Sundriðið á VW Bjöllu yfir fallvötn Sundriðið á VW Bjöllu yfir ... - Fíb.is

Eini gallinn sem hægt var að finna að innréttingu
bílsins var staðsetning fyrir stillirofa hliðarspegla, sem
á myndinni má sjá á milli stýris og mælaborðs. Þarf að
teygja sig nokkuð í hann og þó er greinarhöfundur vanur
að vilja sitja framar en margur. Annað í mælaborði er vel
staðsett þegar menn hafa vanist þeirri sérvisku Porsche
að hafa lykilinn vinstra megin.
Akstur á sérhönnuðu
æfingarsvæði
Akstursprógrammið í Finnlandi
gaf líka efni til tilhlökkunar
því að aldrei þessu vant átti
reynsluaksturinn að fara fram
í snjó og hörkuvetri. Rúsínan
í pylsuendanum var svo að
drjúgur hluti hans fór fram á
sérstöku akstursæfingarsvæði.
Svæðið kallast Arctic Driving
Center og er nákvæmlega á
heimskautsbaugnum. Þar má
finna ýmsar gerðir akstursbrauta
fyrir allar gerðir ökutækja og
nota bílaframleiðendur eins og
Porsche staðinn mikið þegar
verið er að þróa og prófa nýja
bíla þeirra. Það var því ekki
laust við að blaðamanni yrði
hugsað til þeirrar staðreyndar
að ekkert svæði þessu líkt er til á
öllu Íslandi. Í Finnlandi eru þau
hins vegar á hverju strái og það
er því líklega engin tilviljun að
þeir eiga marga góða ökumenn í
bæði ralli og Formúlu 1.
Stöðugur á svellinu
Fyrsti hluti reynsluakstursins
fór fram á vegum sem væru
fullboðlegir fyrir Þúsund vatna
rallið. Ekið var á snjó og ís eftir
þröngum malarvegum og þrátt
fyrir að undir bílunum væru
varla meira en regndekk, var
alveg ótrúlegt hvað bíllinn var
stöðugur í fljúgandi hálkunni,
jafnvel þótt kominn væri á annað
hundraðið. Þar sýndi strax PSM
skrikvörnin, sem hönnuð er af
Porsche, hvers hún er megnug.
Margir hinna blaðamannanna
voru frá suðlægari slóðum og
fóru því heldur hægt yfir svo
að Íslendingarnir brugðu á það
ráð að stoppa nokkrum sinnum
í nokkrar mínútur og ná þeim
síðan aftur. Þegar komið var
aftur á akstursæfingasvæðið var
búið að setja upp þrautir á fimm
Helsti munur á V6 og V8 vélinni liggur í upptaki þeirra,
sem er töluvert meira í V8 vélunum. Helsti kostur V6
vélarinnar er þó gott tog á víðu snúningssviði sem gerir
hann að dugmiklum jeppa.
mismunandi stöðum. Byrjað var
á torfærubraut upp og niður
brattar brekkur og fylgdi svo
erfiður slóði í gegnum skóginn
í kjölfarið þar sem klöngrast
þurfti yfir trjáboli og manngerða
skurði. Leysti bíllinn þetta allt
saman vel og örugglega og
sannaði að hann er ekki síður
torfærubíll en sportjeppi. Hefur
þar talsvert að segja fullkomin
driflína bílsins sem býður upp
á PTM gripstjórnarkerfi, TCS
spólvörn og ekki síst sítengt
fjórhjóldrifið sem hægt er að setja
í lágt drif með hlutföllin 2,7:1 og
er einnig 100% læsanlegt. Ein
brautin var hönnuð sérstaklega
til að sýna hallaviðnámsbúnað
sem í honum er, en þá halda
bremsurnar við í halla þótt
búið sé að sleppa fótstiginu.
