Shidaal Baarista Puntland - Somali Talk

More documents

Recommendations

Info

6 ILAYS NEWSPAPER/TAARIIKHDA ARBACA 10 JUNE 2009 Koboca Islaamiyiinta Dagaalkii Al-Ittixaad & SSDF Ee Buuralayda Saliid. Cutubka Afraad W.Q. Cabdishakuur Mire Aadam. Qormadda 23aad Waxaa jiray dagaallo yar yar oo maalin maalin dhaca . Waxaase la oran karaa mudo bil ah inuu dhacay laba dagaal oo waaweyn. Dagaalladaas dhacay ayaan u fulin sida uu u qorshaystay Cabdulaahi Yuusuf hoggaamiyaha dagaalka SSDF ku qaadday Al-Ittixaad. Maskaxda Cabdulahi Yuusuf kama tanaasulin inuu guul ka gaaro dagaalka uu kula jiro Al-Ittixaad. Waxaa isaga iyo saraakiishii kale ee ku wehelisay dagaalka buuralayda Calmadow qorshaysteen dagaal abaabulan inay ku qaadaan Al-Ittixaad. Waxaa meel la isugu keenay kun iyo laba boqol oo SSDF ciidamadeedii ah. Waxaa kaloo la agaasimay Lixdan ka mid ah gawaarida dagaalka ee loo yaqaano teknikadda noocyadeeda kala duwan, iyadoo madaafiicda iyo hoobiyayasha lagu jiheeyey dhinaca buuraha Saliid ee Al-Ittixaad Gabaadka u ah. Dagaalkii duufaanta ee Cabdulaahi Yuusuf ku qaaday ururka Al-ittixaad ayaa ku soo afjarmay guuldaro gaartay ciidankiisii SSDF. Dhinac kale Al-Ittixaad ayaa qorsheeyey, iyagoo hoos ahaan u ogaa xaaladda dhabta ah ee ay ku sugan yihiin dagaalyahannadooda ku go’doonsan Saliid in loo gurmado. Waxaa Al-Ittixaad ogaayeen in dagaalyahannadooda ku jira Buuralayda Saliid ay ugu tababar wanaagsan yihiin horin la oran jiray Sacad Bin Abii Waqaas. Halka inta kale ahaayeen kooxo dagaalyahan ah oo aan tababar fiican qabin. Walow wax weyn ay ka faa’iidaysteen xaaladda dagaalka ee ay waqtigaa ku sugnaayeen. SSDF ayaa iyagu dejiyey Laasqoray Ciidan Indha hore ah, si loola socdo wax alla wixii ka yimaada dhinaca waddada buuraleyda ah ee Geeldoora lagu magacaabo. Qorshihii dagaalka ee buuraleeyda ayaa Al- Ittixaad go’aansadeen in qaabkiisa wax laga beddelo. Waxaa lagu soo biiriyey ciidamadii Islaamiyiinta ee joogay halka loo yaqaan Kala Bayr- Laascaanood uuna madaxda ka ahaa Col.Abuu Maxamed iyadoo uu uga hooseeye Cabdiwahaab Maxamuud Gurey oo dhaawac fududi ka soo gaaray dagaalkii ka dhacay halka Duddun la yiraahdo. Waajibka dagaalka ee la siiyey ayaa ahaa inay qabtaan magaaladda Laasqoray oo masaafo aad uga durugsan ahayd halka ay joogaan. iyo inay taakuleeyaan xoogga Al-Ittixaad ee ku jira Saliid. Baadi Goobkii Wada hadaladda ’’Xaaladda kulul ee siyaasadeed iyo ciidan darteed ayaan waxaan go’aansanay si aan uga warhayno dalkii iyo dadkii inaanu tagno Jabuuti.’’ayuu yiri Sheikh Cabdulqaadir. Jabuuti ayaa xilligaas waxaa isugu tagay madaxd sarsare oo ka tirsanaa Al-Ittixaad Al-Islaam, July1992- dii. Dacwad kulul iyo is eedayn la is eedeeyey wadaadada dhexdooda, ka dib Sheikh Cabdulqaadir Nuur Faarax waxa uu xusay kulamadoodaaas Jabuuti go’aamadii ka soo baxay inay ka mid ahaayeen. In dagaalka la joojiyo dhinaca wadaadada ama