III FƏSİL Azərbaycan idmançılarının Olimpiya oyunlarında iştirakı

Azərbaycan Respublikası Prezidentinin İşlər İdarəsinin
PREZİDENT KİTABXANASI
───────────────────────────────────────────────────────────────────────────────────
qədər geriyik. Şəxsən özümdə güclü həyəcan hiss edirdim. Bunun təcrübə azlığıyla izahlayardım." Azərbaycanı
təmsil edən dörd cüdoçudan biri beşinci, ikisi 7-ci yeri tuta bildi. Əslində isə iki idmançımız Vətənə medalla
qayıda bilərdi. Bu fakt nə qədər təəssüf doğursa da, reallıqla barışmaq lazım gəlir.
Yunan-Roma və sərbəst üsulla güləş yarışlarında Azərbaycan müvafiq olaraq 3 və 6 idmançı ilə təmsil
olunurdu. Yunan-Roma güləşçilərimizin hər üçü beynəlxalq miqyasda tanınmış atletlər idi. Onların medallar
uğrunda mübarizə aparacağı böyük ümid doğururdu.
Püşkün nəticələri göstərdi ki, 54 kq çəki dərəcəsində çıxış edən tanınmış. idmançımız ən çətin qrupda
mübarizə aparmalı olacaqdır. O, iki dünya çempionu - türk Yıldız Ərcan və kubalı Rivas Lazaro ilə bir qrupda
gücünü sınamalı idi. İlk görüşdə qrupun dördüncü üzvü Yeni Zellandiyalı güləşçi ilə qarşılaşan Natiq ona
asanlıqla (10:0) qalib gəldi. İkinci görüşdə ilk xalı alan idmançımız tədricən üstünlüyü əldən verdi və uduzdu.
Qeyd edək ki, kubalı güləşçi qrupun digər güclü üzvü türk idmançısına birinci görüşdə qalib gəlmişdi. Onun
Yeni Zellandiya idmançısına uduzacağına ehtimal az idi. Bu baxımdan Ərcanla qarşılaşmada Natiq yalnız
yeddinci yer uğrunda mübarizə apara bilərdi. Elə də oldu. Yaxşı güləşən idmançımız inamlı qələbə qazandı və
7-ci yerlə kifayətlənməli oldu. Bu çəki dərəcəsində olimpiya çempionu adını koreyalı Sim Kvon Hu qazandı.
Natiqin qrupunda birinci yeri tutmuş Rivas gümüş medala sahib oldu. 76 kq çəkidə mübarizə aparan Xviça
Biçinaşvili qrup yarışlarında Koreya və Türkiyədən olan rəqiblərinə uduzaraq yarışları dayandırdı.
İslam Duqiçiyev qrup yarışlarını uğurla başa vurdu. Lakin ilk görüşdən zədələnmiş idmançımız 1/4 finalda
Estoniya nümayəndəsi Valeri Nikitinə əlavə vaxtda məğlub olaraq 6-cı yeri tutdu.
Beləliklə, yunan-Roma güləşindən respublikamızı təmsil etmiş üç idmançı 6, 7 və 16 yerləri tutdular.
XXVII Yay Olimpiya Oyunlarının son həftəsi Azərbaycan idmançıları üçün uğurlu oldu. Sərbəst güləş
yarışlarında 54 kq çəki dərəcəsində çıxış edən Namiq Abdullayev öz qrupunda Koreyadan olan Jin Ju Donqu,
Yeni Zelandiyalı Martin Liddli məğlub edərək, birbaşa 1/2 finala vəsiqə qazandı. Yarımfinalda yunanıstanlı
rəqibi Əmiran Karantanovu 5:3, finalda isə Amerika güləşçisi Semuel Hensonu 4:3 hesabı ilə udaraq Olimpiya
çempionu adına layıq görüldü. Namiqin qardaşı Arif Abdullayev isə mübarizə apardığı 58 kq çəki dərəcəsində
uğursuz çıxış etdi. Qrupunun ilk döyüşündə alman Otmar Kuneri məğlub edən Arif ukraynalı Yevgeni Busloviç
üzərində də qələbə qazanmışdı. Lakin son 40 saniyədə təşəbbüsü əldən verən Arif rəqibinə fənd keçirməyə
imkan yaratdı. Məhz bu fənd hakimlərin mübahisəsinə səbəb oldu. Onlar qələbəni Arifə verdilər. Lakin Ukrayna
məşqçilərinin etirazına baxılandan sonra qərar dəyişdirildi. Arif Yevgeni Busloviçla təkrar qarşılaşdı. Bu dəfə
də görüşün bitməsinə 40 saniyə qalanadək idmançımız 5 xal irəlidə idi. Lakin son saniyələrdə o, zəif çıxış etdi
və məğlubiyyətə uğradı. O, yarışları 10-cu yerdə başa vurdu.
