Assessment

HOW IS MY CHILD DOING A Parent’s Guide to Assessment
TAGALOG
Ano ang Kaayusan ng
Aking Anak
Ang Gabay ng
Magulang sa
Paghahalaga o
Pagtantiya
(Assessment)
(Binago noong Mayo 16/07)
Ano ang Paghahalaga o Pagtantiya
(Assessment)
Ang paghahalaga o pagtantiya ay isang
paraan ng pagtitipon ng mga impormasyon
tungkol sa mga estudyante. Ito ay
maraming tungkulin: pagkakaloob ng mga
paalaala sa mga estudyante, mga guro, at
mga magulang; pagkilala sa mga katangian
ng mga mag-aaral; pangalanan at
magrekomenda ng mga nararapat na
estudyante sa angkop na mga programa,
pag-aralan ang mga programa at mga
pamamaraan at mga mapagkukunan
(resources); ipakita ang pananagutan ng
mga paaralan, mga distrito, at mga sistema.
Ang paghahalaga ay nagpapaliwanag ng
mga pamamaraan ng pagtuturo at
nagpapatibay sa mga programang pangedukasyon
para sa mga estudyante.
Mabisang Paghahalaga:
• Nagbibigay ng maliwanag na mga kurukuro
sa mga mag-aaral, mga magulang
at mga guro;
• Umaakit sa mga estudyante na linangin
ang pag-aaral batay sa mga gawain
tulad ng pagkakaroon ng hangarin sa
buhay at pagsunod sa mga kriterya;
• Nagkakaloob sa mga estudyante ng
mga oportunidad na tantiyahin ang
kanilang sarili at gumawa ng paraan
para sa pagpapabuti;
• Ginagamit ng mga guro sa pagkalkula at
itinatama ang tagubilin sa pagtuturo
upang matulungan ang mga estudyante
sa kanilang pagtuklas ng talino;
• Nagsasaalang-alang ng mga inaakalang
kalalabasan sa pagpapahalaga sa sarili
at pagganyak;
Paano ginagawa ng guro ang
paghahalaga sa aking anak
Patuloy na hinahalagahan o tinatantiya ng
guro ang mga estudyante batay sa mga
obserbasyon, mga pag-uusap sa loob ng
klase, mga itinalagang gawain ng guro, mga
takdang-aralin at mga iksamen. Ang
impormasyong makukuha sa mga
paghahalagang ito ay tumutulong sa guro
sa pagpasiya kung ano ang ituturo at paano
ito ituturo. Ang ilang paghahalaga ay
ginagamit ng “learning resource teachers”
upang malaman ang iba pang impormasyon
ukol sa pag-aaral ng mga estudyante.
Paano natutulungan ng paghahalaga ang
aking anak tungo sa kaniyang
pagpapabuti sa pag-aaral
Ang Paghahalaga ukol sa Pagtuklas ng
Talino ay isang paraan na naglalayong
matuklasan at maliwanagan ang
ebidensiyang magagamit ng mga
estudyante at ng kanilang mga guro upang
malaman kung ano ang kalagayan ng mga
estudyante sa kanilang pag-aaral, ano pa
ang kailangang gawin, saan sila patungo, at
ano ang pinakamabuting hakbang upang
marating ang kanilang patutunguhan.
Karamihan ng paghahalagang nangyayari
sa mga silid-aralan ay dapat gawin upang
makatulong sa pag-aaral habang
nangyayari ito.
Ang Paghahalaga bilang pagtuklas ng
talino ay nangyayari habang ang
estudyante ay naghahalaga sa sarili at
gumagawa ng mga layuning
panghinaharap, at ito’y bahagi ng saykel ng
pag-aaral.
Ang Paghahalaga sa karunungan ay
ginagamit sa pag-ulat ng progreso na
kadalasan ay sa katapusan ng takdang
panahon (term) o sa huling yunit ng pagaaral.
Nagpapaliwanag ito kung ano ang
mga napag-aralan kapag nakumpleto na
ang pamamaraan.
Ang paghahalaga ba ay nauukol lamang
sa pag-ulat ng mga marka
Ang paghahalaga ay nagpapahayag ng
pag-uulat nguni’t mayroon pang ibang
mahahalagang dahilan kung bakit ginagawa
ito. Ang pinakamahalagang hangad nito ay
upang ipaalam sa guro kung ano ang
kailangang ituro sa susunod o kaya’y
gumawa ng karagdagan. Ang iba pang mga
hangarin ay kasama ang pagmasid sa

HOW IS MY CHILD DOING A Parent’s Guide to Assessment
TAGALOG
progreso ng estudyante, paggawa ng
akmang balangkas ng pag-aaral, at
pagtitipon ng mga bagay-bagay upang
mapagpasiyahan kung kailangan pa ang
masidhing dagdag na paghahalaga.
