Per me teper informacione -kliko ketu - South East European ...

Ismail Zejneli | Adnan Jashari | Jeton Shasivari | Besa Arifi | Elena Basheska
Votimi i dyfishtë, do të zbatohet edhe për të gjitha ligjet e ardhshme që nuk
janë pjesë përbërëse të sistemit juridik, por që kanë të bëjnë me përdorimin e
gjuhëve, arsimin, dokumentet personale, kulturën dhe përdorimin e simboleve.
Kontestin në lidhje me zbatimin e kësaj dispozite vendos Komiteti. 161
Komiteti, vendimin për këto çështjet, e merr me shumicën e votave nga
numri i përgjithshëm i anëtarëve. Pozita juridiko kushtetuese e Komitetit është e
rregulluar me amendament kushtetues 162 dhe në Ligjin për Komitetin për
marrëdhënie ndërmjet bashkësive.
1.3 Marrëveshja Kornizë e Ohrit - përdorimi i gjuhës shqipe
dhe i simbolit shqiptar 163
Shënimi i 10 vjetorit të nënshkrimit të Marrëveshjes Kornizë të Ohrit, sipas të
gjitha gjasave nuk do të shënojë edhe implementimin e plotë të saj në jetën reale
juridike dhe politike të vendit tonë. Dhjetëvjeçari i këtij Dokumenti,
karakterizohet me një sërë kontradiktash që aktualizohen gjithnjë e më tepër.
Përfaqësuesit politik maqedonas dhe shqiptar nuk patën debatuar “kokë më
kokë” për këtë marrëveshje, por, përmes lehtësuesve Pardju dhe Leotar gjë që
përbën anën më negative të këtij dokumenti që vazhdimisht krijon “vakume
politike” për keqinterpretimin e saj. Mungesa e bisedimeve të tilla “sy më sy” edhe
sot krijon vështirësi të natyrave të ndryshme lidhur me kuptimin dhe zbatimin e
plotë të saj.
Andaj, thirrjet e bashkësisë ndërkombëtare për debat dhe dialog të
vazhdueshëm brenda etnik dhe ndërmjet etnik janë pikërisht në këtë vijë. Jo
rastësisht, ndërkombëtarët apelojnë për dialog sepse e dinë se në Ohër dhe në
Shkup në v. 2001, nuk kishte dialog, por bisedime sepse dialogu është diç më tepër
se bisedimet, meqë nënkupton bisedime me elemente inovative meqë, në dialog
hyhet me një mendim dhe argument kurse dilet me mendime dhe zgjidhje më të
mira dhe më të avancuara.
Qëllimi kyç i këtij dokumenti konsistonte në ndërprerjen e konfliktit të
armatosur shtatë mujor të v. 2001, por jo edhe zgjidhja dhe rregullimi i statusit
juridik dhe politik të shqiptarëve si popull konstitutiv në sistemin kushtetues dhe
shtetëror të vendit.
Në këtë drejtim, vendi ynë vazhdon të ketë dy preambula me përmbajtje të
ndryshme, edhe atë: e para, preambula e Marrëveshjes Kornizë të Ohrit dhe, e
dyta, Amendamenti IV i v. 2001, më të cilin u zëvendësua Preambula e
Kushtetutës së RM-së të v. 1991.
161 Ligji për marrëdhëniet midis bashkësive, neni 11 al 4.
162 Amendamenti XII al 6., neni 11 p 3 I ligjit për Komitet.
163 Doc. Dr. Jeton Shasivari, Docent për grupin e lëndëve kushtetuese-administrative dhe Prodekan i
Fakultetit juridik-UEJL-Tetovë.
140