Ladda ner PDF-fil - MSD

EU UPL
RA 0450 EU P11 (ref 11.0)
NL/H/0150/II/029/G
IMPLANON NXT
Implant
War loogu talogalay isticmaalaha
Implanon NXT, oo ah maqaar-gale (implant) ah 68 mg oo loogu talogalay
isticmaal ah maqaarka hoostiisa
Etonogestrel
Si taxadir leh u akhri dhammaan qoraalkan yar ka hor inta aanad bilaabin
isticmaalidda dawadan.
• Waxa dhici karta in macluumaadkaa la soo bandhigay uu kaa gargaaro inaad
go’aansatid inaad isticmaashid Implanon NXT oo aad si haboon oo sax ah u
isticmaashid.
• Hayso qoraalkan yar. Waxa aad u baahan doontaa inaad akhridid marka kale
mudada aad isticmaalaysid Implanon NXT, sababta oo ah waa muhiim in laga
warqabo arrimaha soo bixi kara mustaqbalka.
• Dawadan adiga ayaa laguu qoray. Ha siin dadka kale. Waxa dhici karta inay
waxyeeleyso, xiitaa haddii astaamaha ama calaamadaha ay isku arkeen la mid
yihiin kuwaaga.
• Haddii aad qabtid su’aalo kale oo dheeraad ah, weydii dhakhtarkaaga ama
farmasiilahaaga.
• Haddii mid ka mid ah saameynada dawada uu noqdo mid culus, ama haddii aad
aragtid saameyno aan ku qornayn waraaqdan yar, fadlan u sheeg
dhakhtarkaaga ama farmasiilahaaga.
Qoraalkan yar:
1. Waa maxay NXT maxaana loo isticmaalaa ....................................................1
2. Waa maxay waxa la rabo inaad taqaanid ka hor galinta Implanon NXT ......3
3. Sidee loo isticmaalaa Implanon NXT ..............................................................8
4. Saameynada suurtogalka ah............................................................................10
5. Sida meel loo dhigo Implanon NXT .................................................................11
6. Macluumaad dheeraad ah ................................................................................12
7. Macluumaad loogu talogalay xirfadlaha caafimaadkaError! Bookmark not defined.
1. WAA MAXAY IMPLANON NXT MAXAANA LOO ISTICMAALAA
Implanon NXT waa ka-hortag uureysi oo maqaarka la galiyo (maqaar-gale) oo
lagu sii cabeeyo qalab galin oo la tuuri karo. Maqaar-galuhu waa ul yar oo
caag ah oo jilicsan oo cabirkeedu yahay 4 sentimitir oo dherer ah iyo 2
milimitir oo ah dhexroor, oo uu ku jiro 68 miligaraam oo ah walaxda firfircoon
ee etonogestrel. Qalabka galintu waxa uu xirfadlaha caafimaadka u

EU UPL
RA 0450 EU P11 (ref 11.0)
NL/H/0150/II/029/G
2
IMPLANON NXT
Implant
oggolanayaa in la maqaar-galaha la galiyo meel wax yar ka hooseysa
maqaarka cududdaada sare. Etonogestrel waa hormoon (hormone) haween
oo u eg progesterone. Qadar yar oo ah etonogestrel ayaa si joogto ah loogu
sii daayaa dhiigga. Maqaar-galaha laftiisu waxa uu ka sameysan yahay
ethylene vinyl acetate copolymer, oo ah balaastig aan ku milmaynin jidhka.
Waxa kale oo ku jira qadar yar oo ah barium sulfate kaasoo keenaya in la
lagu arko raajo.
Implanon NXT waxa loo isticmaalaa in lagaga hortago uureysiga
Sidee buu Implanon NXT u shaqeeyaa
Maqaar-galaha waxa la galiya meel wax yar ka hooseysa maqaarka. Walaxda
firfircoon, etonogestrel, waxay u shaqeysaa laba siyaabood:
• Waxay joojisaa soo-daynta ukunta ka imanaysa ukun-sideyaasha
(ovaries).
• Waxay isbeddelo ku sameysaa afka ilmo-galeenka taasoo dhib ka
dhigaysa in shahwaddu gasho ilmo-galeenka.
Natiijo ahaan, Implanon NXT waxa uu kaa badbaadiyaa uureysiga mudo ah
saddex sannadood, laakiin haddii miisaankaagu siyaado yahay waxa laga
yaabaa in dhakhtarku ku taliyo in maqaar-galaha hore loo beddelo. Implanon
NXT waxa uu ka mid yahay dhawr hab oo lagaga hortago uureysiga. Hab kale
oo ah xakameynta uurka oo wax badan la isticmaalo waa Kiniinka isku-darka
ah (combined Pill). Marka la barbardhigo Kiniinka la isku-daray, Implanon NXT
waxa isticmaali kara dumarka aan isticmaali karin ama aan rabin inay
isticmaalaan estrogens. Marka aad isticmaashid Implanon NXT lagaama rabo
inaad xusuusatid inaad maalin kasta qaadatid kiniin. Tani waxay ka mid tahay
sababaha Implanon NXT si weyn la isugu haleyn karo (waxtar ka badan
99%). Marrarka dhifta ah ee maqaar-galaha si sax aan loo galin ama aan la
galinba, waxa laga yaabaa in aanad ka badbaadsanayn uureysiga. Marka
aad isticmaalaysid Implanon NXT, waxa laga yaabaa in dhiiggaaga caadada
uu is beddeli karo oo noqon karo mid maqan, aan joogto ahayn, dhif ah, ama
marrar badan yimaada, ama marrar dhif aad u culus. Qaabka dhiig-baxa ee
aad aragtid saddexda bilood ee ugu horeeya waxa uu guud ahaan
tilmaamayaa qaabkaaga dhiig-baxa ee mustaqbalka. Waxa laga yaabaa in
dhiigga caadada ee xanuun leh laga fiicnaado.
Waxa kale oo aad joojin kartaa isticmaalka Implanon NXT wakhti kasta (Akhri
sidoo kale “Goorta aad rabtid inaad joojisid isticmaalka Implanon NXT”).

