A) Projekt „ Schülerparlament “ - Kopstal

Positiv Erfahrungen enner den Kollegen:
Als eischt fannen ech et génial an enger Schoul ze schaffen wou Projet’en wie desen
méiglech sin. Et schengt mer nach lang net évident ze sin mat esou enger Band vun
engageierten Leit kennen zesummen ze schaffen. Merci un ierch all!
11
Richard Stephany
Ech empfannen eng gewessen Professionaliseirung an eiser Aerbecht. Wann een den ganzen
Dag nemmen mat Kanner ze din huet fannen ech et immens wichteg datt eng konstruktiv
Zesummenaerbecht ennert eis herrscht. Et mecht mer richteg Spass Recherchen ze machen an
emol ze kucken wat esou an aneren Schoulen leeft.
De Fait datt eisen Projet emmer weider wiisst, ouni dat mer den Iwerbleck verleiren, schengt
mer gudd. Nemmen duerch Kommunikatioun an plus ou moins selwecht Reaktiounen vun
eiser Sait as et méiglech, datt d’Kanner eis net ausspillen an sech à long therme mat hierer
Schoul identifizeiren. D’Kanner wessen datt d’Kommunikatioun tescht eis klappt. Dest huet
ganz secher zum eischten Erfolleg baigedroen.
Ech hun d’Gefill wie wann die allermeescht vun eis dach wieklech vun der Noutwendegkeet
vun der „éducation au civisme“ iwerzeecht sin. Daat gefällt mer besonneg gudd op dem
Niveau vun eiser Zesummenaerbecht. Merci!
Positiv Erfahrungen mat den Kanner:
Et brauch een just duerch de Gang ze goen fier ze mierken datt d’Kanner (die aller meescht op
jiddefall) sech bei eis an der Schoul responsabel verhalen. Et as nach guer net lang hier datt
bei eis um Bridel d’Mentalitéit vun „la loi du plus fort“ gezielt huet. Domat, datt elo een
„klenge Männchen“ aus dem 1. Schouljoer net méi muss färten beim Bus vun engem
„Groussen“ iwert den Droht geworf ze gin ;-) well desen him kierperlech iwerleen as, hun mir
schons vill ereecht. All Zorten vun Gewlt sin stark erof gangen, och well d’Kanner sech
desem Problem richteg bewosst goufen an eppes kennen dogeint machen. Eis Schoulregelen,
déi d’kanner an den respektiven Klassen an dono am Schoulparlament selwer ausgeschafft
hun waren een eischten Schrett an Richtung Demokratiseirung an eiser Schoul.
Mir Fällt op, datt op emol Kanner aus aneren Klassen „friem“ SchoulmeeschterJoffere och als
Usprechpartner ugesinn.
Positiv Erfahrungen bei der Ledung vum Schoulparlament:
Einfach flott matzeerliewen wie Kanner, wann een hinnen d’Meiglechkeet get, sech kennen
ennert eneen austauschen. D’Roll vun den Klassendeligeierten, déi hinnen dach eng gewessen
Responsabiliteit get, as mir och positiv opgefall. Durech des Plattform verschwend menger
Mehnung een gudden Deel vun Agressivitéit well den Dialog gefuerdert get.
Elo wou mer eis Schoulregelen hun, get et Zait datt eist Schoulparlament sech net nemmen
mat Problemer an eiser Schoul befaast mee eng nach mei konstruktive Roll an eise
kommenden Projet’en iwerhellt.
Mol kucken mat wat d’Kanner nach alles kommen an wie mir dorop reageiren. Elo wou mer
hinnen des Plattform gin hun wier et génial wann des och an noer Zukunft keint onofhängech
vun eis funktionneiren. Villaicht keint an ener eischter Phase eis Roll eng puer observative
sin… Flott wier et wann mer am Kader vum Schoulparlament d’Iddi vun enger
regelmeisseger klenger Feier erem géifen opgraifen.
Marc (titulaire, uewergrad)