Snæfinnur 2017

More documents

Recommendations

Info

8 Gámasvæðið í Þorlákshöfn olfus.is Ágætu íbúar! Núna um áramótin verður tekið upp miðakerfi á Gámasvæðinu. En það virkar þannig að hvert heimili fær 12 miða sem íbúar nota til að losa sig við gjaldskyldan úrgang þeim að kostnaðarlausu. Hver heimsókn kostar 1 miða en hver miði gildir fyrir allt að 1 m3. ATH. Að þetta gildir einungis fyrir heimili en ekki fyrirtæki þar sem ætlast er til að fyrirtækin séu sjálf með gáma og semji við sorphirðuaðila um losun á þeim. Gjaldskyldur úrgangur er: Málmar/járn, timbur, veiðarfæri, kaðlar, heimilisúrgangur, rekstrarúrgangur og byggingarúrgangur. Sjá nánar á https://www.olfus.is/static/files/Skrar/gjaldskra-fyrir-sorphirdu-<strong>2017</strong>.pdf Gjaldfrjáls úrgangur: Pappír/pappi, plast, hjólbarðar, föt o.fl. Miðarnir eru húseigendum til afgreiðslu frá og með áramótum á Bæjarbókasafninu á Hafnarbergi 1 Þorlákshöfn. Þar er opið frá mánudegi til föstudags frá kl. 12:30 til 17:30. Vinsamlegast athugið að miðarnir verða ekki sendir í pósti. Ennfremur verður hætt að taka við bílum en það verður hægt að fara með bíla á Netparta ehf fyrir utan Selfoss. Athugið breyttan opnunartíma á laugardögum en frá og með áramótum verður opið frá kl. 12:00 í staðinn fyrir 13:00. Opnunartími Gámasvæðis: Mánudaga - fimmtudaga frá kl. 15:00-18:00 Föstudaga frá kl. 13:00-18:00 Laugardaga frá kl. 12:00-16:00 Dreifbýli Ölfuss Móttaka sorps fyrir dreifbýli Ölfuss er í Hveragerði að Bláskógum 14. Opnunartími: Alla virka daga frá kl. 16:00 - 18:00 og laugardaga frá kl. 12:00 - 16:00. Íbúar í dreifbýli Ölfuss fá 12 gámamiða afhenta árlega svo hægt sé að losa sig við sorp án endurgjalds. Hægt er að nálgast miðana á bókasafninu í Hveragerði. Þar er opið frá mánudegi til föstudags frá kl. 13:00 til 18:30 og á laugardögum frá kl. 11:00 til 14:00. Sorp frá fyrirtækjum: Gámasvæðið tekur við flokkuðum úrgangi (hámark 2 m2 í einu) frá fyrirtækjum í Ölfusi gegn greiðslu samkvæmt gjaldskrá. Fyrirtæki, lögaðilar og aðrir sem hafa með höndum starfsemi og koma með sorp á sorpmóttökustað sveitarfélagsins í Þorlákshöfn skulu greiða móttöku- og sorpeyðingargjald samkvæmt magni. Ætlast er til að fyrirtækin séu sjálf með gáma og semji við sorphirðuaðila um losun á þeim. Jólakveðja Davíð Halldórsson umhverfisstjóri Ölfuss
9 Jólakveðja bæjarstjóra Aðventan er geng in í garð og það styttist mjög til jóla og áramóta. Þessi dimmasti tími ársins er hins vegar tími ljóss og friðar, tími gleði og söknuðar og tími mikilla tilfinninga. Samfélagsumræðan undanfarið hefur verið tilfinningum hlaðin. Umræðan hefur verið málefna leg, snúist um samskipti fólks og neikvæða hegðun en ekki um nafngreinda einstaklinga. Ég upplifi umræðuna á þann hátt að hún sé ekki áfellisdómur heldur ákall um bætt samskipti og betra samfélag. Það er ekki vanþörf á því að fólk staldri við og fari yfir háttsemi sína í garð annarra og vandi sig virkilega í samskiptum, hvort heldur er í beinum samskiptum eða opinberri gagnrýni. Það að vera þátttakandi í samfélagi krefst þess að taka tillit til annarra og ekki síður að taka tillit til náttúrunnar. Unga fólkið okkar er vel inni í mikilvægi þess að ganga vel um náttúruna og nýta auðlindir hóflega. Bæði Leikskólinn Bergheimar og Grunnskólinn í Þorlákshöfn eru skólar á grænni grein, þ.e. hafa fengið afhentan grænfána en grænfánaverkefnið er alþjóðlegt verkefni sem miðar að sjálfbærni og umhverfisvernd. Ég fékk á dögunum spurningar frá nemendum í grunnskólanum sem voru að vinna að samfélagsfræðiverk efni um sjálfbæra þróun. Spurt var hvað Sveitarfélagið Ölfus gerði til að stuðla að sjálfbærri þróun, hvað það gæti gert betur í þeim efnum og hvort uppi væru plön um að stuðla betur að sjálfbærri þróun. Sjálfbær þróun er nýting auðlinda í dag sem ekki kemur niður á möguleikum kynslóða framtíðarinnar til að mæta sínum þörfum. Því miður hafa lifnaðarhættir mannsins í för með sér allt of mikil neikvæð áhrif á náttúruna. Notkun á jarð eldsneyti er líklega skýrasta dæmið um þett a. Segja má að jarðeldsneyti sé óendur nýjanleg auðlind, a.m.k. er verið að tala um endurnýjun á milljón um ára. Bruni þess hefur í för með sér mikla loftmengun