Ausgabe März bis Mai 2013 - Ev. Kirchengemeinden Carolinensiel ...

22 Titelthema
Toleranz
Jedeen na sien eegen Möög
„Toleranz“ heet dat Woord, dat bi de Evangelisch
Kark in Dütschland to dat Thema
van dit Johr passt un dat ook dat Motto van
uns „Kark up Visit“ in April passen deiht.
Wat is dat denn för een Woord Dat kennen
wi Plattdütschen nich. Dat givt dat
gannich. Off doch „Jeder soll nach seiner
Facon selig werden“, segg de Oll Fritz, de
ja ook mal uns König wesen het, dorto. Un
bi uns heet dat: „Jedeen na sien eegen
Möög.“
Ook bi uns het datt, as de Kinner noch in’t
Huus weeren, woll mal soon beten
Schkandal geven. Sowat givt dat seker in
vööl Hüüs. Moder seggt denn woll: „Köönt
ji nich över wat anners schnacken“ Faken
schnackt se denn dormit ook in Wind.
Nabers kriegen sück in d‘ Wull, viellicht
wegen de Grundstücksgrenzen, af un an
ook wegen de een of anner Klüterkram,
wenn een bi d‘ anner Appels klaut, wiel dor
een Tack över d‘ Grenz hangen deiht.
Leev un Hass, Freeden un Striet,
Fründschkapp un Fiendschkapp liggen
faken dicht binanner. Ünner Christen
schull man annehmen, dat se sück ehrder
verdragen as annern.
Faken is dat avers nich so. Jüst för se is dat
avers wichtig to kieken, off nich jüst se de
Freeden stören. Un denn bruukt dat faken
vööl Moot, ümtodreihen un annern Padd
loopen. Avers eenig steiht jüst dat uns
Christen goot to Gesicht. Dat mutt nich
immer so blieven as dat nu jüst is.
Schkandal mit een Naber mutt nich ewig
düürn. Wenn ick dat wüddelk will, denn
kann ick ümdreihn un up hüm togahn. De
Bibel is vull van Geschichten över
Minschen, de so as Abraham upstahn sünd
un sück up een neen Padd maakt hebbt.
Un wenn ick wüddelk will, denn kann ick
ook an Muslime, de an Allah glöven, of an
Indianers, de de Groode Geist anbeden,
seggen: „Jedeen na sien eegen Möög.“
Ehnt Ulfers Janssen
Zum Titelbild
Das Jahresthema 2013 der Lutherdekade ist
nicht einfach: Für Toleranz sind zwar
irgendwie (fast) alle. Doch schon bei der
Definition des Begriffs zeigen sich Probleme.
Wo beginnt Toleranz für mich, wo hört
sie auf Wo liegen für mich ihre Wurzeln
und ihre Widerstände Ist das Kreuz Christi
ein christliches Sinnbild für unbedingte
Toleranz
Diese und andere Fragen werden uns 2013
auch in unseren Kirchengemeinden
beschäftigen, bei unserer Veranstaltungsreihe
"Kark up Visit", in Predigten und
Andachten und in vielen Gemeindegruppen.
FOTOS AUF DIESER DOPPELSEITE UND TITELBILD: AUS DER
BILDSEQUENZ "ALLTAG" VON BASTI ARLT. QUELLE: EKD.DE