Al-Ittixaad. In ay is difaacaan oo aan nala jiirin, taasoo ah wadada keliya ee lagu xoojin karo nabada ay raadinayaan. SSDF ayaa dhankeeda qorshaysaynaysay inay shir la qaadato beelaha Gobolka Sool dega (Dhulbahante). Shirkaas ayaa ka dhacay Laascaanood. SSDF ayaa ka dalbanaysay beelaha Sool inay la galaan dagaalka ka socda buuralayda Saliid oo dhufays u ahayd dagaalyahanada ururka Al-Ittixaad ee dagaalka kula jira SSDF. Waa ku hungoobeen SSDF dalabkoodii ahaa inay Laascaanood ka helaan cudud ciidan oo la dagaal gasha. Sheikh Cabdulqaadir Nuur Faarax ayaa Jabuuti kula kulmay Gen. Maxamed Abshir intii lagu jiray qabanqaabada shirka Laascaanood ee SSDF iyo reer Sool. Sheikhu waxaa uu ka dalbay Gen.Maxamed Abshir in ay Al-Ittixaad ahaan tagaan shirka Laascaanood ee nabadana looga wada hadlayo. Si loo baajiyo dhiiga daadanaya ee dadka ehelka ah.Sheikh Cabdulqaadir waxaa uu yiri:- ’’ Gen.Maxamed Abshir ma soo dhoweyn fikirkaygaa. Dano gaar ah ayaan shirkaas uga hadlaynaa.’’ Kama daalin ayuu yiri Sheikh Cabdulqaadir Nuur ayuu yiri, inaan mar labaad ku noqday Gen.Maxamed Abshir. Markaan sheekaysanay ka dib ayaan kala hadlay in dagaalka la joojiyo. Kuma kalsoonaan hadalkayga. Waxaa uu igu yri:- ’’ Boosaaso ayaad naga qabsanaysaan ’’. Weliba ii raaciyey ogaada ’’ Boosaaso waa halbowlahayagii.’’ Ma joogsan isku dayga ahaa in dagaalka ka soconaya Gobollada Waqooyi Bari la joojiyo. Dhinaca ururka Al-Ittixaad aad ayey isugu hawleen in dagaalkaas la soo afjaro sababa jira awgood. Beesha Warsangeli ayey Al-Ittixaad xiriir la sameeyeen si aanay dagaalka ula gelin SSDF. Waa ku guuldaraysteen inay wax natiijo ah ka helaan., Keliya aan ka ahayn inay Cabdulaahi Yuusuf ku garab taagan yihiin dagaalka uu kula jiro Al-Ittixaad. Waxaase muuqanaysay in dad badan oo ka tirsanaa beesha Warsangeli taageersanaayeen Al-Ittixaad. Xuseen Cabdalla Codweyn, Sheikh Cabdulqaadir Nuur, Maxamed Sheikh Cusmaan iyo Cabdulaahi Cali Xaashi, ayaa Jabuuti waxay kula kulmeen Xasan Abshir Faarax oo ka mid ahaa hoggaanka SSDF. Waxay ka codsadeen in dhinacooda dagaalka ay joojiyaan. Waxay intaa raaciyeen inaanay dagaal ku jirin,balse arrintoodu tahay is daafac. Kolkaas ayaa Xasan Abshir ugu jawaabay:- ’’ Hadaad run sheegaysaan, danahayga oo dhan waa baajinayaa, waad i raacaysaan Boosaaso ayaan ka wada degeynaa. Idinkaa lacag haystee Diyaaradda inoo soo kireeya.’’ Waxay ugu jawaabeen. ’’ Diyaar ayaan u nahay. Boosaaso la hadal. In nalaga soo dhoweynayo iyo in kale noo xaqiiji.’’ LA SOCO CADADKA XIGA Suxufiyiin Joojiyay Shaqadii Magaalada Muqdisho Muqdisho, 9 June, 2009 Kaddib markii ay soo bateen dilalka gaadmada ah ee lagula kacayo weriyayaasha ka howlgala magaalada Muqdisho ayaa qaar ka mid ah Wariyeyaasha ugu caansan Magaaladaas ka howl gala Idaacadaha Maxaliga waxa ay war saxaafadeed kasoo saareen magaalada Muqdisho. Wariyeyaasha Warsaxaafadeedka kasoo saaray magaalada Muqdisho ayaa waxa ay ka warbixiyeen sida ay shaqada uga tagayaan iyo waxyaabaha keenay inay howlahooda joojiyaan gebi ahaanba. Wariyayaasha Maanta soo saaray qodobadaani shaqa joojinta ah ayaa waxa ka dhax muuqdo wariyo yaal can ka ahaa saxaafada soomaaliya isla markaana halbowle u ahaa qaar kamid ah idaacadaha maxalaiga ah . C/raxman Yuusuf Alcadaala oo ahaa tafaftiraha Idaacada Shabeele oo warsaxaafadeedka ka hor aqriyay warbaahinta waxa uu daaha ka rogay liiska warirayaasha ka fariistay howlihi shaqo sababa amaan awgeed. Hadaba Magacyada Wariyayaasha ayaa kala ah: 1- Ibraahim Jeekey , Agaasimaha Idaacada Tvga Universal 2-Xasan Cali Geesey Soo saare Barnaamijka Xulashada (Somaliweyn) 3-C/raxmaan Yuusuf Al-Cadaala Tifaftiraha Shabeele (Shabelle) 4- Maxamed Abuukar Ma’da Tifaftiraha (Horn Afrik) 5- Bashiir Naaleeye (Agaasime Xigeenka Tvga Universal) 6-C/fataax Jeyte (Simba) 7- Cabdi Casiis Afrika TIfaftiraha Codka Nabada) 8-Cilmi Cisman Faarax Boodhari (Universdal TV) 9- Maxamed Ibraahim Raage (Shabelle) 10-Oday Cabdulle Majaajiliiste (Shabeele) 11- Cilmi Boodhari (Universal TV) 12- Maxamud Maxamed Odowaa (Somaliweyn) 13- C/llaahi Kulmiye Caddow (Horn Afrik) Intaan iyo in ka badan oo wariyayaal ah ayaa waxa manta iclaamiyeen in ay isaga hareen ilaa iyo amar danbe howlahoodi saxafinimo iyagoo hoosta ka xariiqay in ay dib u howlgali doonaana marka ay xaalada wadanka sidaan wax isaga badalaaan. Wariyayaasha quusta ka jooga xaalada siyaasadeed ee soomaaliya manta ka jirto ma ahan intaan oo kale ee waxa jiro tiro intaan ka badan oo la aamusan go’aankooda XIGASHO :-SOMALIWEYN
ARBACA 10 JUNE 2009 ILAYS NEWSPAPER/CAYAARAHA 7 ka yimid bogga 3aad KAKA OO KU BIIRAY INAA LILAAHI WA INAA REAL MADRID ILAAHI RAAJACUUN 09/06/2009 Cayaaryahankii kooxda Milan iyo xulka Brazil ee Kaka ayaa ugu dambayntii si rasmi ah ugu wareegay kooxda kubadda cagta ee Real Madrid ka dib markii uu qalinka ku duugay heshiis 6 sanadood ah kuna kacay lacag dhan 68m (Euros) oo u dhiganta £56m (Pound). Heshiiskan ama lacagtan lagu kala gatay xiddigan reer Brazil ayaa noqonaya kii ugu badnaa dunidan ee lagu kala iibsado cayaartoy kubadda cagta marka la fiiriyo lacagta Sterlin ka ingiriiska, ka dib markii uu jabiyey rikoorkii hore oo ay isla kooxdan Real ku soo ibbsatay xiddigii reer France Zinadin Zidane sanaddii 2001 dii lacag dhan 45.6m (Pounds). Kaka oo 27 jir ah ayaa sheegay in uu u ogolaaday heshiiskan si uu u caawiyo kooxda uu jecel yahay ee Milan oo xiligan ay soo foodsaareen dhibaatooyin xaga dhaqaalaha ah, wuxuuna ku sii adkeeyey in uu ogaa in haddii uu ka tagayo Milan ay Real ahayd kooxda kaliya ee uu doonayey in uu u cayaaro. Kaka oo hadda ku sugan magaalada Recife oo ay xulka Brazil maalinimada arbacada ah ga hortagi doonaan xulka Paruguay ayaa dhinaca kalena wax kama jiraan ku tilmaamay hadalada ah in uu u doortay Real lacagta darteed