IsiXhosa - Treatment Action Campaign

IZIKHOKELO EZINTSHA
NETHENDA
4
Ibali lika-
Eunice
U-Mary-Jane Matsolo
wenza udliwano-ndlebe
no-Eunice Lindiso
malunga namava akhe
ngokutshintsha kwistavudine
(d4T) waya
kwi-tenofovir (TDF).
U-Eunice Lindiso ngowasetyhini oneminyaka engama-33 ohlala eKhayelitsha unonyana
one-14 leminyaka. U-Eunice kwafunyaniswa ngovavanyo ngo-2007 ukuba une-HIV,
emva kokufumanisa ukuba isithandwa sakhe awayethandana naso iminyaka emininzi
sasinganyanisekanga kuye sithandana nowasetyhini owayesaziwa ekuhlaleni ukuba une-
HIV. Ukufunyaniswa kwakhe ngoxilongo u-Eunice isibalo sakhe se-CD4 sasingama-192,
kodwa ke ngelo xesha wayengabonisi mpawu ezimandundu zosulelo lwe-HIV.
Ngo-2007 waqalisa unyango lwe-antiretroviral (ART) esebenzisa i-stavudine (d4T),
lamivudine (3TC) ne-nevirapine (NVP). Emalunga neenyanga ezine kolu nyango u-
Eunice waqalisa ukuphawula iziphumo ebezingalindelekanga. Waba nobucaphu-caphu
obukhulu wagabha rhoqo ngenxa yesiphimo ebesingalindelekanga esixhaphakileyo
se- d4t esaziwa ngokuba yi-lactic acidosis (imeko apho i-lactic acid yakheka egazini
ngokukhawuleza kunokuba unokukwazi ukuyisusa umzimba). Oku kwenza kwanzima
kakhulu kuye ukuba akhathalele unyana wakhe kuba ixesha elininzi wayengaphilanga
ngokwaneleyo ukuba akwenze oko.
Wathi akukhalaza malunga noku, ugqirha wakhe watshintshela u-Eunice kwirejimeni
ene-Zidovudine (AZT), 3TC ne-nevirapine. Kule rejimeni waye waqala ukwehlelwa
bubunzima kodwa kwangaxesha nye amabele akhe akhula ukusuka kwisayizi 32B ukuya
ku-36D. Le yindibaniselwano yokwehlelwa ngamafutha kunye nokufumana amafutha
sesinye isiphumo ebesingalindelekanga se- d4t esaziwa angokuba yi-lipodystrophy.
Nge-3 ka Febuwari 2010 unyango luka-Eunice lwaye lwatshintshwa kwakhona. Kweli
tyeli waye waqala irejimeni ye-tenofovir (TDF), 3TC ne-nevirapine. Ugqirha wakhe
wamcacisela ukuba olu unyango luneziphumo ebezingalindelekanga ezimbalwa kunye
nokuba angaphathwa yintloko kunye nobucaphucaphu. Koko, akukhange kwenzeke oku.
Endaweni yoko, u-Eunice ufumanise ukuba unyango olutsha luye lwaziguqula ezinye
iziphumo ebezingalindelekanga ezimbalwa ezamehlela kwi-d4t. Isayizi yakhe yebhodi
yabuyela ku-32B kwaye uphila ubomi obunempilo. Enkosi kwi-tenofovir akasaziva egula
ngalo lonke ixesha ngoku kwaye unobudlelwane obuhle nonyana wakhe.