мппс прирачник (pdf)

СОЈУЗ НА
ЗДРУЖЕНИЈА
НА ГРАЃАНИ
„МАКЕДОНСКА
ПЛАТФОРМА ПРОТИВ
СИРОМАШТИЈАТА“ (МППС)
МАНИФЕСТ
Сиромаштијата е најлоша форма на насилство - Махатма Ганди
Сиромаштијата во сите нејзини форми претставува нарушување на човековите права. Луѓето кои немаат приходи и средства
се чувствуваат исклучено од јавниот и од социјалниот живот. Сиромаштијата создава круг во кој се нарушуваат човековите
права во поглед на животните услови и стандарди, а последиците се недоволни приходи, несоодветно образование, здравство,
домување, отежнат пристап до јавните услуги, намалено учество во социјалниот и во политичкиот живот во општеството итн.
Поточно, сиромаштијата ги исклучува и ги маргинализира нашите сограѓани и соседи. Сиромаштијата влијае на животните
стандарди, достоинството и на добросостојбата кај луѓето. Сиромашните, исклучените и другите ранливи групи граѓани,
посебно децата и жените, се најчести жртви на насилство од различен вид.
Нееднаквоста во светот е застрашувачка. Најмалку 80 % од човештвото живее со помалку од 10 долари на ден, 25.000 деца
секојдневно умираат како последица на сиромаштијата, 12,3 милиони луѓе се жртви на присилна работа, 186 милиони луѓе се
невработени и приближно една милијарда луѓе влегоа во 21 век неписмени. Македонија не е имуна на ваквите состојби. И таа
ги отсликува светските трендови во поглед на сиромаштијата и социјалната исклученост. Според некои процени на ООН, околу
50 % од популацијата во Република Македонија живее во некаков вид сиромаштија. И додека стапката на сиромаштија е висока
на целата територија на Република Македонија, некои социјални групи се несразмерно повеќе изложени на сиромаштија
отколку други.
6