EU UPL
RA 0450 EU P11 (ref 11.0)
NL/H/0150/II/029/G
3
IMPLANON NXT
Implant
2. WAA MAXAY WAXA LA RABO INAAD TAQAANID KA HOR GALINTA
IMPLANON NXT
Lidka uureysiga ee hormoon ah, oo uu ku jiro Implanon NXT, kaama
badbaadinayaan cudurka HIV (AIDS) ama cudur kale oo galmada la isugu
tabiyo.
Ha isticmaalin Implanon NXT
Ha isticmaalin Implanon NXT haddii aad qabtid mid ka mid ah xaaladaha hoos
ku taxan. Haddii mid ka mid ah xaaladaas uu adiga ku hayo, u sheeg
dhakhtarkaaga ka hor inta aan lagu galin Implanon NXT. Waxa laga yaabaa in
dhakhtarkaagu kugula taliyo in aad isticmaashid hab xakameyn uuraysi oo aan
ahayn hormoon.
• haddii aad xasaasiyad ama alerji u leedahay etonogestrel ama mid ka mid
ah waxyaabaha uu ka sameysan yahay Implanon NXT.
• haddii aad qabtid xinjir dhiig oo ah xidid dhiig (thrombosis). Xinjir dhiig oo
ah xidid dhiig waa xinjir dhiig oo ku jirta xidid dhiig [tusaale ahaan lugaha
(Xinjir dhiig oo ku Jirta Xidid Dhiig oo Arooriye ah oo Hoos Jira (deep
venous thrombosis) ama sambabada (pulmonary embolism) (gufeysan
halbowle wadne)].
• haddii aad qabtid ama uu kugu dhacay maqaar hurdi/jaale ah (maqaarka
oo hurdi/jaale noqoda) (jaundice)), cudur beer oo daran (marka beerku
aanuu u shaqeynaynin si sax ah), ama buro ah beerka.
• haddii aad qabtid (uu kugu dhacay) ama haddii laga yaabo inaad qabtid
kaansarka naaska ama xubnaha taranka.
• haddii aad qabtid dhiig-bax ah siilka oo aan sababtiisa la garanaynin.
Haddii mid ka mid ah xaaladhaas uu kugu soo baxo wakhtiga ugu
horeeya adiga oo isticmaala Implanon NXT, isla markiiba la tasho
dhakhtarkaaga.
Taxadir gaar ah ka samee Implanon NXT
Haddii Implanon NXT la isticmaalo iyada oo ay jiraan mid ka mid ah xaaladaha hoos ku
qoran, waxa laga yaabaa inaad u baahan tahay in lagugu hayo la-socod soke.
Dhakhtarkaaga ayaa kuu sharixi kara waxa la sameynayo. Haddii mid ka mid ah kuwan
uu adiga ku khuseeyo, u sheeg dhakhtarkaaga ka hor inta aan lagu galin Implanon
NXT. Sidoo kale haddii xaaladdu kugu soo baxdo ama ka sii darto inta aad
isticmaalaysid Implanon NXT waa inaad u sheegtid dhakhtarkaaga.
• haddii uu kugu soo dhacay kaansarka naasaha;
• aad qabtid ama uu kugu dhacay cudur ah beerka;

