Create successful ePaper yourself
Turn your PDF publications into a flip-book with our unique Google optimized e-Paper software.
Ifoto ngu-Mara Kardas-Nelson<br />
Ndaba ngomnye wabantu bokuqala owaba nethamsanqa<br />
ukuba afumane unyango lwe-I antiretroviral (ART) oko<br />
kusenzeka ngeProjekithi yoNyango le-<strong>Treatment</strong> <strong>Action</strong><br />
<strong>Campaign</strong> (Iphulo eliZabalazela uNyango) ngo-2003,<br />
xa isibalo sam se-CD4 sasingama- 91. Ngelo xesha<br />
urhulumente wethu waye wathandabuza ukunika abantu<br />
abane-HIV ii-antiretrovirals (ARVs) ngenxa yezimvo<br />
zokungafuni ukukholwa koosopolitiki abaphezulu.<br />
Abantu abaninzi baya basweleka, kodwa ngaphandle<br />
koko saye salulwela ufikelo kwi-ART.<br />
Wathi urhulumente akubhengeza ukukhutshwa<br />
kwe-antiretroviral ngasekupheleni kuka- 2003, aye<br />
akhula amathemba ethu. Emva kwetyala le-PMTCT<br />
(usulelo olusuka kumama lusiya emntwaneni), saye<br />
sanemvakalelo yokuba siphumelele elinye idabi<br />
kwakhona. Saye sakhankasela ama-200,000 abantu<br />
ukuba bafumane ii-ARVs ngo-2006. saye safuna inkxaso.<br />
Saye salwela ukwehliswa kwamaxabiso amachiza,<br />
kwaye ngamanye amaxesha sasityholwa kakubi<br />
kusithiwa sisebenzela iinkampani zoXubo-mayeza.<br />
Sicela umngeni kwibala elinxulunyaniswa ne-HIV, saye<br />
saqhuba iphulo lokungena umnyango nomnyango<br />
sifundisa abantu ngokusazi isimo sabo se-HIV, ukuthatha<br />
ii-ARVs nokubambelela kunyango.<br />
Abantu baye baqala ukutyelela izibhedlele zabo<br />
beyokufumana i-ART. Kodwa sisajongene nemiqobo<br />
emininzi. Nangoko, zange silahle ithemba. Endaweni<br />
yoko, saye salwa ngamandla saqhuba nomsebenzi<br />
wethu kwinqanaba lasekuhlaleni. Kwathi kwakusebenza<br />
ukukhutshwa kwe-ARV, kwakho imiceli mngeni emisha:<br />
ukungabikho kwamachiza, kunye nemfuno yokuzisa<br />
amachiza asebenza ngamandla.<br />
Ndisakhumbula siqhankqalaza sisiya kwii-ofisi ze-<br />
ASPEN ekumNtla waseThekwini ngexesha lephulo lethu<br />
le-tenofovir. Yayiyimini eyayishushu kakhulu, kodwa<br />
kwakungekho namnye owayebonisa ukulikhathalela<br />
elo langa laligqatse ubhobhoyi okanye indlela ende<br />
eyayinyuka endulini. Ndisakhumbula xa sasiqhankqalaza<br />
ngaphandle kwesibhedlele i-Mahatma Gandhi, sibuza<br />
sifuna ukwazi ukuba kutheni kukho i-1,300 yabantu<br />
Inqaku loMhleli<br />
abasekuluhlu lokulindela lwesibhedlele. Enye indoda<br />
yasibuza ukuba ibizakuba isaphila na ngeKrisimesi<br />
ukuba ibingafakwanga kwi-ARVs. Ndisakhumbula xa<br />
endisebenza nabo u-Promise, Ralph no-Sindi baye<br />
baleqiswa ngezinja kwintolongo yase-Westville, kuba<br />
babexhasa amabanjwa ukuba afumane unyango, nawo.<br />
Yayingamaxesha anzima lawo. Kodwa okungenani<br />
sinokujonga emva sithi iinzame zethu azihambanga nje.<br />
Ubunkokheli bezopolitiko bangoku luzibophelele<br />
ekuthembiseni ekulweni iHIV/AIDS- kwinkqubo yempilo<br />
karhulumente. SinoYilo lweSicwangciso seSizwe<br />
olujoliswe kuwo wonke umntu Izigulane zinofikelelo<br />
kunyango kwiikliniki zazo zengingqi, kwaye iPhulo<br />
lukuCetyiswa nokuVavanyelwa i-HIV lizakusebenza<br />
ngokubhekisele kuzo zonke ikliniki ezinika unyango<br />
olusisiseko ukuba zibe ziindawo ze-ART. Kwakuthi<br />
kusakwenzeka oku, ibe ngabantu abambalwa<br />
abazakuhamba imigama emide beyokuvavanywa<br />
beyokufuna nonyango.<br />
Eskugqibeleni sinezikhokelo ezitsha neziphuculiweyo<br />
ze-HIV kwaye kuqikelelwe ukuba ngoJuni 2011 malunga<br />
nesigidi esinye sabantu siyakuba nofikelelo kwii-ARVs.<br />
Le yenye yempumelelo ekufuneka siyibhiyozele!<br />
Koko imiceli mngeni emininzi isasele. Abantu<br />
basajikiswa ezikliniki kuba abekho oogqirha<br />
okanye oosokhemisti bokukhupha amayeza. Abanye<br />
bayivavanyelwa emva kwexesha kakhulu i-HIV, usulelo<br />
oluhamba ne-TB/HIV isulelo olubanga ukusweleka<br />
kwabantu abaninzi eMzantsi Afrika.<br />
Ibala elinxulunyaniswa ne-HIV lisekhona, kodwa<br />
abantu abaninzi basaqhuba bezithatha ii-ARVs zabo<br />
ngaphandle kobunzima obubehlelayo. Aba bantu baphila<br />
ubomi obunempilo – kwaye ndingomnye wabo mna.<br />
Sibubungqina bokuba ii-ARVs ziyasebenza. Isende<br />
indlela ekusafuneka siyihambe, kodwa ke yindlela<br />
esingayihamba sonke. Njengabantu abane-HIV, kufuneka<br />
siqhube sixhasana kwaye sibambelele kunyango ukuze<br />
siphile ubomi obude, nobugqibeleleyo.<br />
Lihle Dlamini, Usekela Sosiba Jikelele we-TAC<br />
1
![ARV's in our lives[swiss].indd - Treatment Action Campaign](https://img.yumpu.com/4307152/1/184x260/arvs-in-our-livesswissindd-treatment-action-campaign.jpg?quality=85)
Change language