III FÆSÄ°L AzÉrbaycan idmançılarının Olimpiya oyunlarında iÅtirakı
III FÆSÄ°L AzÉrbaycan idmançılarının Olimpiya oyunlarında iÅtirakı
III FÆSÄ°L AzÉrbaycan idmançılarının Olimpiya oyunlarında iÅtirakı
Create successful ePaper yourself
Turn your PDF publications into a flip-book with our unique Google optimized e-Paper software.
Azərbaycan Respublikası Prezidentinin İşlər İdarəsinin<br />
PREZİDENT KİTABXANASI<br />
───────────────────────────────────────────────────────────────────────────────────<br />
ölkədə <strong>Olimpiya</strong> Hərəkatı və idmana münasibət, komitənin fəaliyyəti, idmançılarımızın <strong>Olimpiya</strong> oyunlarında<br />
iştirakı haqqında məlumat verdi, onun dəvətini qəbul edib "Azərbaycan günü"ndə iştirak edən bütün qonaqlara<br />
təşəkkürünü bildirdi. Azərbaycanın bütün sahələrdə, xüsusən də <strong>Olimpiya</strong> Hərəkatı və idman sahəsində başqa<br />
ölkələrlə əməkdaşlığının bundan sonra daha da genişlənəcəyinə əmin olduğunu qeyd edən MOK prezidenti<br />
qonaqları Azərbaycanla daha yaxından tanış olmağa çağırdı. Bu tanışlığa Azərbaycan rəssam və<br />
heykəltəraşlarının əsərlərindən, ölkə ilə tanışlığa qədim diyarda toxunmuş xalça nümunələrindən ibarət sərgi<br />
bələdçilik etdi. Sərgidəki işlərə heyranlıqla tamaşa edən qonaqlar həmin gecə ölkəmiz haqqında çox şey<br />
öyrəndilər, bu diyara məhəbbət və rəğbətlərini ifadə edən xoş sözlər söylədilər. Onlardan bəziləri Respublika<br />
televiziyasının əməkdaşı ilə söhbətində Azərbaycan günü haqqında öz təəssüratlarını bölüşdü.<br />
Avropa <strong>Olimpiya</strong> Komitəsinin prezidenti Jak Roq Azərbaycan Milli <strong>Olimpiya</strong> Komitəsinin bu təşəbbüsünü,<br />
Yay <strong>Olimpiya</strong> Oyunlarının keçirildiyi vaxtda belə bir tədbiri təşkil edərək Azərbaycanı, onun mədəniyyətini,<br />
idmanını dünyaya tanıtmağı yüksək qiymətləndirdi, sərgidə nümayiş etdirilən əsərləri, xalçaları gözəl sənət<br />
əsərləri adlandırdı. O, <strong>Olimpiya</strong> Hərəkatının inkişafı naminə gördüyü işlərə, Azərbaycanda idmanın inkişafına<br />
göstərdiyi diqqət və qayğıya, həmçinin belə maraqlı bir gecəyə dəvətə görə İlham Əliyevə təşəkkürünü bildirdi.<br />
Türkiyənin idman naziri Fikrət Unli isə öz təəssüratlarını belə ifadə etdi: "Sizi təbrik edirəm, aranızda olmaqdan<br />
məmnunluq duyuram. Çox gözəl sənət əsərləriniz var. Rəssamlarınızın gözəl əsərləri ilə tanış olmağıma çox<br />
sevinirəm. <strong>Olimpiya</strong> oyunlarında sizə uğurlar arzulayıram. Biz qardaşıq, dostuq. iki ölkənin bir-birini sevən<br />
insanlarıyıq. Mən burada, sizin aranızda özümü doğma adamlar arasında olduğum kimi hiss edirəm."<br />
"Azərbaycan günü"ndə Respublika Milli <strong>Olimpiya</strong> Komitəsinin prezidenti İlham Əliyevin müxtəlif<br />
ölkələrin <strong>Olimpiya</strong> Komitələrinin prezidentləri, idman nazirləri, Beynəlxalq idman federasiyalarının rəhbərləri<br />
ilə görüşləri də işgüzar və səmərəli şəraitdə keçdi.<br />
"Azərbaycan gününün sonunda qonaqlara Azərbaycanı təbliğ və tərənnüm edən xatirə hədiyyələri<br />
bağışlandı.<br />
"Azərbaycan günü"ndə Beynəlxalq <strong>Olimpiya</strong> Komitəsinin rəsmi nümayəndələri, Avropa <strong>Olimpiya</strong><br />
Komitəsinin prezidenti Jak Roq, komitənin baş katibi Mario Peskante, müxtəlif ölkələrin Milli <strong>Olimpiya</strong><br />
