III FƏSİL Azərbaycan idmançılarının Olimpiya oyunlarında iştirakı

Azərbaycan Respublikası Prezidentinin İşlər İdarəsinin
PREZİDENT KİTABXANASI
───────────────────────────────────────────────────────────────────────────────────
cümlədən Milli Olimpiya Komitəsindəki işimə də. Ona görə də - mən indi bunu açıq deyə bilərəm - hər üç
istiqamətdə nəticələr, uğurlar, qələbələr vardır. Hesab edirəm ki, bunun əsas səbəbi ondan ibarətdir ki, yalnız və
yalnız işləmək lazımdır. Harada iş varsa, orada nəticə də olacaqdır - həm neft sahəsində, həm Qaradağ
rayonunda, həm də Olimpiya Komitəsində. Sabah mənə başqa, yeni bir vəzifə tapşırsalar, yaxud başqa bir
sahəyə göndərsələr, orada da çalışacağam ki, yaxşı nəticələr əldə olunması üçün əlimdən gələni edim.
- İlham müəllim, elə olubmu, bu sahələrdən hansınasa daha çox diqqət ayırasınız
Əlbəttə, olub. Mənim əsas iş yerim Azərbaycan Dövlət Neft Şirkətidir, 1994-cü ildən mən bu vəzifədə
çalışıram. Əlbəttə ki, iş günümün 70 faizi məhz buradakı problemlərin həllinə həsr olunur. Amma elə günlər
olur ki, məsələn, idmana, yaxud da ki, seçicilərin problemlərinə daha çox diqqət yetirirəm.
Məsələn, Olimpiada ərəfəsində, təbii ki, mən hər gün yalnız bu problemlərlə məşğul olurdum. Yəni ki, biri
var gündəlik həyat, gündəlik iş, bir də var ki, hansısa tədbirə hazırlaşmaq üçün, hansısa mühüm bir vəzifəni
yerinə yetirmək üçün o sahəyə təbiidir ki, daha çox diqqət yetirirsən. Amma elə bir gün olmur ki, mən idmanla,
Olimpiya Hərəkatında baş verən hadisələrlə, yaxud da ki, seçicilərimin həyatı ilə, neft şirkətinin məsələləri ilə
maraqlanmayım.
Bu üç istiqamət hər gün mənim diqqət mərkəzimdədir. Həftənin yeddi gününü mən burada, bu kabinetdə
keçirirəm. Bəzən mənə elə gəlir ki, mən burada yaşayıram. Amma işlər çoxdur və yenə də demək istəyirəm ki,
hər bir işə məsuliyyət hissi ilə yanaşmağa çalışıram. Bəlkə buna görə də bu məsələlərdə çox həssasam. Ona görə
heç kəs mənə irad tuta bilməz ki, İlham Əliyevə bu vəzifə tapşırıldı, amma onun öhdəsindən gələ bilmədi. Hər
bir irada cavab olaraq mən sözlərimi yox, gördüyüm konkret işləri təqdim edə bilərəm.
- Vaxtilə Azərbaycan idmançıları bir sıra növlərdə Olimpiya oyunlarında yüksək nəticələr
göstəriblər. Kornelyuk, Rəfiqə Şabanova, İnna Rıskal... Ümumiyyətlə, bu siyahını çoxaltmaq da olar.
İstər voleybolçularımız, istər həndbolçularımız, istərsə vaterpolçularımız, qayıqsürənlərimiz,
beşnövçülük üzrə idmançılarımız bir vaxtlar Olimpiya oyunlarında yüksək nəticələr göstəriblər. Son
vaxtlar isə bu sahədə qazandıqlarımızı itirmişik. Milli Olimpiya Komitəsinin prezidenti kimi, bu gerilik
yəqin ki, Sizi də narahat edir.
