Histori 7

Ishte mëse e zakonshme që skllevërit njiheshin me inicialet e zotëruesit
të tyre. Nëse ne bënim ndonjë ”faj” qoftë edhe të vogël, torturoheshim duke na
vendosur qafore hekuri, ose duke na ngulur vida në gishtërinjtë e këmbës. Unë
nuk kisha parë kurrë më parë një zezak të rrihej derisa kockat e tij të thyheshin
vetëm e vetëm sepse kishte harruar ujin në zjarr të zihej më shumë se sa duhej.
Gjithë kjo padrejtësi ndaj nesh dhe gjithë ato vuajtje ishin të patolerueshme
por ne përsëri heshtnim.
Ndërto lidhje
- Cila ishte mënyra e trajtimit të skllevërve nga zotëruesit e tyre?
- Edhe pse trajtoheshin në mënyra nga me çnjerëzoret skllevërit përsëri
heshtnin. Identifiko disa nga shkaqet të cilat mendon se ishin arsyet e kësaj
heshtjeje. Diskutoi më pas me shokun e bankës.
- Përpilo një listë me rrugët qeë mendon se duhet të ndiqnin skllevërit
për t’i shpëtuar skllavërisë.
Burimi 4
Në vitin 1865 Kongresi i Shteteve të Bashkuara të Amerikës miratoi
amendamentin e 13-të, i cili ndalonte skllavërinë dhe sigronte se “ as skllavëria,
as robëria e pavullnetshme përveë rasteve të ndëshkimit për krime të ndryshme,
nuk do të ekzistojë më në SHBA”. Por ajo nuk mbaroi me kaq. Sot me shumë
se 36 milionë njerëz në të gjithë botën, vazhdojnë të jenë të robëruar. Termi
“trafikim i qënieve njerëzore” nuk është gjë tjetër veçse skllavëria moderne.
Ajo është procesi i kontrollit të një personi me qëllim për ta shfrytëzuar
atë nëpermjet përdorimit të forcës, mashtrimit apo detyrimit. Edhe pse kjo
skllavëri është e paligjshme kudo në botë, ajo u sjell shfrytëzuesve rreth 150
miliard $ fitime në vit.
Informacioni i përket një organizate që lufton skllavërinë moderne End
Crowd https://endcrowd.org/why-slavery/
Gjyko
- Cili është mesazhi që ju përcjell fotoja e
mësipërme?
- Diskutoni në klasë rreth formave të
skllavërisë në ditët tona. Cili duhet të jetë reagimi
i qeverive dhe organizatave ndërkombëtare për të Fig.3 Skllavëria moderne
eliminuar këtë plagë shekullore të njerëzimit?
- A mendoni se denoncimi i akteve të skllavërisë është hapi i parë dhe i
fundit që duhet ndjekur për të penguar këtë skllavëri? Argumento përgjigjen
duke dhënë rrugë dhe forma të tjera për të shmangur përgjithmonë skllavërinë
e qenieve njerëzore.
28