Ano ang pagkakaiba ng paghahalaga at
pagsusuri
Ang paghahalaga at pagsusuri ay may
kaugnayan, nguni’t may magkaibang mga
pamamaraan. Ang Paghahalaga ay paraan
ng pagtipon ng mga bagay-bagay; ang
Pagsusuri ay paraan ng pagbuo ng pasiya
batay sa nasabing mga bagay-bagay. Ang
Paghahalaga ay isang mapaglayong
(objective) paraan na itinalaga upang
ipaliwanag ang sitwasyon nang hindi
nanghuhusga. Ang Pagsusuri ay higit na
sabdiyekteb sa dahilang ang hinalagahang
mga bagay-bagay ay pinagpapasiyahan
ayon sa mga pamantayan. Ang mga
pagpapasiyang ito ay nakalarawan sa
sistema ng pag-uulat (reporting process),
maging sa pagpapaliwanag kung ano ang
kalagayan ng estudyante batay sa mga
hangarin o kaya’y sa letrang grado (letter
grade).
Ano ang pagkakaiba ng mga marka at
mga grado
Ang marka ay ang “puntos” (numero o letra)
na ibinibigay sa isang iksamen o pagganap.
Ang grado ay ang letrang iniuulat sa
katapusan ng nakatakdang panahon
bilang kabuuang pahayag ng pagganap
(performance) ng estudyante. Ang mga
marka at mga grado ay dapat pagpasiyahan
batay sa kriteryang pinili mula sa mga
dokumento ng kurikulum ng BC. Mula sa
mga gradong 4 – 9, ang letrang grado ay
isang pagsusuri batay sa hanay ng mga
nakalarawang mga paghahalaga mula sa
iba’t ibang pinagmulan na nagpapahiwatig
ng kalagayan ng estudyante ayon sa mga
nakatalagang kriterya at mga saligan. Hindi
maaaring ibatay ito sa karaniwang
porsiyento ng mga marka mula sa mga
araling-bahay at mga iksamen.
Ano ang Tinatawag na “Criterion- Based
Assessment”
Ang “Criterion- Based Assessment” o
paghahalagang batay sa kriteryon ay
nagpapaliwanag kung ano ang lagay ng
inyong anak sa paggawa batay sa mga
resulta sa pag-aaral na itinalaga ng mga
dokumento sa kurikulum ng BC. Ang
kriterya sa paghahalaga ng proyekto o
takdang-aralin ay ipinaaalam sa estudyante
sa una pa lamang. Kapag alam ng mga
estudyante ang mga hangarin ng kurikulum,
maaari silang makagawa ng malinaw na
mga adhikain sa buhay.
Ano ang mga Sukatan ng Pagganap
(Performance Standards)
Sa pangkalahatan, ang tinatawag na
sukatan ng pagganap ay nagpapaliwanag
kung gaano kagaling ang mga estudyante
sa mga bagay na pangkaisipan, pangakademya,
at panglipunan. Ang Sukatan
ng Pagganap ng BC ay tiyakang
nagpapaliwanag ng mga hangaring
panlalawigan sa pagbasa, pagsulat,
pagbilang, at responsibilidad na panlipunan.
Ang mga sukatan ay batay sa hinalagahang
pagganap na kung saan ang mga
estudyante ay hinihimok na gamitin ang
mga kasanayan at mga kaalamang
natutuhan nila upang hustuhin ang
mahihirap at makatotohanang mga gawain.
Ano ang ilang tiyakang halimbawa ng
paghahalagang batay sa klase
(classroom-based assessments)
Sa mga klase o silid-aralan, ang mga
halimbawa ng paghahalaga ay kabilang ang
mga panayam sa pagbasa, mga iksamen,
at pag-obserba sa mga estudyante habang
sila ay gumaganap ng mga gawain at
pagtala kung ano at paano nila
ginagampanan ang mga ito. Ang mga
estudyante sa gradong 4 at 7 ay may
bahagi sa “Foundation Skills Assessment”
na panlalawigan sa mga bahaging ukol sa
pagbasa, pagsulat at sa bilang. Mayroon
ding iksameng panlalawigan mula sa mga
grading 10 – 12 sa senyor sekondarya.
Ano ang aking tungkulin sa
paghahalaga Paano ako
makikipagtulungan sa guro upang
makagawa ng plano sa pag-aaral para sa
aking anak
Kapag nagdadala ng araling-bahay ang
inyong anak, pansinin at mag-ukol ng
opinyon sa mga bagay na nagagawa ng
inyong anak at isipin ang kaniyang
pagsulong o pag-unlad sa hinaharap.
Kausapin ang guro ng inyong anak tungkol
sa anumang pag-aalala o problema kung
mayroon man. Kadalasan ay ipinaliliwanag
ng mga guro ang mga impormasyon sa
paghahalaga sa mga miting ng magulang at
guro. Ang patuloy ng paghahalaga sa pagaaral
ay nakapagbibigay ng matibay na
pakikipagtulungan sa pagbuo ng mga
hangarin sa buhay ng inyong anak.
Para sa karagdagang impormasyon,
makipag-ugnayan lamang sa paaralan ng
inyong anak..