Skemmtilegustu brautirnar
voru þó þær sem reyndu mest
á hann en það voru annars
vegar hringbraut og hins vegar
svigbraut til að sýna mun
á akstri með og án spól- og
skrikvarnar. Er skemmst að
segja að þótt PSM kerfið héldi
bílnum eins og nelgdum á
svellinu var ekki síður gaman að
slökkva á spólvörninni og leyfa
kraftinum og skemmtilegum
aksturseiginleikunum að njóta
sín.
Vélin togmikil en upptakið
minna
Með V6 vélinni kemur hann
með sex gíra beinskiptingu
eða sex þrepa sjálfskiptingu,
en bíllinn var aðeins reyndur
með beinskiptingunni. Vélin er
250 hestöfl sem er allgott en
það sem munar mest um er 310
Newtonmetra tog vélarinnar á
milli 2500 og 5500 snúninga.
Þetta víða og mikla tog hentar
honum vel sem jeppa og því
hægt að keyra hann lengi í
hverjum gír þegar því er að
skipta, enda veitir bílnum svo
sem ekki af góðu togi með sín
2160 kíló. Gott tog vélarinnar
sést þó best á því að með V6
vélinni er honum gert mögulegt
að draga allt að þrjú tonn sem
er það sama og í Cayenne S
með V8 vélinni. Helsti munur
á bílnum með V6 eða V8
vélinni er í upptaki, sem er 9,1
sekúnda í hundraðið með V6
vél og beinskiptingu á móti 6,8
sekúndum í Cayenne S með
V8 vél og beinskiptingu. Þetta
er þónokkur munur en skiptir
ekki meginmáli fyrir kaupendur
hérlendis.
Dýrari en helstu
samkeppnisaðilar
Porsche Cayenne V6 er vel
búinn bíll í grunninn þótt
auðvitað muni aðeins á búnaði
miðað við V8 bílana. Meðal
staðalbúnaðar er leðurklæðning,
rafstillt framsæti, tölvustýrð
miðstöð með loftkælingu,
sex öryggispúðar, hljómkerfi
með 12 hátölurum, regnnemi,
aðfellanlegir og upphitaðir
21
Akstur Porsche Cayenne með V6 vélinni og
beinskiptingu er fullkomnlega sambærileg
upplifun og akstur hans með V8 vélunum,
sérstaklega þegar aðstæður hérlendis eru
teknar með í reikninginn en stærri vélarnar eru
meiri hraðbrautarvélar.
hliðarspeglar, aksturstölva, sex
12 volta tengi auk hólfa og
ljósabúnaðar í innréttingu sem
allt of lang mál yrði að telja
upp hérna. PSM skrikvörnin
auk alls drifbúnaðar er einnig
staðalbúnaður en stillanleg
loftpúðafjöðrunin er hins vegar
aukabúnaður. Öll þessi herlegheit
kosta 6.500.000 kr. Þegar bíllinn
er tekinn beinskiptur en 395.000
kr. bætast við grunnverðið
með Tiptronic sjálfskiptingunni.
Svona til að hafa einhvern
samanburð kostar Toyota Land
Cruiser 90 með 250 hestafla V6
vél og sjálfskiptingu 5.580.000 kr.
Verðið á einum helsta keppinaut
Cayenne, VW Touareg er
hins vegar 5.470.000 kr. með
sjálfskiptingunni og V6 vélinni,
sem reyndar er aðeins 220 hestöfl.
Þarna munar rúmri milljón í
verði en Porsche jeppinn bætir
það upp með búnaði, afli og ekki
síst aksturseiginleikum sem gert
hafa hann að skemmtilegasta
sportjeppa sem smíðaður hefur
verið.
Njáll Gunnlaugsson
Þessi manngerði skurður reyndist honum ekki mikil fyrirstaða eftir að búið var
að setja í lága drifið og læsa því í bak og fyrir. PTM gripstjórnarkerfið frá Porsche
sá um að deila átakinu á þau hjól sem höfðu grip hverju sinni og því ekki lengur
nauðsynlegt að þau snertu öll jörðina.