Create successful ePaper yourself
Turn your PDF publications into a flip-book with our unique Google optimized e-Paper software.
OB 3/2020
INHOUD VAN HIERDIE BRIEF:
Program van die week
Algemene sake
Waarde vir die week
Gedagte vir die week
Assessering
Algemene Advertensies
Geagte Ouers
PROGRAM VIR DIE WEEK:
DAG VAN DIE DATUM AKADEMIESE
WEEK
DAG (Gr 4-7)
Vrydag 31 Januarie Dag 5
AKTIWITEITE:
Saterdag
1 Februarie
Maandag 3 Februarie Dag 6 Oueraand: Gr 5. Almal kom in die saal bymekaar
om 17:30
Junior Redenaars 17:00
Landsdiens: Dagprojek
Dinsdag 4 Februarie Geen
akademie
Atletiek: Bokamoso sirkelbyeenkoms tuis
Gr 4 – 7 mag tuisbly. Indien ouers hul kinders
gaan skool toe stuur, sal hulle die atletiek
ondersteun. SENIOR REDENAARS 17:00
Woensdag 5 Februarie Dag 1 Atletiek: Aflosbyeenkoms aangebied deur L/S
Dawid Brink
Wêreld Hardopleesdag
Donderdag 6 Februarie Dag 2
Vrydag 7 Februarie Dag 3
Saterdag 8 Februarie Boogskiet NASP EK/NG 3D Leg 1
Maandag 10 Februarie Dag 4 GSF: Assesseringsweek begin. Geen afwesighede
asb!
ALGEMENE SAKE:
SWEM:
Ons swemmers is weer hard aan die oefen.
Baie welkom aan al ons nuwe swemmers en ook aan al die ou swemmers.
Enige kind wat reeds waterveilig is en wil deelneem aan die swemgalas of sommer net saam
wil oefen is welkom om Maandae tot Donderdae tussen 14:00 en 15:00 by die swembad aan
te meld.
Ons is besig om voor te berei vir die Interskole gala wat op 19 Februarie gaan plaasvind en
ook die Noordwes skolekampioenskappe wat op 6 en 7 Maart gaan plaasvind.
TENNIS:
LANDSFINAAL - O-13 SEUNS BNP PARIBAS TENNISTOERNOOI
Juandré Verwey, Fano Theron, Julian Booysen en Kgolagano Kgatshe gaan Larries hierdie
komende naweek, 31 Januarie tot 2 Februarie, verteenwoordig by hierdie tennistoernooi.
Hulle het hul plekke verseker deur twee rondes van strawwe wedstryde te oorleef. Die eerste
ronde het hul algeheel gewen en in die tweede ronde, tweede gekom. Hulle kwalifiseer vir die
landsfinaal wat hierdie naweek in Soweto plaasvind, by die Arthur Ashe Tennissentrum.
Hierdie Larries-seunspan is een van 11 spanne oor die land wat gaan deelneem en in die Gold
Reef City Theme Park Hotel tuisgaan gedurende die toernooi.
Die kersie op die koek is die vertoonwedstryd tussen SA se eie Kevin Anderson en Lloyd
Harris, wat Sondag plaasvind. Kevin Anderson is ook die beskermheer van hierdie
toernooi. Sterkte seuns. Larries is supertrots op julle!
TOEGANG OP SKOOLTERREIN:
GEEN Ouer/s of volwassenes sal op die terrein toegelaat word voor of na die skool uitkom of
uitgekom het nie, TENSY per afspraak. Indien u ‘n afspraak met ‘n personeellid het, word
toegang verkry deur die voorportaal. Personeel is op terreindiens om leerders te help.
Moet asseblief nie ongeskik wees met personeel nie. Hierdie reeling is ter wille van
ordelikheid en veiligheid. Dankie vir u samewerking in die verband.