wuxuuna caddeeyey in uu heray dalabaad kale oo uga lacag wanaagsanaa midkan balse uu u doortay Real jacaylka uu u qabo. Kooxda Milan ayaa xiddigan uga soo iibsatay kooxda Soa Poalo ee dalka Brazil lacag dhan 8.5m (Euros) sanadkii 2003 dii asagoo mudadii uu la joogay kooxdana la qaybsaday guulo badan waxayna ku sheegeen qoraal ay soo saareen in ay adkaan doonto in la buuxiyo booskii Kaka. Kaka oo dhinaca kale ka hadlayey funanadda uu ka xiran doono kooxda Real ee number 5 ka uuna horey caan ugu ahaa xiddigii Zidane ayuu sheegay in taasi ku sii biirin doonto culays badan Kaka ayaa lixdiisanadood oo uu la joogay Milan ku guulaystay koobabka Seria A, Champions League, Uefa Super Cup iyo waliba Fifa Club World Cup. XIGASHO;- CAYAARAHA Maxaa Ka Jira Hawlaha Shidaal Baarista Puntland?. Ranger Resource oo Rabta Inay Soo Noqoto Africa Oil oo horey shidaal uga baartey Dharor ayaa diidan iney soo wareejiso xogtii laga heley baaristaas iyada oo ku xireysa in DGPL codsato marka hore sidii ay dib ugu bilaabi laheyd howlaheedii shidaal baaritsta ee Puntland. Shirkadaha sahaminta shidaalka ee yimaada Puntland ayaa laga soo bilaabo 2005 waxey caadeysteen kala iibinta khayradka Puntland [suqyada calamiga ah] kuwasoo lagu kala iibsado saamiyada, iyada oo ilaa hadda la ogyahay in maamulka cusub ee uu madaxda ka yahay Madaxweyne Farole go’aan ka qaatey sidii loola macaamili lahaa. Africa Oil ayaa asbuci lasoo dhaafey ka gadey heshiis qandaras wax-soosaar wadag ah shirkad la yiraahdo Raytec Metals Corp kaasoo lagu wareejinayo 25% macashka khayraadka laga helo dooxooyinka Nugaal iyo Dharoor. Kala iibinta saamiyada khayraadka Puntland ayaa ah mid marey gacmo badan taasoo la rumeysan yahay in shirkadahaan kor uga qaadayaaan macashka ay helaan dadka ku leh saamiyada. WARSAXAAFADEED KA SOO BAXAY XAFIIKA AGAASIMAHA MAC- DANTA PUNTLAND HORSEEDMEDIA.COCM Qoraalkan ay hay’ada Macdanta Puntland soo saartay ayaa lagu sheegay in Dowlada Puntland ay horey ulla gashay shirkadaha Range Resource iyo African Oil heshiisyo baaris macdan ah iyo Batroolka, bartamihii sanadkii 2007. Qoraalkan ayaa lagu sheegay in dowlada Puntland ay aqoonsan tahay heshiisyadii hore, balse ay ka fiirsan doonaan heshiisyada xiligan ee ku aadan habka ay hay’adaha u hawlgalayaan. Madaxa shirkada Range Resource Mr. Peter Landau, ayaa la sheegay in uu kulan kula qaatay todobaadkii tagay mas’uuliyiinta Dowlada Puntland, magaalada Garowe, kulankaasi oo looga hadlay habka ay shirkadahan uga sii shaqeyn karaan Puntland iyo waxa ay noqon doonto wada shaqeynta maamulka cusub iyo shirkadihii horey u heystay heshiisyada macdan barista. Ciise Dhoolawaa oo ah Agaasimaha Guud ee Hay’ada Puntland. Batroolka iyo macdanta ayaa shaaca ka qaaday in kulankaasi uu jawi wanaagsan ku dhacay isla markaana looga hadlay hawlihii horey ay shirkadaasi Range u qabatay iyo hawlaha ay mustaqbalka ka qaban doonto