Sprützposcht 48

Grillplausch der Jugendgruppe
Grillieren
Am 5. Juli händ sich alli Jugendgruppä im Lido z Rappi zum jährliche Brötlä vor
de Summerferie troffä. Ich möchti mich als ersts bi de Melanie Jäger bedankä
für de lässigi Tag mit Vorbereitä und Postä. Chuechä backä, mit dir zämä ischs
echt super lustig (gsi) ☺.
S Wetter a dem Zistig isch ganz schön warm gsi, also super Wetter zum Grillierä,
Badä, Fuessballspielä und gmüetlich zämä si. Am 6i am Obig händ sich
alli Chind (ussert die, wo z spot cho sind) bim Iigang vom Lido troffä und sind
zum Vereinsruum hinterä zum alli ihri Sachä deponierä.
Bevor mir denn aber würkli hend chönä aafangä hets zerst no chli es grössers
Chaos gä. Plötzlich sind Chind mit ihrnä Elterä verschwundä zum di bstelltä
Vereinstrainer go abholä.Nochdem mir aber alli „Uusriiser“ wieder gfundä hend,
ischs denn mit em Grillierä, gmüetlich zämä sitzä, plauderä und ässä los gangä.
Aschlüssend händ sich die knapp 60 Kind und Jugendlichä ufs Wasser, Sprungturm,
Spielwisä und zum Schwätzä verteilt.
Was aber natürli au jedes Johr dezue ghört ischs Gruppä-Föteli z machä. Und
nei, s Ziel vo denä Föteli ischs nöd, dass mer sich so guet wie möglich chan
versteckä. ☺ Churz vor Schluss vom diesjährigä BBQ händ sich alli no dörfä es
Stuck Chuechä go holä. Dankä au ad Fabienne Blöchlinger, wo au en sehr feinä
Chuechä mitbrocht hät.
Au das Johr isch s Abschluss BBQ wieder en Grossalass wordä. Schön, dass so
viel debi gsi sind.
De nöchsti Alass chunt scho bald....
Ramona Rüdisser
13