sem svo getur haft keðjuverkandi áhrif á náttúruna. Olía er einnig notuð til búa til plast og plastnotkun á heimsvísu er mikil. Þetta hefur í för með sér óhóflega notkun auðlindar og verulega neikvæð umhverfisáhrif þar sem plast brotnar mjög seint niður og er ein mesta ógn við lífríki jarðar í dag. Sveitarfélagið Ölfus gerir ýmislegt til að stuðla að sjálfbærri þróun þó svo eflaust mætti stíga stærri skref í þá átt. Sveitarfélagið hefur tekið upp flokkun á úrgangi frá heimilum en heimilum ber að flokka pappa/ pappír, plast og lífrænan úrgang frá almennum úrgangi sem til fell ur. Þetta er m.a. gert til þess að koma í veg fyrir urðun á endurvinnanlegum og/eða endurnýtanlegum úrgangi sem á móti hefur jákvæð áhrif t.a.m. á loftlagsþróun. Áður en til þessa kerfis kom var búið að innleiða flokkun í anda Grænfána stefnunnar hjá öllum stofnunum sveitarfélagsins. Starfsfólk sveitarfélagsins á því að vera vel meðvitað um mikilvægi flokkunar á sjálfbæra þróun landsins okkar og jarðarinnar. Það er fleira sem vert er að nefna, t.d. fjárfesti sveitarfélagið í rafbíl á árinu, setti upp rafhleðslustöð og vinnur að uppsetningu hraðhleðslustöðvar í Þorlákshöfn í samvinnu við ON. Með þessu móti stuðlar sveitarfélagið að notkun umhverfisvænni orku. Öll fiskiskip geta tengst rafmagni í Þorlákshöfn og stuðlar það að sjálfbærri þróun. Upptalningin er ekki tæmandi en sveitarfélagið og íbúar þess geta vissulega gert betur í þessum efnum. Það er mjög þægilegt fyrir marga að gera hlutina eins og þeir alltaf hafa gert þá þó svo að sannar lega sé hægt að gera þá á umhverfis vænni hátt. T.d. það að flokka heimilis úrgang reynist mörgum mjög erfitt, það er meiri fyrirhöfn og erfiðara en að henda öllu í sama dallinn. Í þessu tilviki tekur fólk eigin þægindi fram yfir heildarhagsmuni. Flest að því sem sveitarfélagið gerir snýr að öllum íbúunum að meira eða minna leyti. Margt er það sem hægt væri að gera til að stuðla að sjálfbærri þróun, t.d. að fækka sorphirðudögum, það myndi spara mikinn akstur og þar með brennslu á eldsneyti. Þetta myndi hins vegar þýða það að einhverjir íbúar gætu þurft fleiri eða stærri ílát við heimili sín. RARIK á götulýsinguna í Þorlákshöfn en það hefur verið rætt að sveitarfélagið taki hana yfir og reki hana með umhverfisvænni hætti. Í dag eru orkufrekar perur sem innihalda spilliefni notaðar í lýsinguna en með því að nota umhverfisvænni perur sem nota 90-95% minna rafmagn myndum við stuðla að sjálfbærri þróun. Þetta á raunar við um alla lýsingu í fasteignum sveitarfélagsins. Við gætum líka stuðlað að minni plastnotkun og í raun minni umbúðanotkun en gert er í dag. Hægt væri að hverja fólk til að fara alltaf með fjölnota innkaupapoka þegar farið er í búðina og við gætum verið með stöðuga hvatningu til fyrirtækja um að draga úr umbúðanotkun. Með þessu móti yrði til minni úrgangur sem á móti dregur úr sóun auðlinda og loftmengun. Enn og aftur verður þetta ekki tæmandi því á mörgum sviðum getum við breytt hegðun okkar í átt að sjálfbærri þróun. Það hafa ýmsar hugmyndir aðrar verið ræddar sem stuðlað geta að sjálfbærri þróun. Rætt hefur verið um að gera Ölfus að plastpokalausu samfélagi sem væri mjög áhugavert verkefni. Þessa dagana er verið að kanna möguleika á því að tengja stærri skip við rafmagn í höfninni en sérstaklega er verið að skoða málin varðandi Mykines. Mikla orku þarf til að keyra búnaðinn um borð og því yrði mikill ávinningur af því tengja skipið rafmagni í stað þess að brennd sé olía um borð á meðan það liggur við festar í Þorlákshöfn. Kæru íbúar Ölfuss, gleðjumst um jólin, sýnum hverju öðru virðingu og veltum fyrir okkur hvaða áhrif gjörðir okkar í dag hafa á komandi kynslóðir. Ég óska ykkur gleðilegra jóla og farsældar á komandi ári. Gunnsteinn R. Ómarsson, bæjarstjóri
Page 1 and 2: 14. árg. . desember 2017 Jólatón
Page 3 and 4: Jólaísinn frá Kjörís er hreint
Page 5 and 6: 5 olfus.is Sveitarfélagið Ölfus,
Page 7: 7 Í SKÓLANN OG Á SKRIFSTOFUNA HE
Page 11 and 12: 11 Bergheimalíf Það var mikið u
Page 13 and 14: 13 Baldvin Snær 2 ára Viktoría
Page 15 and 16: 15 Sendum starfsmönnum okkar og ö

Snæfinnur 2017

Create successful ePaper yourself

Delete template?

Save as template?