III FÆSÄ°L AzÉrbaycan idmançılarının Olimpiya oyunlarında iÅtirakı
III FÆSÄ°L AzÉrbaycan idmançılarının Olimpiya oyunlarında iÅtirakı
III FÆSÄ°L AzÉrbaycan idmançılarının Olimpiya oyunlarında iÅtirakı
Create successful ePaper yourself
Turn your PDF publications into a flip-book with our unique Google optimized e-Paper software.
Azərbaycan Respublikası Prezidentinin İşlər İdarəsinin<br />
PREZİDENT KİTABXANASI<br />
───────────────────────────────────────────────────────────────────────────────────<br />
Azərbaycan ötən doqquz il ərzində böyük inkişaf yolu keçibdir. Bəli, altı il bundan öncə atəşin<br />
dayandırılması böyük nailiyyətdir. Çünki təsəvvür edin, əgər müharibə, o vaxta qədər aparılan uğursuz<br />
müharibə davam etsəydi, bax bu gün oxuyan, təhsil alan, idmançı olan, istedadlarını göstərən nə qədər<br />
gənclərimiz həlak, şəhid olmuşdu. Ona görə da 1994-cü ilin mayında atəşkəsin yaranması Azərbaycanın<br />
gələcəyi, bu günü üçün ən böyük şərtlərdən biri idi.<br />
Azərbaycan hüquqi, demokratik dünyəvi dövlətdir. Biz bu yolu uğurla keçirik. Azərbaycanda demokratiya<br />
inkişaf edibdir. Azərbaycanda bütün insanlara azadlıq verilibdir. Azərbaycanda söz, vicdan, insan azadlığı<br />
tamamilə təmin olunubdur. Azərbaycanın iqtisadiyyatı 1995-ci ildə tənəzzülə son qoydu, o vaxtdan indiyə qədər<br />
inkişaf yolu keçibdir.<br />
Bizim dövlət nümayəndələri, nazirlər ayrı-ayrı analitik materiallarda bu barədə çoxlu rəqəmlər göstəriblər.<br />
Bu gün bu inkişaf yolumuzun rəqəmləri, konkret sübutları göz qabağındadır, biz bu yolu uğurla gedirik və<br />
gedəcəyik.<br />
Təbiidir ki, biz əldə etdiyimiz nailiyyətlərlə də kifayətlənmirik, razı deyilik. Bunlar Azərbaycanı ancaq<br />
siyasi-iqtisadi böhrandan çıxartdı, ölkəmizin iqtisadiyyatında tənəzzülün qarşısını aldı, respublikamızın<br />
iqtisadiyyatının inkişafını və Azərbaycan xalqının rifah halının ardıcıl, davamlı surətdə yaxşılaşdırılmasını<br />
təmin etdi.<br />
Bizim hələ görüləsi çox işlərimiz var. Biz Azərbaycanın güclü, hüquqi, demokratik, dünyəvi və iqtisadi<br />
cəhətdən inkişaf etmiş ölkə olmasına çalışırıq. Azərbaycanın Milli Ordusu yaranıbdır. Bu Milli Orduda bizim<br />
gənclərimiz xidmət edir və çox da yaxşı xidmət edirlər.<br />
Azərbaycan bir dövlət kimi artıq formalaşıbdır. Bu, bizim doqquz illik nailiyyətimizdir. Xalqımız bunu<br />
bilir, qiymətləndirir və ona görə də öz dövlətinə, vətəninə sədaqətini və Azərbaycanın demokratiya yolu ilə<br />
gedən dövlətinə öz dəstəyini göstərir. Bu da bizi, Azərbaycan prezidenti kimi şəxsən məni daha da çox iş<br />
görməyə məcbur edir, yəni mənim qarşımda, dövlətin, hökumətin qarşısında yeni-yeni vəzifələr qoyur. Mən sizi<br />
əmin edə bilərəm ki, biz bu vəzifələri yerinə yetirəcəyik, Azərbaycan ilbəil inkişaf edəcəkdir.<br />
Noyabrın 5-də Azərbaycanda növbəti parlament seçkiləri keçiriləcəkdir. 1995-ci ilin noyabrında müstəqil<br />
Azərbaycanın ilk demokratik Konstitusiyasının qəbul olunması tarixi hadisədir, O vaxt, eyni zamanda, müstəqil<br />
