8 van 2020 (Omsendbrief)

INHOUD VAN HIERDIE BRIEF:
OB 8/2020
Program van die week
Algemene sake
Waarde vir die week
Gedagte vir die week
Assessering word voortaan onder Bronne op D6 gelaai en is nie in Larrie Lyster ingesluit nie
Algemene Advertensies
Geen Huiswerk beleid
PROGRAM VIR DIE WEEK: 5 Maart 2020
DAG VAN DIE DATUM AKADEMIESE AKTIWITEITE:
WEEK
DAG (Gr 4-7)
Vrydag 6 Maart Dag 4 Super 12 Redenaars
Atletiek: Noordwes-kampioenskappe te
Potchefstroom
Noordwes swem
Saterdag 7 Maart Super 12 Redenaars
Rugby en Netbal: Van Riebeeckpark (weg)
Noordwes swem
Boogskiet Buffelspoort
Maandag 9 Maart Dag 5
Dinsdag 10 Maart Dag 6
Woensdag 11 Maart Dag 1
Donderdag 12 Maart Dag 2 Rugby en Netbal: Wonderboom (weg)
Vrydag 13 Maart Dag 3
Saterdag 14 Maart Landsdiens Fun Run
Rugby en Netbal: La Hoff (tuis)
Boogskiet RHS
Voedingspraatjie deur Madalein Helm om 14:00
in die ouditorium
Maandag 16 Maart Dag 4

ALGEMENE SAKE:
NETBAL - GARSFONTEIN:
Larries se netbalspanne skop die seisoen af op ’n hoë noot
Larries se netbaldogters het die seisoen afgeskop met vriendskaplike wedstryde teen
Laerskool Garsfontein en Laerskool Orion. Die reën het ons op Saterdag 29 Februarie genoop
om ons wedstryde na die aksiebane te verskuif. Die dogters het op beide dae pragtige netbal
gespeel en die volgende uitslae behaal:
Ouderdom o.10 o.11 o.12 o.13
A B C A B C A B C A B C
Garsfontein
14- 12- 15- 14-
14-6 8-2 6-11 9-6 13-8 6-6
11-3
14-2
12 10
10 17
Orion
11- 17-
12- 11- 19- 28-
6-19
19-7
17
17
16 30
18 17
Die o. 9-spanne het ook hulle eerste wedstryde van die seisoen gespeel teen Orion. Ons hou
nie telling by mini-netbal nie, maar die dogters het uitstekend netbal gespeel.
Baie dankie aan elke afrigter, beampte, ouer en speler.
Ons sien uit na die res van die seisoen.
RUGBY - GARSFONTEIN
Hier volg die rugbyspanne se uitslae:
1ste 7 - 14
2de 7 - 12
3de 36 - 0
4de 12 - 12
o. 9A 14 - 5
o. 9B 12 - 7
o. 10A 0 - 12
o. 10B 5 - 22
o. 11A 12 - 5
o. 11B 12 - 26

TENNIS:
Twee Larries het die afgelope naweek aan Tennis Suid-Afrika se toernooi in Mpumalanga
deelgeneem.
o. 12 Nianè Pretorius 7de Platinum afdeling
o. 12 Doneli Steynberg 2de Goue afdeling
Hulle het ook aan die dubbels deelgeneem en eindig 3de.
Hierdie twee meisies het in bitter koue weer tennis gespeel. Niané het onder andere teen die
meisie gespeel wat agtste in SA is. Dit was Doneli se eerste TSA toernooi.
Larries is baie trots op julle!
SKAAK:
Die skaakleerders het pragtig presteer in hul onderskeie afdelings die afgelope naweek by
Laerskool Protea Park.
Armand Beyneveld
Miquele Jonas
Derrick Loek Prinsloo
Douglas Morkel
Shanel Baker
2de plek
3de plek
7de plek
9de plek
11de plek
Baie geluk aan elkeen.