PARKERING:
Soos ons ooreengekom het in ons vennootskap volg ons by Larries ‘n oopdeurbeleid en
sorteer ongemaklikhede persoonlik uit. Dit het tot ons aandag gekom dat dit in die sosiale
media gegons het oor ouers wat ongelukkig was, of is, oor parkering en diefstalle by die
skool. U weet wat ons skoolbeleid hiervan sê. Ek antwoord u graag. Laerskool Rustenburg is
in die bevoorregte posisie om ‘n parkeerarea te kan hê. Wat nie by ander skole die geval is
nie! Vele kere is na oplossings gesoek. Bane is afgebaken, strukture is daar gestel vir die
leerders se veiligheid. Skolierpatrollies is operasioneel en volwasse toesig is aktueel. Geen
van bogenoemde was tot dusver suksesvol nie. Een gemeenskaplike faktor is sekere
ongeduldige ouers wat net sy of haar eie saak dien. (Gelukkig is hier geduldige ouers
wat saamwerk! Dankie vir julle!)
Solank ons ouers nie geduld en verdraagsaamheid openbaar nie, sal daar altyd probleme
wees, ongeag watter reëling getref word.
Dit is onbillik van ouers in motors wat verwag dat ‘n paar klein Laerskool kinders en ‘n
onderwyser /toesighouer die saak sal regruk. Die skool tref reëlings en ouers hou
eenvoudig nie by die reëls nie. Hier wil ek noem: ouers wat kinders aan die oorkant van
die skool op en aflaai, wat nie die aflaaizone reël respekteer nie, en mekaar nie ‘n plek gun
nie.
Die parkeerareas oorkant die skool is vir die leerders ‘n risiko aangesien onverskillige
motoriste ons leerders gaan beseer. Weereens laat sekere ouers die sisteem misluk. Solank
as wat selfsug in die middae en oggend teenwoordig is, sal hier nooit ‘n vloei van verkeer
wees nie.
Skooltye is reeds so gereël dat verskillende grade verskillende tye uitkom. Baie van die
ouers het leerders in elke graad en sal noodgedwonge moet wag.
Gr R 13:00
Gr 1-3 13:15
Gr 4-7 13:30
SKOOLDRAG EN HARE:
Ouers moet asseblief kennis neem dat die MB-drag slegs gedra word op die dae wat die
voogklas MB het. Skooldrag bly verpligtend vir al die ander dae.
SKOOLDRAG SEUNS SOMER:
Grys broek en hemp met skoolkouse en skoene (bruin).
Groen skooltrui en/of sweetpakbaadjie. Geen sweetpakke. Skoene is nie verpligtend nie.
SKOOLDRAG DOGTERS SOMER:
Skoolrokkie, groen onderklere, groen kort sokkies, bruin skoene, skooltrui en/of
sweetpakbaadjie.
HARE:
Geen leerder mag sy/haar hare kleur nie.
SEUNS HARE:
Geen sonstrepe.
Kort en netjies. Geen “steps”. Geen “gel. Geen uitheemse haarstyle.
Ander kulture: Geen “dreadlocks” vir seuns.
MEISIES HARE:
Kort en netjies vasgemaak.
Geen uitheemse haarstyle of lang bos “Bob” nie.
Geen “gel” of kleursel nie.
Slegs haarknippies of versierings wat by skooldrag pas. (Wit, skoolgroen of oranje).
Indien dogters verlengstukke invleg moet die krale wit, groen of oranje wees.
Lang verlengings moet vasgemaak word.
Geen leerder mag haar/sy hare kleur nie. Indien wel, moet die leerder tuis bly totdat hare
terug gekleur is.
Skoolreënbaadjie “Drimac” (opsioneel).
Slegs 1 seëlring en/of 1 paar oorringe word toegelaat. Geen ander juwele of bandjies nie.
Slegs ‘n horlosie.
Seuns geen juwele, dra slegs ‘n horlosie.
KOPLUISE:
Ons vra u as ouer se samewerking in die verband. Gaan u kind se kop deeglik deur en indien
daar kopluise is kan u die volgende resep gebruik (onthou dit is weer kopluis seisoen):
1 Eetlepel Spiritus
1 Eetlepel Olyfolie of Klapperolie
½ Liter warm water
1. Skud saam tot goed gemeng.
2. Smeer in hare in en laat droog word in die son.
3. Was deeglik met gewone sjampoe uit.
Behandel asseblief ook u beddegoed.