Puntland. Warsaxaafadeedkan ayaa sidoo lagu sheegay in lagu wado in kulan noocaan ah ay la qaataan dhawaan Mas’uulyiinta ka socota shirkada African Oil oo ayaguna dhawaan dalka imaan doona. Warsaxaafadeedka ayuu ku sheegay Agaasimaha Batroolka ee Puntland, in siyaasadooda maamulka cusub ee Puntland uu yahay in si waadax ah oo aan qarsoodi ku jirin banaanka loo soo dhigo wax alaale oo la xariira hawlaha macdanta iyo batroolka. Qoraalka kasoo baxay xafiiska Ciise Dhoolawaa Agaasimaha Batroolka iyo Macdanta ee Puntland, ayaa saxaafada looga digay inay faafiyaan warar kutiri ku teen ah ama xiisad lagu abuurayo, ayadoo warsaxaafadeedkan lagu sheegay in qeybo kamid ah saxaafada ay warar aan sal iyo raad toona lahayn ka faafiyeen kulankii dhexmaray Mas’uuliyiinta Puntland iyo Madaxa shirkada Range Resource. Waxaana sidoo kale lagu beeniyey warar sheegaya in Peter Landau oo ah madaxa Range uu eedeeyey shirkada African Oil, ayadoo hay’ada Batroolka ee Puntland sheegtay hadii ay jiraan wax khilaaf ah ama heshiis la jabiyey in arrintaasi ay ku dhawaaqi karto oo kaliya mas’uuliyiinta dowlada ee u xil saaran hawlahan. Warka kasoo baxay Madaxa macdanta iyo Batroolka Puntland ayaa lagu sheegay in dowlada Puntland gadaal ka shaacin doonto natiijooyinka kasoo baxa kulamada marka lasoo gaba gabeeyo oo ay is wada arkaan dhamaan hay’ada arrimahan qaabilsan iyo shirkadah heshiiska Anagoo Kala aha dadka Magacyadoodu hoos ku qoranyihiin waxaan Tacsi U diraynaa Qoskii, ehelkii iyo qaraabadii iyo dadka reer Puntland guud ahaan anagoo uga tacsiyaynayana geeriyooday allaha u naxariistee Dr Mahamed Yaasiin Daahir ( Dr Boob) oo 8/06/2009 ku geeriyooday shil baabuur oo ka dhacay inta u dhaxayasa Xido iyo Waaciye waxaana leenahay janadii allaha hoy uga dhigo qoskii,eheladii iyo qaraabdii uu ka tegayna samir iyo iimaan allaha ka siiyo Magacyada Tacsida Diraya 1. Asli Qodax Cawke 2. Marayan Mahamed Omer ( ilka cas) 3. Hooyo Xaawo Ashkir 4. Hooyo Fadumo samatar 5. Caasho Qodax Cawke 6. Xuseen qodax Cawke ( Karloos) 7. Xasan Qodax Cawke ( Xasan Caaqil) 8. Ashkir Nuur Qodax 9. Aadan Nuur Qodax 10. Roodo Nuur Qodax 11. Said Siyaad Ali 12. Mire Siyaad Cali 13. Farxiyo Abdi Diiriye 14. Ismahaan Abdi Diriye ( Umma Asha) 15. Madiino Gaacshe Xasan Waxaa kaloo Tacsi dirayaa dadka kala ah: Dr Maxamed Siciid Maxamed (Shaadheeye) Dr C/laahi Siciid Aw-Muuse Dr Ismaaciil Ciise Cumar Dr:- Yusur iyo dhakhaatiirta ku sugan Puntland iyo Somalia Oo kala jooga magaalooyinka Garowe iyo Bossasso waxay leeyihiin :- ALLAHA U NAXARIISTO ( DR: Mahamed Yaasiin Daahir) DR: Boob AAMIIN AAMIIN AAMIIN
Page 1 and 2: ILAYS WAA WARGAYS MADAXBANAAN OO TO
Page 3 and 4: ARBACA 10 JUNE 2009 ILAYS NEWSPAPER
Page 5: ARBACA 10 JUNE 2009 ILAYS NEWSPAPER

Shidaal Baarista Puntland - Somali Talk

You also want an ePaper? Increase the reach of your titles

Delete template?

Save as template?