IDIOOMDAG:
Op Vrydag 28 Februarie het Larries ‘n besondere idioomdag aangebied. Leerders moes met
hul kleredrag ‘n idioom uitbeeld. Wat ‘n heerlike ervaring. Die leerders het sommer ‘n hele
klompie idiome bygeleer, en almal kon lekker lag oor die uiters oorspronklike en kreatiewe
wyses waarop dit uitgebeeld is.
Sommige leerders het dit reggekry om meer as een idioom uit te beeld. Daar was leerders
wat voor en agter ook verskillende idiome uitgebeeld het. Die fondsinsameling was ‘n sukses.
Die genotvolle wyse waarop idiome aangeleer is was uiters oorspronklik. Baie dankie aan elke
ouer en leerder vir hul mooi bydraes.

LEERDERRAAD UITREIK:
Sondag, 1 Maart, het Larries se Raakvatter-leiers ‘n uitreik gehad na Buffelspoort waar hulle
deel was van ‘n program om Rustenburg se senior burgers te bederf. Wat ‘n besonderse
ervaring! Dit het vir beide jongmens en gryse wyses soveel beteken. Die Raakvatter-leiers
het Noot vir Noot gespeel saam met die senior burgers. Dit het so jolig geraak dat almal later
op hul voete was!
Larries het ons senior burgers laat beweeg, en uitbundig saam met hulle gedans, of dit met ‘n
loopraam was of met ondersteuning. Ons Larrie-leiers het hulle bederf met eetgoed, beskuit
en geskenkies. Baie dankie aan elke ouer wat hul kind daar besorg het, ‘n bydrae gelewer het
en ‘n besondere opregte dankie aan elke Raakvatter wat omgee leef.

ADD/ADHD Konsentrasie:
14de Maart 2020 om 13h30 vir 14h00
deur Madaleine Helm
Voedingskundige Adviseur
Sukkel jou kind met konsentrasie? Daar is heelwat wat gedoen kan word om jou kind se
konsentrasie te help verbeter. Kom luister na die rol van die 2de brein, die Vagus senuwee en
hoe om die Melien-skede te help verdik.
Datum : Saterdag, 14de Maart 2020
13h30 vir 14h00
Plek : Laerskool Rustenburg, Fatima Bhayat straat 170
Ingang : Gratis! Notas beskikbaar.
Besprekings : Sonae Martin
082 602 8546
sonae.rustenburg@braingainworld.com
Alle bespreking moet teen Vrydag die 13de Maart gemaak
wees.

LEERDERRAADOPLEIDING:
Vrydag middag het Larries se leerderraad ‘n mini-simposium bygewoon. Larries het Laerskool
Goudkop van Klerksdorp se leerderraad genooi en saam het die twee skole sommer baie van
hulself geleer. Elke leerderraadslid het voor die leieropleiding ‘n taak gehad om die Neethling
Breinprofiel-vrae te beantwoord. Die fasiliteerder, mev. Alna van der Walt het elkeen se
profiel geanaliseer en hul verslae op skrif deurgegee. Haar praatjie oor verskillende
persoonlikheidsprofiele het die leiers se ore gepunt gehad. Hulle het ‘n hele nuwe wêreld
ontdek waarin hulle voortaan meer begrip sal toon vir mekaar se uniekheid.
Die tweede helfte van die middag is afgestaan aan ‘n motiveringspreker, Taye Perry (28) se
verhaal van deursettingsvermoë en toewyding. Taye het die Dakar op ‘n motorfiets gedoen,
en ten spyte van ‘n groot terugslag tydens die wedren, het sy uiteindelik 4de geeïndig. Sy het
haar toekomsvisie met leiers gedeel en was ‘n inspirasie en voorbeeld van iemand wat uit die
boks dink.

