Create successful ePaper yourself
Turn your PDF publications into a flip-book with our unique Google optimized e-Paper software.
yo‘ldan olib tashlashmasa, poyezd ag‘darilib ketarkan.
0 ‘shanda Oqsoqol buva amallab tirik qopti-yu, Husan
buvam o‘libdi. Aytmoqchi, o‘shanda alvastini jarga
tashlashda Robi opam bilan tabib buvaning Olimjon
degan o‘giiyam yordam berishgan ekan. Robi opamdan
shuni so‘rasam, negadir aytmaydi. «Qo‘ysangchi, o‘sha
gaplami», deb qo‘ya qoladi.
Dadam harsillab nafas olib, narigi tomonga - pastga
tushdi. Alvasti ko‘prik hamon shovullab turar, lekin eng
qo‘rqinchli joy orqada qolgan, bu tomonda suv yoyilib
tinchgina oqar edi. Terak bo‘yi qamishlar o‘sib yotgan
chakalakzorga kirgandan keyin dadam yelkasi osha
menga o‘girilib qaradi.
- Tushsinlar endi, giroy, izzatingiz bitdi.
Yerga tushishim bilan kalishim suvga to‘lib chiqdi.
Qamishzor orasidagi so‘qmoqni iliq, loyqa suv bosgan
edi. Erta sarg‘aygan qamishlar ohista chayqalib, shitirlab
turar, uchidagi makka supurgidek popiltiriqlari sekinsekin
chayqalardi. Baqalami aytmaysizmi? Bir-biridan
qolsa qulog‘ini kesadigandek ovozi boricha vaqillaydi.
- Qamish, - dedim hiqillab. - Varragimga qamish
oberasiz.
- Hozir varrak uchiradigan paytmas! - Dadam
qo‘limdan tutdi. - Yur, chivinga yem bo‘lasan.
...Ana, No‘g‘ayqo‘rg‘ongayam yetdik. Olisda oq
uy ko‘rindimi, No‘g‘ayqo‘rg‘onga kelganimiz shu! Oq
uy - kolxozning idorasi. Biz u tomonga yurmaymiz.
Bitta arava zo‘rg‘a sig‘adigan tor ko‘chaga kiramiz.
Ikki tomonda pastak uylar. Ba’zilarining devori tagiga
somon uyib qo‘yilibdi. Kuzda tomni somon suvoq
qilishadi. Uylar orasida Oqsoqol buvaniki ajralib turibdi:
boloxonasi bor. Boloxonador uyga yaqin kelganda
dadam yana qo‘limni siltadi:
- Tezroq yur!
Oqsoqol buvaning darvozasi oldidan tezlab o‘tib,
«Qora ammam»ning eshigiga keldik. «Qora ammam»-
nikida darvoza yo‘q. Eshigiyam shunaqa kichkinaki,
dadam engashib kiradi. Ana, eshikdan ancha narida,
bahorda kallaklanib, qaytadan shox otgan toi tagida
eshak arava turibdi. Aravaning bir g‘ildiragi singan.
23