IsiXhosa - Treatment Action Campaign

More documents

Recommendations

Info

IZIKHOKELO EZINTSHA NETHENDA 2 Ichiza elitsha ekliniki Ifoto ngu-Mara Kardas-Nelson Ngu-Catherine Tomlinson no-Marcus Low Ukuba ngaba ukwirejimeni equlethe i-d4T kwaye uphethwe yi-lactic acidosis, lipodystrophy, peripheral neuropathy okanye i-pancreatitis, kufuneka ubuze ugqirha wakho ngoko nangoko malunga ngokutshintshela kwi-tenofovir. Ukutshintshela kwi- tenofovir kunokususa iziphumo ebezingalindelekanga ezininzi ezinxulunyaniswa ne- d4T. Ekugqibeleni iSebe lezeMpilo sele liqalile ukutshintsha i-stavudine (d4T) nge-tenofovir (TDF). Eli linyathelo elikhulu eliya phambili kunyango lwe-HIV eMzantsi Afrika. Nantsi into ekufuneka siyazi. Kutheni i-tenofovir ingcono kuned4T I-Stavudine (d4T) ibiyinxenye yerejimeni yamachiza okuqala eNkqubo yeMpilo kaRhulumente eMzantsi Afrika iminyaka emininzi. Ukuba ngaba ubufumana ii- antiretrovirals (ARVs) kwiikliniki zikarhulumenete, amathuba ngawokuba enye kwezintathu ii-ARVs oye wayifumana yi-d4T. I-D4T iye yanceda ukusindisa amawaka obomi kummandla. Koko, yiyo ebangele iziphumo ebezingalindelekanga ezimandundu eziye zehlela abanye abantu abakunyango lweantiretroviral (ART). Iminyaka emininzi i-Treatment Action Campaign (TAC) ibikhankasela ukuba endaweni ye-d4T kufakwe i-tenofovir (TDF). Isizathu esingundoqo soku kukuba i-tenofovir ineziphumo ebezingalindelekanga ezimbalwa kune-d4T. Kumazwe atyebileyo amaninzi
kwaye kwangena i-tenofovir endaeni ye-d4T kwiminyaka emininzi eyadlulayo. Amalingo ezonyango abonise okuhle nge-tenofovir ukodlula i-d4T. Uphononongo obeluthiwe thaca kwiNkonfa yoMbutho wamaZwe ngamaZwe we- AIDSA (International AIDS Society Conference) ngo-2009 eKapa lwabonisa ukuba iirejimeni eziqulethe i-d4T zineziphumo ebezingalindelekanga ezimandundu ezininzi kwaye zifune utshintsho lwamachiza rhoqo kuneerejimeni eziqulethe i-tenofovir. Uphononongo lwaluthelekisa izigulane ezili-1000 ezazikwirejimeni equlethe i-tenofovir kwi-1000 yezigulane ngenye indlela ezazikwirejimeni efanayo kodwa yona equlethe i-d4T. I-50.5% oyezigulane ezithatha i-d4T yehlelwa ziziphumo ebezingalindelekanga ezinxulumene ne-d4T yaze i-16.2% yathsintshelwa kwichiza elitsha ekupheleni kweminyaka emibini. Kwiqela le-tenofovir yi-2.5% kuphela yezigulane eyehlelwa sisiphumo esinxulumene ne- tenofovir. Ezinye zeziphumo ebezingalindelekanga ezinxulunyaniswa ne-d4T ziquka i-lactic acidosis (imelo apho i-lactic acid yakheka ngokukhawuleza egazini kunokuba umzimba uyisuse), i-lipodystrophy (utshintsho kumafutha omzimba kunye nemilo yomzimba), i-peripheral neuropathy (umonakalo kumxokomezelo wemithambo-luvo ye-peripheral) kunye ne-pancreatitis (ukukrala kwe-pancreas, ilungu elikhupha iihomoni eziyimfuneko). Ngokuchaseneyo, izigulane ezikwi-tenofovir zehlelwa ziziphumo ebezingalindelekanga ezimandundu ezimbalwa kakhulu. Koko i-tenofovir iye yanxulunyaniswa nomonakalo wezintso kwaye izigulane ezithatha ichiza kufuneka zihlolelwe iingxaki zezintso. Izikhokelo ezitsha Iindaba ezimnandi kukuba ukusukela ngomhla woku-1 Aprili 2010 iSebe lezeMpilo liqalile ukutshintsha