Strategji e Zhvillimit Rajonal - Ministria e Ekonomisë

⇒ Monitorimi dhe vlerësimi
Autoritetet e qarkut, që në momentet e para atë të elaborimit të strategjisë, parashikojnë fazat
e monitorim/vlerësimit dhe përcaktojnë strukturat që do ti ushtrojnë këto momente.
Përndryshe, strategjia do të mbetej në një masë të konsiderueshme thjesht dhe vetëm një
sipërmarrje e dëshiruar.
Vlerësimi realizon krahasimin e zbatimin e projekteve/programeve me rezultatet aktuale dhe
merr në konsideratë impaktin përfundimtar të këtyre projekteve/programeve.
Për të kontrolluar nëse masat dhe veprimet e planifikuara janë zbatuar rigorozisht,
përcaktohen procedura monitorimi, të cilat brenda mundësive përkthehen në tregues të
matshëm specifike. Rezultatet e gjetura shërbejnë si “feedback” për personat që janë
përgjegjës për SZHR-në (Këshillin e Qarkut dhe Forumin Publik Rajonal).
⇒ Rishikim, revizionim dhe adaptim
Një rishikim i strategjisë dhe planit të veprimeve duhet të bëhet të paktën një herë në vit.
Rishikimi i SZHR-së është i pashmangshëm për një numër të konsiderueshëm arsyesh:
• Çdo vit, në varësi të miratimit të buxhetit të shtetit, ndryshojnë edhe buxhetet që
miratohen lokale për bashkitë dhe komunat.
• Mund të ngjasë që të ndryshohen prioritetet e zhvillimit në një qark apo bashki të
caktuar.
• Mund të ndodhë që të lançohen programe të reja donatorësh.
• Mund të lindë nevoja e adoptimit më të mirë ndaj mundësive të ndryshme të
financimit.
Rishikimi duhet të mbështetet në tregues të përcaktuar të monitorimit dhe vlerësimit të
ekonomisë rajonale dhe burimeve në dispozicion për realizimin e strategjisë . Rishikimi duhet
të përfshijë jo vetëm të dhënat, punën, rezultatet, ndikimin, por edhe procesin e zbatimit,
nivelin e pjesmarrjes, dinamikën e ndryshimeve të kushteve lokale dhe ndryshimeve në
marrëdhënjet ekonomike (dhe politike) të ekonomisë lokale, në rajon ose ne tregun kombetar
dhe ndërkombetar. Së bashku me rishikimin e strategjisë duhet të krijohet një sistem për të
monitoruar përparimin e secilit projekt. Këto sisteme duhet t’iu japin vendimarrësve mjetet e
nevojshme për t’ia përshtatur strategjinë dinamikës së ndryshimeve të kushteve lokale. 5 .
SZHR duhet parë si një dokument që duhet të jetë i hapur, fleksibël dhe subjekt
ndryshimesh. Pas aprovimit të saj në Këeshillin e Qarkut ajo shndërrohet në pronë të
agjentëve (aktorëve) të zhvillimit, por ata nuk duhet thjesht ta aplikojnë atë, por duhet ta
vlerësojnë në mënyrë kritike dhe ta azhornojnë periodikisht.
5 Zhvillimi Ekonomik Lokal, A Primer, Si te Zhvillojme dhe te Zbatojme Strategjite e Zhvillimit Ekonomik
Lokal dhe Planet e Veprimeve, Gusht 2003, Fondacioni Bertelsmann dhe Banka Boterore, Iniciativa Qytetet
ne ndryshim
Manual - Strategjia e Zhvillimit Rajonal Dhjetor, 2003 24