*Bretzenheimer Kurier 09-11.qxd:. - Gewerbeverein Bretzenheim

Bretzenheimer Kurier – Ausgabe 251 – September 2011 Seite 5
GUTE MOIJE BRETZENUM
Wass en Summer! En Summer ohne
dess beriehmde Summerloch, en Summer
ohne heiße Nächte, en Summer
ohne ibberfillde Freibäder – ja, en Summer
buchsteblich ohne Summer. Diesjahr
hatte mer de Summer schun im
April un Mai, do habbe mer sehnsüchdich
uff e bisje Reesche gewaad. Un jetzt
im Juli un im August is er kumme, de
große Reesche. Schad fer die Urlauber
die in deitsche Londe geblibbe sin un in
ihrm wohlvediente Urlaub nit viel unnernemme
konnde, außer de Reescheschirm
spaziern zu traache. Ibber Bretzenum
gibts aach nix Neies zu berichde.
Die Ecke sin all noch so, wie se vor de
Summerferie warn, nix is bassiert.
Außer, dass bekonnt worn is, dass dess
Beyer-Eck e Wohnhaus gebbe soll, gonz
ohne Geschäfte. Abber ess is schun so
viel vezehlt worn, ibber rode Punkte un
Bauplän, ibber kloone Leede un riesische
Umbaumaßnahme, dass koon
Mensch mer waaß, wass ibberhaupt
noch Sache is. Schbeggeliern will ich nit,
also üb ich mich weider in Geduld un
waad ab obs un wies weider geht. Weider
gehe duts om Gänsmarkt un On de
Wied, do werd gebuddelt un geschafft,
die Dorchfahrt is gesperrt un dementsprechend
viel Vekehr wälzt sich dorch
die Ulrichstroß un om Sportplatz vebei.
So viel, dass ess gonz oft zu gefährliche
Begechnunge un Stockunge kimmt.
Abber dess is nit gonz so schlimm, denn
e End is jo abzusehe, denn wonn mer
widder ibber de Gänsmarkt fahrn konn,
is alles widder normal. Ess gibt abber
doch zwaa Neiichkeite. Ersdens, die
Coface-Arena is feierlich oigeweiht
worn, mit großem Fest un em kloone
Fassenachtszuch mitte im Summer. Un
wass soll ich saache, dess befürchtete
Vekehrschaos is doch tatsächlich ausgeblibbe.
Aach bei de bis jetzt stattgefunnene
Spiele wars vehältnismäßisch
ruhisch geblibbe. Sicher hots viele Strofzeddel
gebbe, aach so moncher Ooliecher
hot e Prottsche krieht un monche
Gasse warn zugestellt. Abber ich denk,
dess renkt sich alles noch oi. Dess sin die
gonz normale Startschwierichkeite, die
wern sich sicher mit de Zeit noch behebe
losse. Wonn die Fääns donn ihr Jubelgesänge
oostimme, konn mer se in gonz
Bretzenum heern un deham uff em Sofa
mitsinge odder mer muss die Fenster zu
mache. Viele wollde dess Stadion jo nit
on dem Platz, abber jetzt habbe mers un
mir Bretzenummer sollde uns oorrangschiern,
ess beste draus mache un dem
Gonze vielleicht aach ebbes Gudes abgewinne.
Un seis nur en scheene Obendrundgong
dorchs Feld zum Stadion un
zurick. Die zweit Neiichkeit betrifft
unser Kerb. Uff em bisherische Kerbeplatz
werd fer die IGS gebaut, koon Platz
mehr fer die Kerb. Abber mir Bretzenummer
finne immer widder en geeichnede
Platz fer die Fahrgeschäfte un die
Bude. Gonz frieher war die Kerb uff em
Gänsmarkt mit ner Kinnerreitschul, ner
Schieß- un ner Sießigkeitebud un
monchmol sogar noch e kloo Kettekarussell.
Weechem Vekehr un dem enge
Platz is die Kerb donn in de Schulhof vun
de Heinrich-Mumbächer-Grundschul
veleht worn. Der Platz war optimal,
koon Vekehr un viel Platz. Abber als
donn de Summerferiebeginn jährlich
gewechselt hot, musst die Kerb de Schulhof
velosse. Mer konn jo koon Unnerricht
abhalde, wonn im Schulhof die
Kerb gefeiert werd. Also is mer widder
umgezooche, uff den freie Platz hinner
de IGS. Diesjahr musst mer widder
umziehe un mer hot en geeichnede Platz
gefunne. Mer hot sich fer die Oolaach im
Elsterweech entschiede un ich muss gonz
ehrlich saache, dess is en wunderbare
Platz. Weit un breit koon Vekehr, mer
muss nit ständisch uff die Kinner uffbasse.
Genuch Beem do, dass mer koon
Sunnestich krieht, sollt die Sunn werklisch
emol schoine. Ich denk, mer sollt
den Stondort fer die Kerb behalde, mir
Bretzenummer wern den scheene idyllische
Platz oonemme, denn mir sin jo
sehr flexibel in punkto Kerbeplatz. Ich
hab nur en winzisch kloone Vebesserungsvorschlaach:
Wonn im nächsde
Jahr ess Gras widder so satt un grie steht
wie jetzt, donn sollt mers vor de Kerb
unbedingt noch emol mähe, denn wonns
donn reeschend wern die Fieß vun Groß
un Kloo nit gonz so nass wie Diesjahr –
glaabt
Eiern Gickel vun St. Schorch
Speisegaststätte TSG-Stuben
Vielen Dank an diejenigen, die uns während
der traditionellen Bretzenheimer Kerb am Montag und
Dienstag mit ihrem Besuch unterstützt haben.
Jeder Besuch in den TSG-Stuben hält die Vereinsgaststätte
am Leben. Der Verein und die Wirtsleute freuen sich.
Freitags Fischtag
von 11.30 bis 14.00 Uhr (außer an Feiertagen)
Wir sind auch außerhalb der Öffnungszeiten,
z. B. für Trauerfeiern, jederzeit für Sie da.
Wenn Sie zufrieden sind, sagen Sie es allen.
Wenn nicht, dann bitte nur mir.
Röntgenstraße 14 · 55128 Mainz · Tel. 0 61 31 / 3 33 05 60
Bestattungsinstitut
Koppold-Betz
55128 Mainz-Bretzenheim
Zaybachstraße 26
Telefon 06131/34751
– Jederzeit erreichbar –
Erledigung aller Formalitäten
Bäder zum Verlieben
Besuchen Sie unsere Ausstellung
Öffnungszeiten: Mo bis Fr 7.00 bis 17.00 Uhr · Sa 10.00 bis 13.00 Uhr
Hans-Böckler-Str. 113 · 55128 Mz-Bretzenheim · Tel. 06131/93507-0
www.gewerbeverein-bretzenheim.de