EU UPL
RA 0450 EU P11 (ref 11.0)
NL/H/0150/II/029/G
4
IMPLANON NXT
Implant
• uu mar uun kugu dhacay xinjir dhiig oo ah xidid dhiig (thrombosis);
• aad qabtid sonkor/sonkorow ama macaan;
• uu miisaankaagu siyaado yahay;
• uu kugu dhaco qallal ama suuxdin (epilepsy);
• aad qabtid tiibay/tiibisho;
• aad qabtid cadaadis dhiig oo sareeya ama dhiigkar;
• aad qabtid ama uu kugu dhacay chloasma (oo ah baro maqaarka ah oo ah
hurdi-cawlan, gaar ahaan wajiga); haddii taasi jirto iska ilaali in qorraxda
ama iftiinta “ultraviolet” wax badan ku soo gaadho.
Xaalado culus oo suurtogal ah
Kaansar
Macluumaadka lagu soo bandhigay hoos waxa laga helay daraasaad laga
sameeyay dumar maalin kasta qaata lidka uureysiga ee afka laga qaato oo
uu ku jiro laba hormoon dumar oo kala duwan (“Kiniinka”). Lama yaqaano in
waxyaabahan la arkay ay sidoo kale khuseeyaan dumarka qaata lidka
uureysiga ee ah hormoon kale, sida maqaar-galeyaal uu ku jiro progestagen.
Kaasarka naasaha waxa la arkay inuu wax yar ku sii badan yahay dumarka
qaata kiininka isku-darka ah, laakiin lama yaqaano in taas ay daweyntu
keentay. Tusaale ahaan, waxa laga yaabaa in helitaanka burooyinka ay u sii
badan yahay kuwa qaata kiniinka isku-darka ah. Dhacdada kaansarka
naasaha ee korodhay waxa uu si tartiib ah u yaraadaa ka dib joojinta kiniinka
isku-darka ah. Waa muhiim in si joogto ah loo baadho naasahaaga waana
inaad la xidhiidhid dhakhtarkaaga haddii aad dareentid wax buruq ama
meel kuusan ah oo ku jira naasahaaga. Sidoo kale waa inaad
dhakhtarkaaga u sheegtid haddii qaraabo soke ay qabto ama uu mar uun
kugu dhacay kaansarka naasaha.
Marrar dhif ah, burooyin ah beerka oo aan waxyeelo lahayn iyo xiitaa tiro ka
sii tiro yar kuwa waxyeelo leh ayaa lagu sheegay haweenka isticmaala
Kiniinka. Haddii aad dareentid xanuun ubucda ah, waa inaad isla
markiiba la xidhiidhid dhakhtarkaaga.
Xinjir Dhiig oo ku Jirta Xidid Dhiig (Thrombosis)
Xinjir dhiig oo ku jirta xidid dhiig oo arooriye ah (oo loo yaqaano ‘venous
thrombosis’) waxay gufeyn kartaa xididka dhiig ee arooriyaha ah. Tani waxay
ka dhici kartaa xididada dhiigga ee arooriyaha ah ee ku jira lugta, sambabada
(lung embolus), xubin jidh oo kale.
Isticmaalka lidka uureysiga ee kasta oo ah isku-dar hormoon ah waxa uu
kordhiyaa halista yeelashada xinjiro marka la barbardhigo haweenay aan
qaadan wax ah lidka uureysiga ee ah isku-dar hormoon. Halistu uma sareyso

EU UPL
RA 0450 EU P11 (ref 11.0)
NL/H/0150/II/029/G
5
IMPLANON NXT
Implant
sida halista yeelasho xinjir dhiig wakthiga uurka. Halista ka imanaysa
hababka ah kaliya progestagen sida Implanon NXT waxa la aaminsan yahay
inay ka hooseyso halista isticmaaleyaasha Kiniinka uu ku jiro estrogens.
Haddii aad si lamo-filaan ah u aragtid calaamadaha xinjir dhiig oo ku
jirta xidid dhiig, waa inaad isla markiiba aragtid dhakhtarkaaga. (Sidoo
kale akhri “Goorma ayaa rabaa inaad la xidhiidhid dhakhtarkaaga”).
Xaalado kale
Isbeddelo ah qaabka caadada dhiigga
Sida lidka uureysiga kale ee ah kaliya progestagen, waxa laga yaabaa in
qaabkaaga dhiigga caadada uu is beddelo marka aad isticmaalaysid
Implanon NXT. Waxa laga yaabaa inaad isku aragtid isbeddel ah inta jeer
(maqnaansho, sii yaraan, marrar ka badan intii hore ama dhiig aan joogsi
lahayn), xoogga dhiigga (oo yaraaday ama kordhay) ama mudada uu socdo
dhiiggu. Maqnaanta dhiigga waxa soo sheegay 1 ka mid ah 5-tii haween
halka 1 ka mid ah 5-tii haween ay soo sheegtay dhiig caado oo ah marrar
badan iyo/ama sii dheeraaday. Marmar waxa la arkay dhiig caado oo culus.
Baadhitaanada caafimaadka waxa lagu oggodaay in isbeddelada dhiigga
caadada ay ahaayeen sababta ugu badan ee loo joojiyay daweynta (qiyaastii
11 %). Qaabka dhiig-baxa ee aad isku aragtid inta lagu jiro saddexda bilood
ee ugu horeeya guud ahaan waxa uu tilmaamayaa qaabka dhiig-baxaaga ee
mustaqbalka. Isbeddel ku dhacay qaabka dhiig-baxa macnihiisu ma ah in
Implanon NXT aanuu kugu haboonayn ama ku siinaynin badbaadinta lidka
uureysiga. Guud ahaan, uma baahnid inaad qaadid wax ah talaabo. Waa
inaad la tashatid dhakhtarkaaga haddii dhiiggaaga caadadu uu culus yahay
ama sii dheeraado.
Dhacdooyin la xidhiidha galinta iyo saarista
Waxa laga yaabaa in maqaar-galuhu ka guuro goobtii galinta ee hore, haddii
aan si sax ah iyo/ama sababta oo ah awoodo dibadda ah (sida gacanta oo
lagu dhaqaajiyo maqaar-galaha ama ciyaaraha istaabashada leh). Marka ay
jiraan dhacdooyinkaas waxa dhib noqon kara helista maqaar-galaha waxana
laga yaabaa in saaristiisu u baahan tahay jeexitaan sii weyn. Haddii aan la
heli karin maqaar-galaha, oo aanay jirin wax marag ah inuu soo baxay, lidka
uureysiga iyo halista saameyno progestagen la xidhiidha oo aan la rabin ayaa
laga yaabaa inay sii jiraan mudo ka dheer inta aad rabtid.
Fiixda Ukun-sidaha
Inta lagu jiro isticmaalka dhammaan lidka uureysiga ee hormoon ah ee ah
qadar yar, waxa ukun-sideyaasha ku sameysi kara kiishash yaryar oo

