ikki_eshik_orasi_[uzsmart.uz]

Indamay turaverdim. Ko‘rib qo‘ysin! Odamlar bekor
o‘tiribdi. Kerakli panel yo‘q. Prorabga tushuntirdim,
uchastka boshlig‘iga iltimos qildim, o‘zining qabuliga
kirdim. Elkamga qoqib chiqarib yubordi.
- Kim u? - Shavkat Qudratovich ko‘zoynagini
yaltiratib chaqchaydi. - Familiyasi nima?
Aytdim nima-yu, aytmadim nima? Material bo‘lmaganidan
key in...
Indamay turishimdan hammasini tushundi.
- Dezorganizatorlikka o‘zlari bosh-qosh bo‘ptilar
shekilli, o‘rtoq Shomurodov? - dedi labi burilib. -
Brigadirlik yuki og‘irlik qilib qoldimi?
Yana indamadim. Oxiri uning toqati toq bo‘ldi.
- Til-zabon bormi o‘zi! - dedi tutoqib. - Kvartal
tugayapti. Birinchi iyuldan pardozchilar ishga tushishi
kerak. To‘rtinchi qavatni kim montaj qiladi? Tomni kim
yopadi?
- Pardozchilar hali-veri ishga tushmaydi, - dedim
xotirjamlik bilan.
Shavkat Qudratovichning rangi gezarib ketdi.
- 0 ‘h-ho‘! Ja osmondasiz-ku, yigit!.. Gap bunday:
uch kunda to‘rtinchi qavatni montaj qilib, tomni yopasiz.
Nima dey? Nima qilay? Zina maydonchasining paneli
loyihadagidan roppa-rosa bir qarich kalta bo‘lsa, qandoq
montaj qilamiz? Mayli, armaturalami uchma-uch qilib
ulasayam bo‘ladi. Lekin «A - 1» ingichka armatura.
- Esingizdami, Shavkat aka, zilzilada bittayam panel
uy yiqilmagan, ammo zinasi bosib qolgan uylar boMgan.
Normativdagi panelni berishmasa...
U «voy tentag-ey», degandek qo‘l siltadi:
- Zilzila o‘n ikki yil avval boMgan, yigit. Endi
qaytmaydi. «Vannochka» bilan svarka qilsangiz, qilt
etmaydi.
Tushundim. «Vannochka» degani shuki, po‘lat quvur
uzunasiga kesiladi, plitaning armaturasi bilan devor
armaturasi o‘rtasiga qo‘yib, «quyuq» payvand qilib
yuboriladi. Keyin ikki chetda qolgan «yoriq»qa beton
quyiladi. Tamom - vassalom! Ammo yaqinda «Qoraqamish»
dahasidagi bitta uyning zinalari o‘zidan-o‘zi
bosib tushdi. Yer qimirlamadi, hech kim eshigidan
7