63 kq çəki dərəcəsində qrup yarışlarında Şamil Əfəndiyev Slovak Stefan Fernyaka, avstriyalı Musa İlhana
qalib gəldi və son 3-cü döyüşündə cənubi koreyalı Yanq Yi Sunqa uduzdu. Güləşçimiz 7-ci yerdə mübarizəni
dayandırdı. 76 kq çəkidə Elşad Allahverdiyev qrup yarışlarında ilk döyüşdə özbək Ruslan Hinqçaqova əlavə
vaxtda məğlub oldu. Sonrakı görüşdə o, cənubi afrikalı Jannu du Toyta 8:5 hesabı ilə qalib gəlsə də, 11 c-i yerdə
yarışları başa vurdu.
97 kq səki dərəcəsində Davud Məhəmmədov qrupda ilk görüşündə qazax İslam Bayramukova məğlub oldu.
Növbəti görüşdə o, kubalı Vilfreda Moralesi məğlub etsə də, qrupda birinci yeri tuta bilmədiyinə görə yarışları
dayandırdı.
130 kq çəki dərəcəsində Rəcəb Əshəbəliyev qrupda ukraynalı Merabi Veliyevi udsa da, növbəti görüşdə
amerikalı Kerri Mk Koya məğlub olaraq 9-cu yerlə kifayətlənməli oldu.
İndiyədək Olimpiya Oyunlarında Azərbaycan boksçuları heç vaxt medal qazanmamışdılar. Əslinə qalsa
bizim boksçuların olimpiadada iştirakı Atlantadan başlanıb. İlk dəfə Ədalət Məmmədov respublika boksunun
şərəfini qoruyub. Onun Atlantadakı çıxışı böyük əks-səda doğurmuşdu.
Son illər respublikada boks doğrudan da sürətlə inkişaf edir. Məhz onun nəticəsidir ki, idmançılarımız
Avropa, dünya çempionatlarında, beynəlxalq turnirlərdə uğurlar qazanırlar. Sidneyə lisenziya qazananların
arasında Azərbaycan komandasını beş boksçunun - Əli İsmayılov, Vüqar Ələkbərov, Ruslan Xairov,
Məhəmməd Arifhacıyev, Mahac Nuriddinovun təmsil etməsi də bu faktı sübut edir.
Sentyabrın 18-də 75 kq çəki dərəcəsində çıxış edən Vüqar Ələkbərov Keniya idmançısına qarşı görüşün hər
dörd raundunda inamla qalib gəldi. Vüqar Avstraliya idmançısına qarşı keçirdiyi döyüş də rəqibinə göz açmağa
imkan vermədi. Üçüncü görüşdə o, təcrübəli türk boksçusu üzərində də inamlı qələbə qazındı. Yarımfinalda
onun rəqibi Kuba boksçusu oldu. Boksçumuz axıradək varqüvvəsi ilə mübarizə aparsa da, güclü rəqibinə qalib
gələ bilmədi. Beləliklə Vüqar Ələkbərov ilk dəfə olaraq ölkəmizə Olimpiya boksunun bürünc medalını gətirdi.
60 kq çəki dərəcəsində çıxış edən Mahac Nuriddinov ayın 17-də rinqə çıxdı. Lakin Mahac təcrübəli rus
idmançısı Aleksandr Meletinin hücumlarının qarşısının ala bilmədi və uduzdu.
Ağır çəkili boksçumuz Məhəmməd Ariphacıyev da Sidneydə keçirdiyi ilk görüşü uduzaraq yarışları başa
vurdu.
34