EU UPL
RA 0450 EU P11 (ref 11.0)
NL/H/0150/II/029/G
6
IMPLANON NXT
Implant
dheecaan ka buuxo. Waxa kuwan la yidhaahdaa fiix ukun-side. Badanaa
iskood ayay isaga baaba’aan. Marmarka qaarkood waxay keeni karaan
xanuun ah ubucda oo khafiif ah. Kaliya marrar dhif ah ayay keeni karaan
dhibaatooyin sii culus.
Isticmaalidda dawooyin kale
Fadlan u sheeg dhakhtarkaaga haddii aad qaadatid ama aad dhawaan
qaadatay wax ah dawooyin kale ama dhir, oo ay ku jiraan dawooyin la iibsado
iyada oo aan u haysan waraaq dhakhtar. Dawooyinka qaarkood waxay
Implanon NXT ka horjoogsan karaan inuu si sax ah u shaqeeyo. Kuwan waxa
ku jira dawooyinka loo isticmaalo daweynta
o
o
o
o
o
qallalka ama suuxdinta (sida primidone, phenytoin, barbiturates,
carbamazepine, oxcarbazepine, topiramate, felbamate),
tiibay/tiibisho (sida rifampicin),
Cudurka HIV (sida ritonavir, nelfinavir, nevirapine, efavirenz),
cudurada kale ee la kala qaado (sida griseofulvin),
niyad/caadifad ah diiqeysan ama murugo ku jirta (geedka la isku
daweeyo ee la yidhaahdo St. John’s wort)
Waxa kale oo laga yaabaa in Implanon NXT uu qas galiyo shaqeynta
dawooyinka kale; sida firfircoonida ciclosporin oo korodha iyo waxtarka
lamotrigine oo yaraada.
Markasta u sheeg dhakhtarka, kuu qoray Implanon NXT, dawooyinka ama
dhirta aad isticmaashid. Sidoo kale dhakhtarka kale ama dhakhtar ilko oo kale
oo kasta oo kuu qoraya dawo kale (ama farmasiga bixinaya dawada) u sheeg
inaad isticmaashid Implanon NXT. Waxay kuu sheegi karaan haddii aad u
baahan tahay inaad sameysid taxadiro dheeraad ah oo loogu talogalay lidka
uureysiga ee aan ahayn hormoon; isla markaana haddii ay sidaas tahay
waxay kuu sheegi doonaan mudada taxadiradaas la sameynayo sababta oo
ah waxa laga yaabaa in falgalka ama isqasiddu socoto ilaa afar todobaad ka
dib joojinta dawada. Haddii ay jiraan dawooyin aad qaadanaysay mudo
dheer, oo yareyn kara waxtarka Implanon NXT, waxa laga yaabaa in
dhakhtarkaagu sidoo kale ku taliyo hab xakameyn uureysi oo si waxtar leh
loola isticmaali karo dawooyinkaas. Haddii aad rabtid inaad isticmaashid
walax dhir ah oo uu ku jiro “St. John’s wort” adiga oo hore u isticmaali jiray
Implanon NXT waa inaad marka hore la tashatid dhakhtarkaaga.

EU UPL
RA 0450 EU P11 (ref 11.0)
NL/H/0150/II/029/G
7
IMPLANON NXT
Implant
Implanon NXT oo lala isticmaalo cunto iyo cabitaan
Ma jiraan wax tilmaamo ah oo sheegaya in cuntada iyo cabitaanka wax
saameyn ah ku sameeyaan isticmaalka Implanon NXT.
Uurka iyo Naas-nuujinta
Waa in aanad isticmaalin Implanon NXT marka aad uur leedahay, ama aad u
maleynaysid inaad uur leedahay. Haddii shaki kaaga jiro inaad uur leedahay
ama aanad lahayn, waa inaad sameysid baadhitaan uur ka hor inta aanad
bilaabin isticmaalidda Implanon NXT.
Implanon NXT waa la isticmaali karaa marka aad naas nuujinaysid. Inkasta oo
qadar yar oo ah walaxda firfircoon ee Implanon NXT uu soo raaco caanaha
naaska, ma jiro saameyn uu ku yeesho soo saarista ama tayada caanaha
naaska, ama korniinka iyo horumarka ilmaha. Haddii aad naas nuujisid oo
aad rabtid inaad isticmaashid Implanon NXT, fadlan u sheeg xirfadlahaaga
caafimaadka.
Baabuur wadista iyo isticmaalidda mishiinada
Ma jiraan wax tilmaamaya in wax saameyn ah uu isticmaalka Implanon NXT ku
leeyahay soo-jeedista iyo ka-fiirsashada.
Goorma ayaa la rabaa inaad la xidhiidhid dhakhtarkaaga
Baadhitaanada joogtada ah
Ka hor inta aan lagu galin Implanon NXT, xirfadlahaaga daryeelka caafimaadka waxa
uu ku weydiin doonaa xoogaa ah su’aalo ku saabsan taariikhdaada caafimaadka iyo
ta qaraabadaada soke. Waxa kale oo uu xirfadlaha daryeelka caafimaadku cabiri
doonaa cadaadiska dhiiggaaga, isla markaana iyada oo ku xidhan xaaladdaada
shakhsi ahaan, waxa laga yaabaa inuu sameeyo baadhitaano kale. Marka aad
isticmaalaysid Implanon NXT, waxa laga yaabaa in xirfadlahaaga daryeel caafimaad
uu ku weydiisto inaad u soo laabatid baadhitaan caafimaad (oo caadi ah) ka dib
xoogaa wakhti ah marka lagu galiyo maqaar-galaha. Inta jeer iyo nooca baadhitaano
dheeraad ah waxay ku xidhaan doontaa xaaladdaada shakhsi ahaan.
Sida ugu dhakhsaha badan ee suurtogal ah ula hadal dhakhtarkaaga haddii:
• aad wax isbeddelo ah ku aragtid caafimaadkaaga, oo gaar ahaan la xidhiidha
qodobada lagu sheegay qoraalkan yar (sidoo kale akhri ”Ha isticmaalin Implanon
NXT” iyo “Taxadir gaar ah ka samee Implanon NXT”; ha iloobin qobodaba la
xidhiidha qoyskaaga soke);
• aad qabtid xanuun laabta ah oo daran ama barar ah lugahaaga, xanuun laabta ah
oo aan sababtiisa la garanaynin, neefsashada oo dhib ah, qufac aan caadi ah, gaar
ahaan marka aad qufacdid dhiig;