GEEN HUISWERK BELEID
Na aanleiding van ons skrywe op sosiale media waarin ons uiteensit wat na skoolure van die
kinders verwag word tov lees, voorbereiding vir toetse, assessering, asook die kommentaar
daarop, wil ons graag die volgende uitlig:
Laerskool Rustenburg het huiswerk afgeskaf as gevolg van die volgende redes:
Leerders kan nie bedags sewe ure konsentreer en dan weer in die middae oorlaai word
met formele huiswerk nie. Ons veg ook hiermee vir meer kwaliteit gesinstyd-vandaar
die saam lees as gesin.
Kinders kry nie meer tyd om te speel nie. Dit is onbillik om na ‘n dag van intense
konsentrasie by die skool, tuis te kom en nog tyd aan huiswerk te moet afstaan.
Huiswerk veroorsaak ouer/kind konflik en tydens klastyd gaan waardevolle lestyd
verlore agv konfrontasie tussen kind en onderwyser oor huiswerk wat nie gedoen is
nie. Alle kinders se huiswerkomstandighede verskil.
Ongelukkig kan geen skoling plaasvind sonder een of ander mate van toetsing en formele
assessering nie. Daarvoor moet leerders ongelukkig tuis voorberei. Onderwysers lê die
lesinhoud vas in die klas, maar u as ouer se rol is om seker te maak die kind kan dit weergee
tydens ‘n toets/eksamen.
Huiswerk impliseer nie dat ‘n leerder gaan slaag nie. Net so getuig ‘n gebrek aan huiswerk nie
dat ‘n leerder gaan druip nie. Oormatige steun op huiswerk skep soms die indruk by kinders
dat hulle nie in die klas hoef op te let nie. Wanneer kinders besef dat hulle geen huiswerk
gaan hê as hulle in die klas werk, begin hulle goeie gewoontes aanleer.
Sodra die waarde van bogenoemde posvat sal leerders besef dit is ‘n voorreg om in die
middae meer tyd vir lees en voorbereiding te kan hê. Ander skole se huiswerk bestaan uit baie
skryfwerk en take, en dan moet die leerders nog voorberei vir formele assessering ook.
Hulpverleningsprogramme is wel daargestel om leerders wat stadig werk in klasse die
geleentheid te gee om op te vang na skool. Hier speel u as ouer ‘n besondere rol. U moet u
kind motiveer en toerus om pligsgetrou die program te volg wat aan u gekommunikeer is deur
die vakonderwyser.
Lees en leer gaan hand aan hand. ‘n Kind wat met begrip lees sal makliker leer, daarom
versoek ons dat u kind wel smiddae ook lees. Kinders kan ook saans die kinderbybel lees as
deel van hul daaglikse leesopdrag.
Van die skool se kant af onderneem ons om toetse/toesprake/voorbereiding vir take so te
koordineer dat dit die minimum las op u as ouer sal plaas. Vaslegging van die dag se lesse is
egter aan te beveel, maar nie verpligtend nie. Dit moet plaasvind om te verseker dat leerders
begrip toon. Versuim om huiswerk te doen is as oortreding van ons gedragskode
verwyder. Kinders word nie gekonfronteer met die vraag: Is jou huiswerk gedoen
nie?
Ekonomiese onderrig is aan die orde van die dag. Dat ons hierdie GEEN HUISWERK BELEID
volg het niks met ‘n advertensiefoefie te doen nie. Ons uitnemendheid onderskei ons.

WAARDE VAN DIE WEEK:
Het jy geweet?
Die drie potte met plante in die waardetuin simboliseer die verhouding en vennootskap tussen
ouers, kind en onderwyser.
GEDAGTE VIR DIE WEEK
Vestig ‘n ewige toekoms
Here, ek bid dat (naam van kind) ‘n oorvloedige lewe sal hê en toenemend meer kennis oor U
sal bekom. Mag hy/sy altyd U wil ken, geestelike begrip hê en so lewe dat dit vir U
aanneemlik sal wees. U het in u Woord gesê dat U u Gees op my kinders sal uitgiet. (Jes
44:3).
Ek bid dat U u Gees vandag op (naam van kind) sal uitgiet. Help hom/haar om te begryp hoe
volkome u vergifnis is sodat hy/sy nie met ‘n gevoel van skuld en veroordeling sal worstel nie.
Dankie, Here, dat U self nog meer omgee vir sy/haar ewige toekoms as ek en dat dit in U
gevestig is.
Ek vra in Jesus se Naam dat hy/sy nooit sal twyfel of sal afwyk van die pad wat U vir
hom/haar bepaal het nie.
Amen
Die uwe
________________________
J. F. JANSEN VAN VUUREN
HOOF