Azərbaycanın yeni Milli Məclisi seçildi. Həmin Milli Məclis ötən beş ildə çox işlər gördü. İndi Azərbaycan<br />
hüquqi dövlətdir, bizdə hər şey qanunla tənzimlənir. Amma bu qanunları yaratmaq, işlətmək lazımdır. Biz<br />
bunları etmişik.<br />
Bizim Milli Məclisimiz çox qanunlar qəbul edibdir, işini uğurla başa çatdırır. Azərbaycanın hakimiyyət, icra<br />
orqanları bu qanunların yerinə yetirilməsi üçün çalışır və çoxlu nailiyyətlər əldə edibdir. Bu nailiyyətlər bundan<br />
sonra daha da çox olacaqdır.<br />
Mən inanıram ki, noyabrın 5-dəki seçkilərdə xalq yenə də ədaləti, haqqı, əldə olunan nailiyyətləri<br />
dəstəkləyəcəkdir, ayrı-ayrı təxribatçıların, yaxud müxalifətçilərin yalan, böhtan sözlərinə uymayacaqdır. İndi<br />
demokratiyadır. Bu gün müxalifət partiyalarına imkan verilibdir ki, seçkiqabağı televiziyalarda çıxış etsinlər, -<br />
onlar onsuz da qəzetlərdə istədiklərini daim yazırlar, - öz seçiciləri ilə görüşürlər, danışırlar. Ancaq nə müşahidə<br />
olunur Seçkilərə qoşulan partiyaların tam əksəriyyəti müxalifət mövqeyində duranlardır. Onların hamısı<br />
iqtidarı tənqid edir. Tənqid bizə lazımdır, amma təhrif, yalan, böhtan lazım deyildir. Bu, xalqımıza, millətimizə<br />
lazım deyildir. Ancaq onlar bu yola düşüblər. Bunların sözünün əvvəli da, axırı da ondan ibarətdir ki,<br />
Azərbaycanda demokratiya yoxdur.<br />
Əgər demokratiya yoxdursa, müxalifət partiyaları nə üçün bu qədər qəzetlər çıxarırlar və bu qəzetlərdə<br />
olmazın yalanlar, böhtanlar, iftiralar dərc olunur Əgər demokratiya yoxdursa, müxalifət partiyaları<br />
televiziyada, radioda necə sərbəst çıxış edir, iqtidara qarşı böhtan yağdırırlar<br />
Bəli, məhz Azərbaycanda ictimai-siyasi vəziyyət sabit olandan bir neçə vaxt sonra bu partiyalar yavaş-yavaş<br />
canlandı və indi onlara bütün imkanlar yaradılıbdır. Amma onlar da, hamı da düşünməlidir ki, bu imkanları kim,<br />
hansı hakimiyyət, iqtidar yaradıbdır Bunu bizim iqtidar yaradıbdır. Bunu biz yaratmışıq.<br />
Mən bu günlər televiziyada çıxış edənləri müşahidə edirəm. Müxalifət partiyalarının televiziyada çıxış edən<br />
hər bir nümayəndəsi xalqı, milləti müstəqillik aktının doqquz illiyi münasibətilə təbrik edir. Çox gözəl. Bu,<br />
onların haqlarıdır. Mən bundan çox məmnunam. Amma onlardan soruşmaq lazımdır, bu doqquz illik müddətin<br />
yeddi il beş ayı Azərbaycanın bugünkü iqtidarının üzərinə düşür. Əgər Azərbaycan 1991-ci ilin sonunda<br />
müstəqilliyini əldə edibsə, ondan sonrakı bir il altı ay müddətində ölkəmizdə hakimiyyətsizlik, hərc-mərclik<br />
davam edib və nəhayət, 1992-ci ilin iyununda Xalq Cəbhəsi - Müsavat hakimiyyətə gələndən sonra<br />
Azərbaycanın dağıdılması daha da sürətləndi. Bunlar da axırda gətirib vətəndaş müharibəsinə çıxartdı.<br />
1990-ci ilin yanvar hadisələrindən sonra, ondan qabaq da Azərbaycanda ictimai-siyasi sabitlik pozulmuşdu,<br />
hərc-mərclik idi. Dövlətin on illərlə qazandığı sərvətlər dağıdılırdı və Azərbaycan bir neçə dəfə fövqəladə<br />
vəziyyətdə, avtomatlıların qarşısında yaşayıbdır.<br />
46