EU UPL
RA 0450 EU P11 (ref 11.0)
NL/H/0150/II/029/G
8
IMPLANON NXT
Implant
• aad qabtid xanuun caloosha ah oo daran ama la moodo inaad leedahay midab
hurdi/jaale ah;
• aad buruq ama kuus ka dareentid naaskaaga (sidoo kale akhri “Kaansar”);
• aad qabtid xanuun degdeg u yimid ama daran oo ah qaybta hoose ee
calooshaada;
• aad qabtid dhiig-bax siilka ah oo aan caadi ahayn oo culus;
• lagaa dhigi doono qof aan dhaqaaqaynin (tusaale ahaan lagugu xadeyn doono
sariirta) ama laguu sameyn doono qalitaan (la tasho dhakhtarkaaga ugu yaraan
afar todobaad ka hor);
• aad tuhunsan tahay inaad uur leedahay.
3. SIDEE LOO ISTICMAALAA IMPLANON NXT
Fadlan u sheeg xirfadlahaaga daryeelka caafimaadka haddii aad uur
leedahay ama oo aad u maleynaysid inaad uur leedahay ka hor inta aan
lagu galin Implanon NXT (tusaale ahaan haddii aad yeelatay galmo aan
badbaadsanayn intii lagu jiray wareegga dhiigga caadada ee hadda).
Sida loo isticmaalo
Waa inuu Implanon NXT galiyo oo saaro kaliya xirfadle daryeel caafimaad oo
yaqaana habraaca lagu sharaxay dhinaca kale ee qoraalkan yar. Xirfadlaha
daryeelka caafimaad ayaa isaga oo kula tashana go’aamin doona wakhtiga
ugu haboon galinta. Tani waxay ku xidhan tahay xaaladdaada caafimaad
(tusaale ahaan habka xakameyn uur ee aad hadda isticmaashid). Adiga oo ka
beddelanaya hab lid uureysi oo hormoon ah oo kale mooyaane, waa in
galinta la qabto 1-5 maalmood ka dib dhiig-baxaaga caadada ee iskii u yimid
si meesha looga saaro uur. Xirfadlahaaga daryeel caafimaad ayaa kula talin
doono (si aad u heshid macluumaad dheeraad ah akhri Qaybta 7.1 ee
qoraalka “Goorta la galinayo Implanon NXT”).
Ka hor galinta ama saarista Implanon NXT, xirfadlahaaga daryeel caafimaad
waxa uu ku siin doonaa dawo kabuubyeyn goob (local anesthetic). Implanon
NXT toos ayaa loo galiyaa maqaarka hoostiisa, oo ah xagga hoose ee
cududdaada isticmaalka yar (waa cududda aanad wax ku qorin). Sharaxaad
ku saabsan habraaca galinta iyo saarista Implanon NXT ayaa lagu muujiyay
qaybta 6.
Waa in Implanon NXT la saaro ama la beddelo mudo aan ka badnayn
saddex sannadood ka dib galinta.
Si lagaaga gargaaro inaad xusuusatid goorta iyo meesha Implanon NXT la
galiyay, iyo goorta ugu dameysa ee ay tahay in la saaro Implanon NXT, waxa