Komitələrinin prezidentləri, idman nazirləri, beynəlxalq idman federasiyalarının rəhbərləri, Avstraliyanın<br />
Sidney şəhərində yaşayan Azərbaycan diasporunun nümayəndələri iştirak edirdilər.<br />
Oktyabrın 1-də Sidney Olimpiadası başa çatdı. Təntənəli şəkildə keçən bağlanış mərasimində <strong>Olimpiya</strong><br />
bayrağı növbəti <strong>Olimpiya</strong> oyunlarına ev sahibliyi edəcək Afinanın nümayəndəsinə verildi. Ertəsi gün idman<br />
nümayəndə heyətləri Vətənə dönməyə başladılar.<br />
Oktyabrın 2-də Sidneydən yola düşən idman nümayəndə heyətimizi iki gündən sonra oktyabrın 4-də<br />
Bakının Binə aeroportunda səbirsizliklə gözləyirdilər. Azərbaycan uzaq Avstraliyaya yola saldığı, orada onun<br />
şan-şöhrətini yüksəklərə qaldırmış övladlarını böyük təntənə ilə qarşıladı.<br />
Aeroportda iynə atsaydın yerə düşməzdi. Qələbə ilə qayıdan olimpiyaçıları qarşılamaq üçün hava limanına<br />
minlərlə adam toplaşmışdı. Gələnlərin ardı-arası isə kəsilmək bilmirdi. Xalq öz <strong>Olimpiya</strong> qəhrəmanlarını gülçiçəklə,<br />
nəğmə ilə, qəlbi riqqətə gətirən "Azərbaycan! Azərbaycan!" nidaları ilə qarşılayırdı. Hamı<br />
olimpiyaçıları yaxından görmək, Zemfiranı, Namiqi, Vüqarı bağrına basmaq, onların əllərini sıxmaq, heç<br />
olmasa səslərini eşitmək istəyirdi.<br />
Hava limanından şəhərə qədər bütün yol boyu adamlar onları salamlayır, yollarına gül-çiçək səpir, alqışlara<br />
qərq edirdilər. Ən çox yadda qalan, insanı hər şeydən çox kövrəldən isə "Azərbaycan! Azərbaycan!" nidaları,<br />
Vətən adı idi!<br />
Qələbə ilə Azərbaycana qayıtmış olimpiyaçılar ölkənin hər yerində böyük məhəbbət və ehtiramla<br />
qarşılandılar, hamı onların görüşünə can atır, radio və televiziyada, respublikanın qəzet və jurnallarında<br />
olimpiyaçılara daha çox yer ayrılırdı. Oktyabrın 18-də Azərbaycan Respublikasının Prezidenti Heydər Əliyev<br />
Sidneydən qayıtmış Azərbaycan nümayəndə heyətini qəbul etdi. Bu gün təsadüfən seçilməmişdi. Həmin gün<br />
Azərbaycanın müstəqilliyinin bərpa olunmasının doqquzuncu ildönümü günü idi.<br />
Prezident Sarayında keçirilmiş təntənəli görüşdə <strong>Olimpiya</strong> mükafatçıları və onların məşqçiləri dövlət<br />
ordenləri ilə təltif olundular. Bütün olimpiyaçılar prezidentin mükafatlarını aldılar.<br />
Bu tədbirdən bir az sonra, daha doğrusu oktyabrın 29-da Milli <strong>Olimpiya</strong> Komitəsi Sidney Oyunlarının<br />
yekunlarına həsr olunmuş <strong>Olimpiya</strong> balı keçirildi. Əlbəttə, bu tədbir Sidney Oyunlarının yekunlarının ciddi<br />
müzakirəsi şəraitində yox, bir ziyafət, şadlıq və bayram məclisi kimi təşkil olunmuş, Sidney Oyunlarında iştirak<br />
etmiş Azərbaycan nümayəndə heyətinin bütün üzvləri bura dəvət edilmişdilər. Ziyafətdə MOK-un<br />
olimpiyaçılara mükafatları təqdim olundu. Tədbirdə Milli <strong>Olimpiya</strong> Komitəsinin prezidenti İlham Əliyevin<br />
çıxışının sonunda səslənən ürək sözləri keçən dördillik Sidney <strong>Olimpiya</strong> dövrünə həqiqətən məntiqi yekun<br />
vurdu: "Mən Sidneydə yaşadığım bu qələbəni, xoşbəxt anları bir daha yaşamaq istəyirəm. Hesab edirəm ki, siz<br />
da bunu istəyirsiniz. Mən əminəm ki, belə də olacaq. 2004-cü ildə Afina Olimpiadasında da Azərbaycan böyük<br />
uğurlar əldə edəcəkdir."<br />
36