Let asseblief daarop dat indien die besmetting vererger of te lank aanhou, ons u mag versoek
om u kind tuis te hou.
Baie dankie vir die gesamentlike poging.
ALGEMENE REËLS:
Graad 1 klasse is oop voor skool. Leerders pak uit en sit rustig en wag vir
die onderwyseres. Geen ouers asseblief.
Ouers van Graad 1 – 3 leerders mag nie in die middae by klasse vir
leerders wag nie.
Groet die personeel en maats. (Ook as ons mekaar op ‘n ander plek
raakloop).
Voor skool in die oggend, plaas leerders hul tas by die klas waar hulle
aantree vir die eerste periode.
Niemand mag op die stoepe rondstaan nie.
SKENKING VAN BRILRAME:
Larries het hande gevat met die Lions Club in Rustenburg. Hulle was verantwoordelik vir ‘n
oogskandering vir ons Gr. R-3 leerders. Dit het reeds verlede week plaasgevind. Ouers sal op
hoogte gebring word indien daar ‘n aanbeveling is dat u kind vir verdere oogtoetse moet
gaan.
Ons versoek vriendelik dat u asseblief alle ou brilrame by die huis bymekaar sal maak en
skooltoe stuur na klaskamer 16, die Kenwensentrum van mev. Sonette Swart. Die rame word
reggemaak en met nuwe lense vervang. Larries en die “Lions Club” waardeer die skenking.
SKRYFBEHOEFTES:
Leerders wat skryfbehoeftes benodig kan dit voor eerste pouse aankoop in die
Kenwensentrum (K16).
Skryfbehoeftes
1. Wit-en-groen skryfbordjies
2. Blou balpunt penne
3. Goldfaber 2H potlode
4. Sagte uitveërs
5. Metaal Faber Castell
Skerpmakers
6. Deans Shatterproof liniale
7. Penflex Witbord Merkers
8. Potloodgrepe
Prys
R30
R5
R10
R8
R8
R5
R10
R10
BELEID VIR TOEDIENING VAN MEDIKASIE
‘THE CHILDREN'S ACT 38 OF 2005’
Bogenoemde Wet word onderskryf in die Grondwet. Dit bevestig dat die kind se beste belang
in elke aangeleentheid in ag geneem moet word. Verder bepaal die wet dat die versorger
(met inbegrip van 'n versorger wat andersins geen ouerlike regte en verantwoordelikhede ten
opsigte van die kind het nie) die kind se gesondheid, welsyn en ontwikkeling moet beskerm
terwyl die kind in daardie persoon se sorg is. Derhalwe kan die versorger ouerlike regte en
verantwoordelikhede wat redelikerwys nodig is uitoefen, met inbegrip van die reg om toe te
stem tot enige mediese ondersoek of behandeling van die kind, indien sodanige toestemming
nie redelikerwys verkry kon word van die ouer of voog van die kind nie. Artikel 129 bepaal wie
toestemming mag verleen tot mediese behandeling en chirurgiese operasies van ‘n kind.
REGULASIES VIR VEILIGHEIDSMAATREËLS BY OPENBARE SKOLE
1. Indien ‘n leerder medisyne gebruik en dit in die loop van ‘n skoolaktiwiteit gaan benodig,
moet die ouer toesien dat die leerder genoeg van die medisyne vir die volle duur van die
skoolaktiwiteite het.
2. Indien ‘n leerder ‘n doktersvoorskrif vir medisyne moet hê, moet die
ouer, die leerder sowel as die toesighoudende opvoeder, van gewaarmerkte afskrifte van
sodanige voorskrif voorsien.
3. ‘n Ouer word versoek om die skool, skriftelik, van ‘n leeder se mediese toestand in
kennis te stel.
4. ‘n Ouer moet van enige reise na of deur ‘n hoë-risikosiekte-gebied in die loop van die
skoolaktiwiteit in kennis gestel word.
5. Indien ‘n leerder in die loop van ‘n skoolaktiwiteit beseer of siek word en mediese
behandeling vereis, moet die toesighoudende opvoeder met die ouer van die betrokke
leerder skakel ten einde toestemming vir sodanige mediese behandeling te bekom.