EU UPL
RA 0450 EU P11 (ref 11.0)
NL/H/0150/II/029/G
9
IMPLANON NXT
Implant
uu xirfadlahaaga daryeelka caafimaadka ku siin doonaa Kaadh Isticmaale oo
muujinaya macluumaadkaas. Kaadhka ku kaydso ama ku hayso meel
ammaan ah!
Ka dib hawlgalka galinta, waxa uu xirfadlaha daryeelka caafimaadku ku
weydiin doonaa inaad maqaar-galaha ku dareentid taataabasho. Maqaar-gale
si sax ah loo galiyay meesha waa inuu si cad u dareemi karo xirfadlaha
daryeelka caafimaadka iyo waliba adigu, dhabtiina waa in labada dhammaad
lagu dalici karo inta u dhexeysa suulka iyo farta. Waa in la ogaado in
taataabashadu aanay 100% ku habooneyn cadeynta joogista maqaar-galaha.
Haddii uu jiro shakiga ugu yar waa inaad isticmaashid hab ah caqabad (sida
cinjirka galmada ama kondhom) ilaa xirfadlaha daryeelka caafimaada iyo
adigu aad si dhab ah u hubsataan in maqaar-galaha meesha la galiyay.
Marrar dhif ayaa dhici kara oo loo baahdo in xirfadlaha daryeelka
caafimaadku isticmaalo raajo, sawirka “ultrasound” ama sawirka “magnetic
resonance imaging,” ama loo baahdo inuu qaado saambal ama qayb dhiig ah,
si loo hubiyo in maqaar-galuhu ku jiro gudaha cududdaada.
Haddii ay dhacdo inaad rabtid in la beddelo Implanon NXT, maqaar-gale
cusub ayaa isla markiiba lagu galin karaa ka dib marka maqaar-galihii hore la
saaro. Maqaar-galaha cusub waxa la galin karaa isla cududdii hore iyo goobtii
hore ee uu ku jiray maqaar-galihii hore. Xirfadlahaaga daryeelka caafimaadka
ayaa kula talin doona.
Marka aad rabtid inaad joojisid isticmaalka Implanon NXT
Waxa aad xirfadlahaaga daryeelka caafimaadka weydiisan kartaa inuu kaa
saaro maqaar-galaha wakhti kasta oo aad rabtid. Haddii aan maqaar-galaha
lagu dareemi karin taataabasho, waxa uu xirfadlaha daryeelka caafimaadku
isticmaali doonaa raajo, sawirka “ultrasound” ama sawirka “magnetic
resonance imaging” si loo helo maqaar-galaha. Iyada oo ku xidhan booska
saxda ah ee maqaar-galaha waxa laga yaabaa in saaristu ay wax yar dhib
noqoto oo loo baahdo qalitaan yar.
Haddii aanad rabin inaad uur yeelatid ka dib saarista Implanon NXT, weydii
xirfadlahaaga daryeelka caafimaadka habab kale oo la isku haleyn karo oo ah
xakameynta.
Haddii aad joojisid isticmaalidda Implanon NXT sababta oo ah waxa aad
rabtaa inaad uur yeelatid, waxa guud ahaan lagu taliyaa inaad sugtid ilaa aad
ka yeelatid caado dhiig oo dabiici ah ka hor inta aanad isku dayin inaad uur
yeelatid. Tani waxay kaa gargaaraysaa inaad ogaatid goorta ilmuhu dhalan
doono.

EU UPL
RA 0450 EU P11 (ref 11.0)
NL/H/0150/II/029/G
10
IMPLANON NXT
Implant
4. SAAMEYNADA SUURTOGALKA AH
Sida dhammaan dawooyinka kale, Implanon NXT waxa uu keeni karaa
saameyno aan rabin, inkasta oo aanay qof kasta ku dhicin.
Dhiigga caadada ayaa iman kara xilliyo aan joogto ahayn marka la
isticmaalayo Implanon NXT. Kan waxa laga yaabaa inuu yahay kaliya dhiig
khafiif ah oo aan xiitaa u baahnayn suuf, ama dhiig culus, oo socda xilli yar oo
u baahan suufka nadaafadda. Waxa kale oo laga yaabaa in aanad yeelin wax
dhiig ah. Dhiigga caadada ee aan joogtada ahayn calaamad uma ah in
badbaadinta lidka uureysiga ee Implanon NXT ay yaraatay. Hase yeeshee,
haddii dhiig-baxu culus yahay ama sii dheeraado la tasho dhakhtarkaaga.
Saameynada culus ee suurtogalka ah
Saameynada culus ee aan fiicneyn waxa lagu sharaxay qaybta 2 “Kaansar”
iyo “Xinjir dhiig oo ku jirta xidid dhiig”. Fadlan qaybtan ka akhriso macluumaad
dheeraad ah oo la tasho dhakhtarkaaga isla markiiba marka taasi haboon
tahay.
Waxa la soo sheegay saameynada soo socda:
Aad caam u ah
(>1/10)
Fin doob;
Madax-xanuun;
korodh ah
miisaanka jidhka;
danqasho iyo
xanuun ah
naasaha;
dhiig-bax aan joogto
ahayn;
caabuq ku dhaca
siilka;
Caam ah
(1/10-1/100)
timaha oo go’a;
dawakh;
niyad diiqadeysan;
niyad kacsan;
fiigsanaan;
rabitaan galmo oo yaraaday;
rabitaan cunto oo kordhay;
xanuun ubucda ah;
lallabo/yalaalugo;
naqas caloosha ah iyo
xiidmaha;
dhiig caado oo xanuun leh;
miisaanka jidhka oo
yaraada;
astaamo u eg kuwa
infuluwensaha ama
hargabka;
xanuun;
daal;
dareen kulayl ah oo degdeg
Ma aha caam
(1/100-1/1000)
cuncun;
cuncun ah aagga taranka;
finan;
soo bixid timo oo siyaado ah;
dhafoor-xanuun (migraine);
walwal;
hurdo la’aan;
hurdo-hurdo;
shuban;
matag;
calool-istaag;
caabuq ah marinka kaadida;
raaxo-daro ah siilka (sida
dheecaan ah siilka);
naasaha oo balaadha;
dheecaan ah naasaha;
dhabar xanuun;
qandho;
xejin hoore/biyo;

