Pauline Hunzinger - Gedanken - Yumpu

mit de Mudder vunn Kindsbää aa, uffgewickelt gschicks Muschter.
Ziechscht Fäde, groh unn verfilzt, des Fräckel, verwachse wie’s Päddel.
Hinne nuff, Altstadt nei, Pappelallee längs ins Städtel nei. Johre
ziehn, die Fäde ziechen. Ball wärs e dicker Hähbäämstrang, der am
Enn des Läwens Fräckel uffziecht.
In Goddes Namme! Dann lääfsch s Päddel längs, d alt Lauter dud
fließe, grenzelos, so lang s ähm gedenkt. Zählsch vor unn serigg,
lääfsch dorch s Städtel.
MENSCH UNN NATUR
20. März 2013
S geht des Johr ä nauszuus. De alde Spruch saacht: S isch März unn
musch woarde, kä Frielingserwache. Guggsch naus in de Gaarde. Do
huggsch schun seit letscht Johr November. De Sunneschei macht sich
rar. S isch alles letzrum. S isch nit wie’s als war. Do saacht mer do ääfach,
s isch de Klimawannel, debei wannelts schunn ewich seit Menschegedenke!
Unn s werd widder Frieling, s geht widder nauszuus. S
Wetter unn Leit ännerscht du nie. S werd widder Frieling, wie jedes
Johr ä. Unn sähnsch, in de Natur wern Sache grie. S geht jo a widder
nauszuus!
De Storch streicht du drauß dorchs Wissedahl, s knackt im Geäschd.
Lääfschs Päddel längs, am Bächel de Sunnestrahl. S Wolkeband ziecht
wie e ausgeleiert Gummiband, doch werds widder Frieling, unn ball
blieht de Flieder im Goarde! Ehr Leit, de alde Mund saacht: s geht
widder nauszuus. Zidd isch do, Zidd isch do.
30