Per me teper informacione -kliko ketu - South East European ...

Historia diplomatike e Marrëveshjes Korizë të Ohrit
î Historia diplomatike e Marrëveshjes Kornizë
të Ohrit
Ambasadori Xhejms Perdju ∗
Është nder për mua, që të jem me ju sot në Tetovë për të përkujtuar
Dhjetëvjetorin e Marrëveshjes Kornizë të Ohrit, e cila në vitin 2001, pengoi një
luftë shkatërruese civile në Maqedoni.
Vera e vitit 2001, ishte një nga ato pikat kritike në histori në të cilën situata
mund të kishte shkuar në këtë ose në një drejtim tjetër, duke prekur kështu të
ardhmen e qindra e mijëra, nëse jo edhe atë të miliona njerëzve. Maqedonia në atë
verë ishte e përballur me një situatë, ku duhej të zgjedhë midis luftës dhe paqes
dhe udhëheqësit e saj zgjodhën paqen. Marrëveshja e Ohrit, sot është një rast
klasik për parandalimin e konflikteve dhe unë jam shumë krenar që kam luajtur
një rol në arritjen e Marrëveshjes së bashku me homologun tim të Bashkimit
Evropian, Fransoa Leotar.
Unë, besoj se duke e arritur Marrëveshjen e Ohrit, liderët në Maqedoni kanë
shmangur një luftë shumë shkatërruese dhe tragjike që mund të kishte
shkatërruar vendin, ashtu siç e njohim ne sot. Vendimet e tyre shpëtuan jetë të
shumta të njerëzve, penguan shpërnguljen e mijëra të tjerëve dhe shmangën
shkatërrimin e shtëpive dhe të infrastrukturës, të cilët janë akoma në përdorim.
Maqedonia do të kishte qenë një vend krejtësisht ndryshe po që se udhëheqësit
kombëtarë të të dyja palëve nuk do të kishin zgjedhur të bëjnë kompromiset e
nevojshme për të kompletuar Marrëveshjen e Ohrit.
Dëshiroj ta përgëzoj Dejvid Filips dhe Universitetin Kolumbia, Universitetin
Shën Qirili dhe Metodi, Universitetin e Evropës Juglindore dhe Universitetin
Shtetëror të Tetovës, të cilët janë nikoqirë të kësaj konference. Bashkëpunimi në
mes këtyre universiteteve në Maqedoni për organizimin e këtij takimi është një
shembull se sa larg ka ardhur Maqedonia që nga viti 2001.
∗
Amabasadori Perdju ishte ndërmjetsues i SHBA-ve në negociatat për MKO-në
21