EU UPL
RA 0450 EU P11 (ref 11.0)
NL/H/0150/II/029/G
11
IMPLANON NXT
Implant
Aad caam u ah
(>1/10)
Caam ah
(1/10-1/100)
ah;
xanuun ah goobta maqaargalaha;
dareen-celin ah goobta
maqaar-galaha;
fiix ah ukun-sideyaasha;
Ma aha caam
(1/100-1/1000)
kaadida oo dhib ah ama
xanuun leh;
dareen-celinno alerji;
barar iyo xanuun ah cunaha;
sanboor;
laabato xanuun;
muruq xanuun;
lafo xanuun;
Marka laga reebo saameynadaas, cadaadiska dhiigga oo sare u kaca ayaa
marmar la arkay. Waxa kale oo arkay maqaar saliideysan. Waa inaad u tagtid
dhakhtarkaaga isla markiiba haddii aad isku aragtid astaamaha angioedema,
sida (i) waji, carab ama cune bararsan; (ii) liqista oo dhib ah; ama (iii) finan iyo
neefsashada oo dhib ah. Inta lagu jiro galinta ama saarista Implanon NXT,
xoogaa ah diisan maqaar, xanuun ama cuncun ayaa laga yaabaa inuu dhaco
iyo, marmar dhif ah, caabuq. Waxa sameysmi kara qolof ama boog ayaa laga
yaabaa inay ka sameysanto goobta galinta. Dareen ah kabuubyo (ama
dareen la’aan) ayaa laga yaabaa inuu dhaco. Soo tuurista ama dhaqaaqa
maqaar-galaha ayaa suurtogal ah, gaar ahaan marka si aan sax ahayn loo
galiyay. Qalitaan ayaa laga yaabaa in loo baahdo marka la saarayo maqaargalaha.
Haddii mid ka mid ah saameynadaas uu sii cuslaado, ama haddii aad aragtid
waxyeelooyin kale oo aan ku jirin qoraalkan yar, fadlan u sheeg dhakhtarkaaga.
5. SIDA MEEL LOO DHIGO IMPLANON NXT
Ka fogee tiigsiga caruurta iyo aragga caruurta.
Ha isticmaalin ka dib taariikhda dhicitaanka ee ku qoran alaabta iyo
kartoonka.
Dawadani uma baahna wax ah xaalado kaydin oo gaar ah.
Dawooyinka waa inaan laga takhalusin iyada oo la isticmaalayo biyaha
bulaacadda ama qashinka guriga. Weydii farmasiilahaaga sida looga
takahaluso dawooyinka aan loo baahnayn. Talaabooyinkani waxay gargaari
doonaan badbaadinta deegaanka.

EU UPL
RA 0450 EU P11 (ref 11.0)
NL/H/0150/II/029/G
12
IMPLANON NXT
Implant
6. MACLUUMAAD DHEERAAD AH
Waxa Implanon NXT ku jira
Waa hal qalab isticmaal oo uu ku jiro hal maqaar-gale
• Walaxda firfircoon waa: etonogestrel (68 mg)
• Walxaha kale ee uu ka kooban yahay waa: ethylene vinyl acetate
copolymer, barium sulfate iyo magnesium stearate.
Sida Implanon NXT u eg yahay iyo waxa ku jira baakada
Implanon NXT waa lid uureysi ah hormoon oo maqaarka hoos gala oo mudo
dheer shaqeeya. Waxa uu ka kooban yahay maqaar-gale ah kaliya
progestagen oo ka muuqda raajada oo lagu sii cabeeyay qalab isticmaal oo
horumarsan, diyaar u ah isticmaalka, oo hal mar la isticmaalayo. Qalabka
isticmaalka oo midabkiisu yahay cadaan xigeen waa 4 sentimitir oo dherer ah
iyo 2 mm oo ah dhexroor waxana ku jira etonogestrel iyo barium sulfate.
Qalabka isticmaalka waxa loo farsameeyay inuu fududeeyo galinta maqaargalaha
taasoo ah meel wax yar ka hooseysa maqaarka cududdaada sare (ta
isticmaalka yar). Waxa maqaar-galaha galinaya oo saaraya xirfadle daryeel
caafimaad oo yaqaana habraacyada. Si saaristu aanay dhib u yeelan waxa
muhiim ah in maqaar-galaha la galiyo meel kaliya wax yar ka hooseysa
maqaarka (akhri dhinaca kale ee qoraalkan yar). Waa in la isticmaalo
kabuubyeynta ama suuxinta goobta ka hor galinta iyo saarista maqaargalaha.
Halista dhib soo kordha way yar tahay haddii fariimaha la raaco.
Hay’staha Ruqsada Suuq-geynta iyo Sameeyaha
Goobta ayaa lagu buuxin doonaa
Alaabtan oo dawo ah waxa oggolaansho looga hayaa Dawladaha
Xubnaha ka ah EEA ee soo socda iyada oo wadata magaca ah Implanon
NXT ama Nexplanon:
Osteeriya, Biljam, Jamhuuriyada Jegga, Denmark, Finlaan, Faransiiska,
Jarmalka, Ayslaan, Talyaaniga, Ayrlaan, Luksombuur, Maalta, Nederlaan,
Maalta, Norway, Bortoqiiska, Jamhuuriyada Islofaak, Isbayn, Isweedhan,
Boqortooyada Midowday.
Qoraalkan yar waxa markii ugu dambeysay la aqbalay