Əlbəttə, itkilər vardır. Amma digər tərəfdən bir şeyi də demək istəyirəm ki, Azərbaycan müstəqil dövlət
kimi Olimpiya oyunlarında ikinci dəfə idi ki, iştirak edirdi. Əlbəttə, keçmişdə bizim olimpiya çempionlarımız
da, görkəmli idmançılarımız da olubdur. Amma bu idmançılar Sovet İttifaqının yığma komandasının tərkibində
fəaliyyət göstərirdilər. Rəfiqə Şabanovaya mənim çox böyük hörmətim var. Çox görkəmli, istedadlı həndbolçu
idi. Lyudmila Şubinaya da həmçinin. Onlar Azərbaycan milli komandasının tərkibində fəaliyyət göstərmirdilər,
çıxış etmirdilər. Sovet İttifaqının yığma komandasında çıxış edirdilər. İnna Rıskal da.
Mən bunu deməklə onların qazandıqları uğurları heç də kiçiltmək istəmirəm. Mən yenə də deyirəm ki, bu
insanlara böyük hörmətlə yanaşıram və onlar bu gün Milli Olimpiya Komitəsinin tərkibində çox fəal iştirak
edirlər.
Amma digər tərəfdən, bu amili də biz gərək nəzərdən qaçırmayaq. Azərbaycan Olimpiya oyunlarında
müstəqil dövlət kimi birinci dəfədir ki, belə müvəffəqiyyətlə çıxış edir. Əlbəttə, vaxtı ilə tutaq ki, bizdə idmanın
həndbol, voleybol, yaxud da otüstü xokkey növləri çox inkişaf etmişdi. Amma yenə də hansı səviyyədə Sovet
İttifaqının çempionatları bizim otüstü xokkeyçilərimizin ən böyük qələbəsi üçün yer oldu. Həndbolçularımızın
da ən böyük qələbəsi üçün yer olmuşdur. Voleybolçularımızın da həmçinin. Yəni ki, Azərbaycan müstəqil bir
komanda kimi beynəlxalq miqyasda böyük nailiyyətlər əldə etməmişdir. Təbiidir ki, bunun əsası vardır.
Həndbol, voleybol, basketbol kimi idman növlərini inkişaf etdirmək üçün çoxlu vəsait lazımdır. Komandaları
saxlamaq, onları beynəlxalq yarışlara göndərmək lazımdır. Bu isə böyük maliyyə xərcləri tələb edir. Ona görə
də bu idman növləri Azərbaycanda hələlik o qədər də məşhur, populyar deyildir. Əlbəttə ki, bir güləşçini
hazırlamaq həndbol komandasını hazırlamaqdan asandır. Bu, təbiidir.
Ancaq bu sahədə biz müəyyən proqramları nəzərdə tutmuşuq və onları həyata keçirəcəyik. Milli Olimpiya
Komitəsi yaxın vaxtlarda Beynəlxalq Olimpiya Komitəsinin kuboku uğrunda həndbol üzrə turnir keçirəcəkdir.
Həmçinin voleybolda da ciddi uğurlar əldə etmək barədə düşünürük. Voleybol üzrə bizim görkəmli məşqçimiz
Faiq Qarayev Türkiyədə çalışırdı. İndi o, Bakıdadır, biz onu dəvət etmişik ki, komandanı formalaşdırsın. Eyni
zamanda, sizə bir şeyi də demək istəyirəm. Sidneydə olarkən biz digər yarışları, o cümlədən çimərlikdə
voleybol yarışlarını da izləyirdik. Belə qərara gəldik ki, idmanın bu növünü Bakıda inkişaf etdirməliyik. Çünki,
çimərlik, dəniz, şərait - hər şey bizdə vardır. Hər komandada yalnız iki nəfər çıxış edir. İki nəfəri daha asan
hazırlamaq olar, nəinki on nəfəri.
Ona görə də qarşımıza məqsəd qoymuşuq ki, 2004-cü il Olimpiadasında biz mütləq yeni komanda
növlərində yarışlarda iştirak etməliyik. Çalışacağıq ki, həndbolçularımız lisenziya qazana bilsinlər. Bu çətindir,
amma biz çalışacağıq ki, voleybolçularımız da lisenziya qazana bilsinlər. Çimərlik voleybol komandası isə biz
mütləq Afinaya aparacağıq. Elə idman növləri vardır ki, burada bir idmançı 5-6 medal qazana bilər. Məsələn,
38