i-d4T nge-tenofovir njengenxenye yonyango lomgca wokuqala kwiNkqubo yezeMpilo yoMzntsi Afrika. Oku akuthethi ukuba wonke umntu okwi-d4T uyakutshintshela kwi-tenofovir ngoko nangoko. Kuphela ngabantu abaqala unyango okokuqala emva komhla we-1 Aprili kunye nabantu abehlelwa ziziphumo ebezingalindelekanga ezimandundu kwi- d4T abaza kufumana i-tenofovir. Ukuba ngaba ukwirejimeni yonyango oluqulethe i-d4T kwaye awehlelwa zizo naziphi na iziphumo ebezingalindelekaga, akuyi kubakho mfuneko yokutshintshela kwi-tenofovir. Esinye isizathu sokungatshintsheli zonke izigulane kwi-tenofovir ngexesha elinye, kukuba urhulumente usenokungakwazi ukufumana i-tenofovir eyoneleyo yomntu wonke. Kwakhona, ukuba ngaba abantu baqhuba kakuhle kwi-d4T, asikho isizathu sokuba bayitshintshe irejimeni yabo. Imithombo: S. Rosen et al., ‘Net cost of switching from stavudine to tenofovir in first line antiretroviral therapy in Zambia’, IAS 2009. Available at http://www.ias2009.org/abstract. aspx?elementId=200721757. I-TAC imele ukukhutshwa kwe-tenofovir njengenxenye yeMithombo yephulo leMpilo. Ifoto ngu-Zethu Mlobeli, courtesy MSF. I-Tenofovir nethenda ka-2010 ISebe lezeMpilo liwathenga amachiza e-antiretroviral (ARV) ngethenda ye-ARV ekhethekileyo. Ithenda ye-ARV eyanikwayo ngo-2008 iyaphela kulo nyaka kwaye urhulumente uzakunika ithenda entsha msinyane nje. Ukufumana ilungelo lethenda kubalulekile ekuhlangabezaneni nokujoliswe kuko kwe- NSP, ekuphumezeni izikhokelo ezintsha zonyango kunye nokwehlisa amaxabiso amachiza. Ngexesha lonke lethenda yonyaka ophelileyo kuphela yinguqulelo enye kuphela kasinga chiza (generic) tenofovir eyabhaliswayo yaze yathengiswa. Oku kwathetha ukuba i-tenofovir yahlala ibiza imali eninzi. Iinguqulelo zoosinga tenofovir ezisalindele ukuba zibhaliswe kwiBhunga eliLawula amaYeza loMzantsi Afrika (Medicines Control Council) (MCC) kufuneka zibhaliswe ukonyusa ukhuphiswano kunye nokwehlisa amaxabiso. Ukuphucula kunye nowenza lula iirejimeni zamachiza i-MCC kufuneka ikhawulezise ubhaliso lwazo zonke iindibaniselwano ze-tenofovir ezisekelwe kwidosi esisigxiba. Jonga kwiphepha le-12 ngokuthe vetshe ngethenda ka-2010 ye-ARV kunye nemiqobo kwi-MCC. IZIKHOKELO EZINTSHA NETHENDA 3
Page 1 and 2: Magazine of the Treatment Action Ca
Page 3: Ifoto ngu-Mara Kardas-Nelson Ndaba
Page 7 and 8: Izikhokelo ezintsha zonyango lwe-an
Page 9 and 10: I-TAC iyakuqhuba ikhankasela ukuba
Page 11 and 12: Ufikelelo kwi-ART (ipesenti yabo ba
Page 13 and 14: Afrika kufuneka usebenzise amandla
Page 15 and 16: Intlekele yase-Edendale NgoMeyi 200
Page 17 and 18: funeko kwixesha le-hIV 1994 E-Urugu
Page 19 and 20: Igrafu A:Amanqanaba echiza noxhathi
Page 21 and 22: Abantwana Nee-antiretrovirals Ngu-C
Page 23 and 24: USphelele Yende uneminyaka emine uk
Page 25 and 26: Yintoni i-TRIPS? U-TRIPS umele i-Tr
Page 27 and 28: umsebenzi ombi Ngeenyanga nje, ngap
Page 29 and 30: Iindlela zokufumanisa i-TB esebenza
Page 31 and 32: 4 6 0 x 2 7nt f Hlth b dn thrh

IsiXhosa - Treatment Action Campaign

You also want an ePaper? Increase the reach of your titles

Delete template?

Save as template?