EU UPL
RA 0450 EU P11 (ref 11.0)
NL/H/0150/II/029/G
13
IMPLANON NXT
Implant
Fiiro:
Sawiradan waxa kaliya ee loola jeedaa in lagu sharaxo habraacyada
galinta iyo saarista ee loogu talogalay haweenayda la siinayo maqaargalaha.
Fiiro: Habraacyada saxda ah ee galinta iyo saarista Implanon NXT ee uu
adeegsanayo xirfadlaha daryeel caafimaad waxa lagu sharaxay
Koobitaanka sifooyinka alaabta iyo qaybta 7 ee ku yaala dhinaca kale ee
qoraalka yar ee xidhmada isticmaalaha.
6.1 Sidee loo galiyaa Implanon NXT
• Galinta Implanon NXT waa inuu sameeyo kaliya xirfadle daryeel caafimaad oo yaqaana habraaca.
• Si loo fududeeyo galinta maqaar-galaha, waa inaad u jiifsatid dhabarkaaga, iyada oo cududdaadu
wax yar ka qaloocsan tahay xagasha oo u jeedo dibadda.
• Maqaar-galaha waxa la galin doonaa dhinaca gudaha ee cududdaada sare ee isticmaalka yar
(cududda aanad wax ku qorin).
• Goobta galinta waxa laga tilmaami doonaa maqaarka, goobta waa la jeermi-dili doonaa oo la
kabuubyeyn doonaa.
• Maqaarka waa la kala jiidi doonaa waxana irbadda si toos ah loo galin doonaa maqaarka
hoostiisa. Marka caaradu gasho gudaha maqaarka, irbadda si buuxda ayaa loo galin doonaa
iyada oo la sameynayo dhaqaaq barbar la ah maqaarka.

EU UPL
RA 0450 EU P11 (ref 11.0)
NL/H/0150/II/029/G
14
IMPLANON NXT
Implant
• Silbadaha basaliga ah waxa la furayaa iyada oo tartiib hoos loo riixayo oo si buuxda dib loo
riixayo ilaa uu ka joogsado xagga dambe si loo celiyo irbadda. Maqaar-galuhu waxa uu ku hadhi
doonaa cududda sare marka dib loo celiyo ama dib loo saaro irbadda.
• Joogista maqaar-galaha waxa lagu xaqiijin karaa dareemid (taataabasho) isla ka dib
galinta. Maqaar-gale si sax ah loo galiyay meesha waa inuu si cad u dareemi karo
xirfadlaha daryeelka caafimaadka iyo waliba adigu. Waa in la ogaado in taataabashadu
aanay 100% ku habooneyn cadeynta joogista maqaar-galaha.
• Marka aan maqaar-galaha lagu dareemi karin taataabasho ama marka joogitaankiisa uu
shaki ku jiro waa in la isticmaalo habab kale si loo xaqiijiyo joogitaanka maqaar-galaha.
• Ilaa joogitaanka maqaar-galaha la xaqiijiyo waxa laga yaabaa in aanad ka badbaadsanayn
uureysi waana in la isticmaalo hab lid uureysa oo caqabad ah (sida cinjirka qalmada ama
kondom).
• Waxa lagu siin doonaa faashad cudbi ah oo jeermi-dilan oo wadata faashad cadaadin si loo
yareeyo cad-go’a. Waxa aad iska qaadi kartaa faashada cadaadiska gudaha 24 saacadood
waxana aad faashada yar ee dul saaran goobta galinta iska qaadi kartaa gudaha 3-5 maalmood.
• Ka dib galinta maqaar-galaha, waxa uu xirfadlaha daryeel caafimaad ku siin doonaa Kaadh
Isticmaale oo uu ku qoran yahay goobta galinta, taariikhda galinta iyo taariikhda ugu dambeysa
ee la rabo in la saaro ama la beddelo maqaar-galaha. Dhig meel ammaan ah sababta oo ah
macluumaadka ku qoran kaadhka oo mustaqbalka fududeyn kara saarista.
6.2 Sidee ayay tahay in loo saaro Implanon NXT
• Waa in maqaar-galaha uu saaro kaliya xirfadle caafimaad oo yaqaana habraaca.
• Maqaar-galaha waxa la saraaya haddii aad codsatid in la saaro ama –ugu dambeyn saddex
sanno ka dib galista.
• Meesha ay tahay goobta galinta waxa lagu tilmaamayaa kaadhka Isticmaalaha.
• Xirfadlaha daryeel caafimaad ayaa heli doona maqaar-galaha. Haddii maqaar-galaha uu heli
waayo xirfadlaha daryeel caafimaad waxa laga yaabaa in la isticmaalo raajo, sawirka “ultrasound”
ama farsamooyinka sawiridda ee “magnetic resonance imaging”.

EU UPL
RA 0450 EU P11 (ref 11.0)
NL/H/0150/II/029/G
15
IMPLANON NXT
Implant
• Cududdaada sare waa la jeermi-dili doonaa oo la
kabuubyeyn doonaa.
• Jeexid yar ayaa lagu sameyn doonaa cududda meel wax
yar ka hooseysa caarada maqaar-galaha.
• Maqaar-galaha si tartiib ah ayaa loogu riixaa xagga meesha
la jeexay waxana lagu soo saaraa qabato.
• Marmarka qaarkood, waxa dhici karta in cad adag uu ku wareegsan yahay maqaar-galaha.
Haddii ay sidaas tahay, jeexis yar ayaa loo baahan yahay in lagu sameeyo cadka ka hor inta aan
maqaar-galaha la saarin.
• Haddii aad rabtid in xirfadlahaaga daryeel caafimaad uu Implanon NXT ku beddelo maqaar-gale
kale, waxa maqaar-galaha cusub la galin karaa iyada oo la isticmaalayo isla meesha la jeexay.
• Meesha la jeexay waxa lagu xidhi doonaa qabatooyinka “steri-strip”.
• Waxa lagu siin doonaa faashad cudbi ah oo jeermi-dilan oo wadata faashad cadaadin si loo
yareeyo cad-go’a. Waxa aad iska qaadi kartaa faashada cadaadiska gudaha 24 saacadood
waxana aad faashada yar ee dul saaran goobta galinta iska qaadi kartaa gudaha 3-5 maalmood.