Hygiejne - paarisa
Hygiejne - paarisa
Hygiejne - paarisa
Create successful ePaper yourself
Turn your PDF publications into a flip-book with our unique Google optimized e-Paper software.
20<br />
Inuunermi pisariaqartitat ilagaat eqqiluisaarnissaq.<br />
Talitit qullarteriarlugit unitit naamariannguakkit, immaqa<br />
tipeqalaarput immaqaluunniit suli tipigipput.<br />
Tipeqarsimappata tassa uffarnissaq pisariaqalersimassaaq.<br />
Peqqinnissakkut Nakkutilliisoqarfimmi niviarsiaq Turid B. Skifte apersullatsiarakku<br />
timikkut eqqiluisaarneq pillugu imatut akissuteqarpoq. - Timikkut peqqissaarnissami<br />
pisariaqarnerpaajupput imeq qaqorsaallu. Minnerunngitsumik<br />
pingaartuuvoq assat eqqiluitsuutittuaannarnissaat, tassa assatsigut minguit<br />
bakterissat virusillu inunnut allanut tuniluuttarmata. Aperiganni nappaateqalertoqarsinnaanersoq<br />
eqqiluisaanngikkaani, angerpoq. Nappaataalersinnaasullu<br />
makkuunerarpai: Nuanneq allallu aseruuttoornerit soorlu nuallunneq, timminneq,<br />
siggunni kimillannerit, herpes, meeqqat kimillanneri (børnesår), meeqqat<br />
nappaataat, soorlu mæslingit, kuppiaqqat, savarneq, polio allallu nappaatit.<br />
Puakkut sakiallunneq, anernerup aqqutaatigut aseruuttoorneq, kimillannernik<br />
aseruuttoornerit aammalu atoqatigiinnermi nappaatit tunillaattartut.<br />
Nappaatit tuniluuttartut eqqiluisaarluarneq aqqutigalugu pinngitsoortinniarneqarsinnaapput.<br />
Taamattaaq inigisap ipiitsuunera aammalu silaannarissarluartarneq<br />
iluaqutaasinnaapput.<br />
Taamaammat arlaannik nappaatinik peqalersimaguit qasuersernissaq, imerluarnissarlu<br />
pisariaqarpoq. Aammalu inunnik allanik tuniluutsitsinaveersaarnissaq<br />
pisariaqarluinnarluni. Nualersimaguit quersortillutit qanivit assertarnissaa<br />
eqqaamaniariuk. Ilaalli nappaatit nakorsaatinik aatsaat aaqqinneqarsinnaammata,<br />
nakorsiaqqaarnissaq pisariaqarpoq.<br />
Meeqqat inersimasuniik annertunerusumik napparsimalernissaminnut qaninnerusarput,<br />
ullup ilarsua meeqqerivinniittaramik meeqqat amerlasuut akornanni.<br />
Meeqqerivinni allanilu paaqqinnittarfinni taamaammat eqqiluisaarnissat<br />
pisariaqarluinnartarpoq, misissuinerit takutissimammassuk eqqiluisaannginnerusuni<br />
taavalu silaannarissarneqanngippallaartuni meeqqat napparsimagajunnerusartut.<br />
Soorlu makku ilisarnaataasarlutik: Isini, sorlunni qungatsimilu<br />
iluaalliornerit, amikkut anillanneq, qasoqqajaaneq, niaqorlunneq, ungilatsitsineq<br />
aammalu malussajasuuneq. Taamaammat silaannarissaatit aalamik, tipimik,<br />
pujoralannillu piiaasinnaasut iluaqutaapput pitsaviit.<br />
Peqqinnerullutit inuujumaguit taava niviarsiap Turid B. Skiftep oqaasii eqqaamaannarigit:<br />
erngup qaqorsaatillu atorluarnissaat.<br />
Assatit qiviakkit immaqa kukivit ataat ipeqarput, taava errortoriannguarit. Assatit ipeqarpasinngikkaluarlutik<br />
tuniluussinnaasoqarput – bakterissat virusillu isaannarmik takuneqarsinnaanngillat. Errortortaannarillu minguit<br />
allanut tuniluutinnginnissaat anguniarlugu.<br />
Taavalu inigisanni silaannarissarluartarit, silaannarmi minguinnerusoq najuullugu pitsaanerummat.