A) Projekt „ Schülerparlament “ - Kopstal

7.2. Matbestëmmung vun der Kanner an der Schoul
Stullkrees – Klasseparlament – Schoulparlament
9
Richard Stephany
Wéi éch virun gudd enger Dosse Joren a ménger Klass de Stullkrees agefouert hun , hat éch
nët gemengt , dat éch haut iwwert Klasseparlament a besonnesch iwwert Schoulparlament
géif schwätzen .
Virun 12 Joer hu mir eis( 2. Schouljoer) am Stullkrees zesummegesat fir vun eis an iwwert eis
ze verzielen . Séier ass awer doraus esou eng Art Forum gin , wou och emol Problemer , déi
an der Paus waren oder aner Schwieregketen , déi opkomm waren , ze beschwätzen an
gegebenenfalls och ze léisen .
Schon demools huet e gemierkt, wéi positiv d’Kanner drop reagéiert hun, wann een se eescht
geholl huet an hinne versicht huet ze hëllefen aus kuokelechen Situatounen erauszekommen .
Wéi éch viru 6 Joer zesummen mat méngem Frënd Rich eng Klass gedeelt hun , war et fir
hien an och fir méch nëmmen normal eis ëmmer ërem mat de Kanner zesummen ze setzen fir
eist Zesummeliewen an der Klass ze regelen oder ze verbesseren, fir Verhalensregelen
auszeschaffen an eis ( Kanner an Erwuessen)géigesäiteg Respekt ze beweisen.
Dës partizipativ Kommunikatioun huet séch positiv op eis eegen Zesummenaarbécht , op den
Emgank mat de Kanner , op de Kanner hieren Emgank mat eis an op hieren eegenen Emgank
mateneen ausgewierkt. Mir hu vill vun de Kanner geléiert , si besser verstan an hinnen ,
denken éch , a munche Situatiounen och gudd weidergehollef.
D’Kanner hun eis och fir voll geholl an eis ëm Rot gefrot ,eis gewissen , dat si frou waren mat
kënnen ze bestëmmen .
Wéi d’lescht Joer de Rich mat der Iddi komm ass fir an eiser Schoul e Schülerparlament
anzeféieren , war éch natiirléch vun Ufank un déck begeeschtert . Mir zwéin hun och dun eng
vun deenen éischte Sitzungen vum neie Parlament geleet an esou d’ Iddi ënnert den anere
Kollege geholleft méi populär ze man .
Zur Zäit ass eist Schülerparlament eng fest Institutioun an eisem Schoulliewen , wou allerlee
Themen zur Sprooch kommen : Verhalensregelen fir all Kanner an der Schoul , Behuelen an
der Paus , no der Schoul asw.
D’Kanner droen d’Iddien aus dem Schülerparlament an hier Klasseparlamenter a diskütéieren
do zesummen mat hiere Kollegen .
Et kann e wiirkléch soen , dat déi ganz Saach eng Eegendynamik entwéckelt huet , déi éch
schon virun e puer Joer a ménge Klassen festgestallt hun ; d.h. d’Zesummeliewen an der
Schoul ass méi geregelt an och domat e bësse méi einfach gin.D’Kanner hu manner grouss
Konflikter an der Paus an allgemeng leeft alles besser .
Och bei den Enseignanten mierkt een däitléch Verännerungen. Huet een am Ufank nach eng
gewëese Retizenz gegeniwwer dem Projet gespuert , sou ass déi awer elo bei dene meeschten
verflun an si stin allerguer hannert dem Rich séngem Projet .
An deene nächste Wochen a Méint kommen nei Iddien op eis zou (Erneierung vum
Schoulhaff , Vertrauenschüler an esou wieder....) wou mir frou sin op eise Forum mat de
Kanner kënnen zréckzegräifen fir si ëm hier Meenung ze froen .