6. Die toesighoudende opvoeder moet bepaal of hy of sy sodanige mediese behandeling moet
toelaat indien hy of sy nie die ouer van die leerder kon opspoor nie. Daar kan derhalwe
is
ingestem word tot mediese behandeling namens die ouer, indien redelike stappe geneem
en die ouer nie opgespoor kon word nie. Dit beteken egter nie dat die opvoeder self moet
diagnoseer en behandel nie.
7. Daar moet derhalwe eers redelike stappe geneem word om die ouer of voog se
toestemming te bekom. Indien dit nie moontlik is nie, kan die opvoeder dan hierdie rol
vertolk. Let verder daarop dat die wet voorsiening maak dat die versorger (opvoeder)
mag toestem tot versorging namens die ouer en nie dat die versorger self moet
diagnoseer en medisyne toedien nie.
NOODGEVALLE
Indien leerders beseer word, moet hulle onmiddellik mediese aandag ontvang, ongeag wie
aanspreeklik is vir die koste verbonde. Versuim aan die kant van 'n opvoeder om onmiddellik
te reageer indien 'n leerder mediese hulp nodig het, kan daartoe lei dat die opvoeder
aanspreeklik gehou word indien die skade vererger as 'n gevolg van die vertraging.
In die geval van 'n minderjarige (leerder onder die ouderdom van 18 jaar), is toestemming
van sy of haar ouer of voog nodig vir mediese behandeling. Laerskool Rustenburg het
voorsiening gemaak op die skooltoelatingsvorm vir ouers met die naam en telefoonnommer
van hulle huisdokter, sowel as hulle mediesefonds nommer. Die ouers se toestemming vir
mediese noodbehandeling word op dieselfde vorm gegee.
In die geval van finansieel behoeftige ouers, moet die leerder geneem word na die naaste
Provinsiale hospitaal se ongevalle-afdeling of distriksgeneesheer. Die Wet maak nie
voorsiening vir skole om outomaties te betaal vir die mediese kostes van leerders nie.
TOEDIENING VAN ‘OOR DIE TOONBANK MEDIKASIE’
1. ‘ n Ouer moet die onderwyser/es voorsien van die medikasie met duidelike geskrewe
instuksies oor hoe laat en hoeveel medikasie toegdien moet word. Dit moet in ‘n
gemerkte houer voorsien word saam met ‘n medisynemaat vir vloeibare pynstillers,
hoesgoed ens.
2. Skryf asseblief u naam en kontakgegewens neer en teken daarby.
3. Die onderwyser/es moet die datum en tyd van toediening van medikasie in die
Byderhandboek aanteken.
TOEDIENING VAN HOË SKEDULE VOORGESKREWE MEDIKASIE
Neem kennis: Geen voorgeskrewe medikasie sal toegedien word sonder ‘n geldige
doktersvoorskrif nie.
1. Geskeduleerde en chroniese medikasie moet per hand afgegee word aan die
onderwyser/es.
2. ‘n Gewaarmerkte afskrif van die doktersvoorskrif moet deur die ouer voorsien word.
Die Hoof kan die afskrif waarmerk mits die afskrif en die oorspronklike voorskrif
voorsien word. Die oorspronklike voorskrif sal aan die ouer terug besorg word.
3. Die instruksies vir toediening moet duidelik op skrif deurgegee word. Ouers se
kontakgegewens moet agter op die gewaarmerkte afskrif verskyn. Teken asseblief daarby.
4. Voorsien asseblief die medikasie en gewaarmerkte afskrif in ‘n gemerkte houer.
5. Die onderwyser/es sal die medikasie veilig bêre. Toediening van medikasie sal
aangeteken word in die Byderhandboek.
WAARDE VAN DIE WEEK:
Volharding
Ons is vasberade, geduldig, werk hard, en hou aan om te doen wat reg is.
Soms moet jy 'n oomblik stilstaan en onthou wat die rede is waarom jy in die eerste plek met
iets begin het.
.
GEDAGTE VIR DIE WEEK:
Larriegroete
J. F. JANSEN VAN VUUREN
HOOF