Marktschreiber Ausgabe 69 - März 2017

Disslinger Feuilleton
Erinnerungen an die traurigen Jahre 1704 und 1705
Beim Bindahäusl zu Eschbach, außahoib von Oideding, Staudham zua (do, wo jetzt da Aldi
is), war a hohe Pappel am Weg, deren Zweige a kloane, hoibrunde Kapelle überschirmt
ghabt hod. Auf da Südseite is a Tafel obrocht gwen; darauf war gschriem:
Anläßlich des feindlichen Überfalls auf das Pflegerhaus in Mörmoosen wurden am
28.11.1705 in Eschbach bei Staudham von den kaiserlich-österreich Husaren u.a. folgende
Bauern ermordet:
Sebald - Feuchter; Schmid - Lindach; Fuchs - Reith;
Zwieselsberger - Kastl; Pöhl u. Weglehner - Waldpfarrei St. Georgen.
Da Hintagrund war folgenda:
Während des spanischen Erbfolgekrieges ham de Österreicher in Bayern a scharfs und
ungerechts Regiment ausg`übt. Als se gar ogfangt hom, junge Leit und Familienväter
auszuhebm, is boid übaroi gegen de Österreicher Widastand des untadrückten Voiks
aufgflackert. Schee langsam ham se de Leit, insbesondere de Bauern dagegn gwehrt. Im
Sommer 1705 ham sich dann in Tüßling und Teising rebellische Bauern unta da Führung
des Metzger Khurtz aus Hohenwart zammado und san am 20. November nach Muidorf
zogn, wo se von de Kaiserlichen wieda zruckgworfa worn san.
Am 28. November - a düstara und nebliga Tog mit erstm Schneefoi - hod da
Bauernkommandant um 7 Uhr früh 30 Bauern nach Mörmoosen gschickt, damit`s des
dortige Pflegerhaus plündern, in dem da verhasste kaiserliche Präfekt, David Kreitmeyer sei
Domizil ghabt hod. Aba scho untawegs sans von de österreichischen Husaren überrumpelt
und ohne Gnade niedagmacht worn.
Zua Tafelinschrift am Eschbacha Kapellchen steht in an Pfarrbuach vo Burgkircha am Woid,
dass Wolfgang Prandstötter (heute Weiler Brandstätt, fr. Gde. Oberburgkirchen), bei Eiting
mit den Cesarianis(=kaiserlichen) in „Conflict“ geraten und von ihnen getötet worden ist.
Zwischn Ötting und Mörmoosen, nämlich auf da Ostawies und im Moos soin sich bis heid
blaue Lichtlein zoagt hom.
Diese Flämmchen, so hoassts, soin an jene Untat der Kaiserlichen gemahnen.
Text: Peter Gottschaller