandle kwemiphunga.
Ukukhuliswa kweentsholongwane
(Culture)
Eyona ndlela ichanekileyo yokufumanisa i-TB
okwangoku kukuthumela isampuli yesikhohlela kwilebhu
ephucukileyo eyakuthi ibeke isikhohlela kwindawo
ekukhuliswa kuyo intsholongwane ekhethekileyo apho
iintsholongwane (microbes) (germs) ezifana neze-TB
zinokukhula khona. Ukuba akukho TB ikhulayo apho
kuloo ndawo ikhuliswa khona, isigulane ke ngoko
mhlawumbi asinayo i-TB, okungenani hayi emiphungeni.
Ukuba ngaba ngenene iyakhula i-TB, isigulane sinayo
i-TB.
Iimvavanyo zokukhuliswa kweentsholongwane
zinokusetyenziswa ukufumanisa i-TB ngaphandle
kwemiphunga. Okukwenziwa ngokuba kuthathwe
umcu kwilungu lomzimba ekukrokrelwa ukuba line-TB.
Umzekelo, ukuba ngaba kubonakala ngathi umntu
une-TB yomqolo, ulwelolomqolo lunokuthunyelwa
elebhu ukuba kuyokukhuliswa iintsolongwane.
Kodwa iimvavanyo zokukhuliswa kweentsholongwane
zineengxaki nazo. Ziyacotha kaninzi kuthatha iiveki
ezimbalwa phambi kokuba kufumaneke iziphumo.
Ziyabiza kananjalo, kwaye kufuneka zenziwe kwilebhu
ephucukileyo. Ngaphaya koko, isikhohlela okanye omnye
umcu womzimba kufuneka zithunyelwe ngononophelo xa
zisuka ekliniki ziziya elebhu.
I-PCR
Njenge-HIV, i-TB ekhoyo inokufunyaniswa kusetyenziswa
uvavanyo lwe-PCR (polymerase chain reaction).
Kodwa luyabiza, lufuna ilebhu ephucukileyo kwaye
aluchanekanga njengokukhuliswa kweentsholongwane
(culture).
Iindlela ezintsha
Iindlela ezintsha zokufumanisa i-TB ngoxilongo
kuyaphandwa ngazo. Olunye ufumaniso lwesifo
ngoxilongo olutsha olunika umdla luyaphandwa
eKhayelitsha, kodwa kusekwangoko kakhulu ukuxela
ukuba luyakusebenza kwaye lufikeleleke njani.
Kodwa yimali encinane kakhulu ekwenziwe ngayo utyalomali
kuxilongo olutsha lokufumanisa i-TB. Ekugqibeleni
kuyakufuneka uvavanyo lwe-TB ekhoyo olusebenza
njengovavanyo lwe-HIV. Kufuneka lungabizi, luchane,
kube lula ukuluqhuba kwaye lunike iziphumo ngemzuzu.
Isende indlela ekusafuneka ihanjwe phambi kokuba sifike
apho. Okwangoku, i-Treatment Action Campaign (TAC)
kufuneka ifake uxinzelelo kurhulumente waseMzantsi
Afrika, kumaZiko eMpilo eSizwe asekelwe eMelika
kunye noMbutho weMpilo weHlabathi ukuba bancede
ekuqinisekiseni ukuba imali eninzi kwenziwa ngayo
utyalo-mali kuphando lwe-TB.
Iintolo zibonisa ukungaqheleki
kule x-reyi yemiphunga oko
okubonisa i-TB. Ifoto ivela kwi-
Wikipedia.
Iityhubu ezibomvu yibhaktiriya
yesifo sephepha. Ifoto ivela kwi-
Wikipedia.
Izixhobo zokuhlola
intsolongwane ka
Gawulayo zikwenza oko
ngokukhawuleza,ziyafikeleleka
ngokwexabiso kwaye
ziyawuchana umhlola ngokuthe
ngqo. Akunjalongo ke kodwa
kwizixhobo zokuhlola i sifo
sephepha(TB). Zona zithatha
ixesha elide, kunezinto ezininzi
ezenziwayo.
Inxaso mali iyadingeka ke ukuze
sifumane izixhobo zokuhlola
isifo sephepha ezikhawulezayo
nezithe ngqo". iPhoto ithathwe
ngu Paymon Ebrahimzedah
Mabini amanyathelo okuchaneka kovavanyo lwezonyango: ubuntununtunu
nokuchana.
Uvavanyo kufuneka lube nobuNTUNUNTUNU:
Ukuba ngaba isigulane sine-TB, kufuneka uvavanyo lukhombise i-TB.
Uvavanyo olunobuntununtunu bama- 90% lukhombisa i-TB amaxesha
alithoba kwalishumi xa ikhona, kodwa lixesha elinye kwalishumi apho liye
lusilele ekukhombiseni i-TB xa ikhona.
Uvavanyo kufuneka LUCHANE:
Xa isigulane singenayo i-TB, uvavanyo kufuneka lungafumanisi i-TB.
Ukuba ngaba uvavanyo luchane ngama- 90% , oku kuthetha ukuba
ngamaxesha alithoba kwalishumi lokuba uxilongo ngokuchanekileyo
alukhombisi i-TB xa ingekho, kodwa kwixesha elinye kwalishumi
iyayikhombisa i-TB ibe ingekho.
I-TB
27