Strategji e Zhvillimit Rajonal - Ministria e Ekonomisë

Kapitulli i Parë përshkruan kuadrin konceptual dhe operacional të planifikimit strategjik në
bazë qarku. Jepet një përshkrim i rolit dhe vendit të SRZH-së në kontekstin e tërësisë së
dokumentave kryesorë të hartuar për proçesin e zhvillimit ekonomik. Dokumenti synon të
jetë i orientuar nga rezultatet, duke përfshirë problematikën ekonomike, sociale dhe
mjedisore.
Kapitulli i Dytë paraqet proçesin e planifikimit të SRZH-së si një seri fazash dhe hapash. Një
karakteristikë e rëndësishme e këtij procesi është prezantimi i një modeli gjithpërfshirës dhe
partneritetesh në formulimin e strategjisë, element që trajtohet në detaje në këtë kapitull.
Kapitulli i Tretë ju ofron menaxhereve në nivel vendor një udhëzim për përgatitjen e SRZHsë
si një dokument i mirëfilltë politik e ekonomik, i përberë nga katër seksione të ndërvarura
nga njëri – tjetri: (1) analiza e situatës aktuale, (2) analiza SWOT, (3) përcaktimi i
objektivave dhe prioriteteve, dhe (4) plani i veprimit. Kjo pjesë specifikon kërkesat në lidhje
me seksionet e vecanta, modelet, parimet dhe metodat e prezantimit të tyre ne SRZH.
Kapitulli i Katërt përqëndrohet në zbatimin e SRZH-së duke përfshirë menaxhimin,
monitorimin, vlerësimin dhe rishikimin e SRZH-së. Ky kapitull është ndërtuar duke ndjekur
konceptin e planifikimit “të vazhdueshëm”. Për këtë arsye SRZH-ja duhet parë si një
dokument i hapur, fleksibël dhe subjekt i ndryshimeve.
Anekset përmbajnë:
Aneksi 1: Tabela përmbledhëse për burimet e informacionit për formulimin e SRZH-së
Aneksi 2: Të dhëna në dispozicion në nivel rajonal
Aneksi 3: Tabela përmbledhëse e projekteve me Financim të Huaj në Shqipëri
Aneksi 4: Strategjitë Kombëtare dhe Sektoriale të ministrive të ndryshme të aprovuara
me vendim të Këshillit të Ministrave
Aneksi 5: Lista e ligjeve, amendimeve, udhëzimeve që rregullojnë raportet nivel qendror
– nivel vendor
Një numër i konsiderueshëm rastesh reale dhe hipotetikë janë përdorur për të ilustruar
përmbajtjen e SRZH-së.