Strategji e Zhvillimit Rajonal - Ministria e Ekonomisë

3.2 Analiza SWOT
Rekomandohet që pjesa analitike e SRZH-së të përfshijë analizën SWOT (Strength-
Weaknesses-Opportunities-Threats) apo FDOK (Fuqitë-Dobësitë-Oportunitetet-Kërcënimet).
Ajo është një mënyrë sistematike e reflektimit të fuqive (F) dhe dobësive (D) (duke
vlerësuar karakteristikat e përgjithshme kryesore dhe mungesat/nevojat), oportunitetet (O)
dhe kërcënimet (K) për zhvillimin rajonal (bazuar në faktorë të mjedisit të jashtëm). Kjo do
të ndihmojë për të evidentuar se ku duhet të përqëndrohet strategjia.
Analiza SWOT është një metodë, që e ka origjinën nga planifikimi strategjik i biznesit. Që
prej vitit 1980, ajo ka gjetur aplikim të gjerë në planifikimin si në nivel rajonal ashtu edhe në
atë lokal. Analiza lidhet me tre avantazhe kryesore 10 :
• Analiza SWOT është e përshtatshme si një instrument për sintetizimin e
rezultateve nga analiza e detajuar e gjendjes aktuale, dhe udhëheq direkt në
formulimin e një strategjie zhvillimi;
• Analiza SWOT është një instrument, vecanërisht i drejtë për planifikimin. Rastet
kur ajo ka qenë përgatitur vetëm nga një ekspert janë shumë të rralla. Është
evidente nga praktika që rezulatet më të mira (dhe më të shpejta) janë marrë kur
është punuar në grup;
• Analiza SWOT njihet ndërkombëtarisht si instrument analitik dhe rëndësia e saj
është përmirësuar nga fakti se është konsideruar si element i detyrueshëm për
planet që lidhen me përdorimin e fondeve strukturore të BE-së dhe instrumentave
të para-pranimit.
Analiza SWOT kërkon prezantimin ne një formë sintetike të:
a) fuqive (avantazheve) të objektit të planifikimit (një vënd, rajon, rreth, bashki) =
pasurive rajonale dhe lokale (për shembull, situatë gjeografike e favorshme, paga
konkuruese, forca e kualifikur e punës, institucionet e kërkimit dhe edukimit, rrjet i fuqishëm
transporti, vendndodhje e sigurt, firma ekzistuese prodhimi, afërsi me vëndndodhjen e lëndës
së parë ose burimeve të tjera natyrore, etj.).
b) dobësive (disavantazhet) të objektit të planifikimit = pengesat e rritjes (për
shembull, papërputhshmëria e nivelit të kualifikimit të forcës së punës me kërkesat e tregut,
mungesë e infrastrukturës se tregut dhe informacionit, nivel bashkëkohor i teknologjisë së
prodhimit, etj.); rënia e sektorëve/industrive bazë, procedura regulluese lokale komplekse,
infrastrukturë e papërshtatshme, fonde të brendshme të kufizuara për zhvillim, mundësi të
kufizuar për kredi, shkallë e lartë kriminaliteti, etj.);
c) oportunitetet, të siguruara kryesisht nga një ambjent i jashtëm për objektin e
planifikimit të mjedisit = kushte të favorshme të jashtme (për shembull, fondet e
akorduara nga EU ose organizata te tjera nderkombetare si edhe procesi i zgjerimit te BE,
rritja e tregut për sektorët e zhvilluar në rajon, interes për investimet nga investitorët e huaj
për vendin, zhvillimi i formave të reja të organizimit, ndryshimet teknologjike, zhvillimet
makroekonomike/politike, zhvillimi i aeroportit rajonal, dalja e një fuqie të kualifikuar pune,
etj,);
10 Forcimi i kapaciteteve lokale dhe rajonale, DFID, ITS , 2003
Manual - Strategjia e Zhvillimit Rajonal Dhjetor, 2003 42