Pauline Hunzinger - Gedanken - Yumpu

Dann bobberts unn macht Ferz wie e Uhrwerk audomadisch dezu,
s bobbert unn mer schbierds.
So hängts am Herzbännel, bobbert unn schlacht,
s bummert, wann neiheersch, im Rhythmus vum Foxtrott
wie in junge Johre beim Kerwedanz.
Unn s flunkert voll Schwung!
Alla hopp, sellie Zeit isch längscht rum.
Doch se Lebdaach hett mer unn wett mer, dass alle ewe,
s gebbt Schlaachlöcher, doch s bummert drumewe.
Beim Tangotanz krawwelt e Gfiehl,
do bobberts im Tangoschritt; der Liebe Ironie schleicht sich ganz
siddich
ääfach ins Herz.
Die Zeit, jung wie de Friehling unn grie voller Scherz.
Die Zeit vumm Peter Krauß , der s immer noch schafft,
der rock-unn-rollt sich sei Knoche.
Unn wammer dem zuguggt, vergehn alle Ferz.
Wann de Deez (Kopf) langsam blodd wird,
des Läwens Wääch uff du unn du,
dann hett mer ä Glick ghat,
unn s Herz bummert unn schlacht dodezu.
Mer isch kän Roboter. S schlacht unn bischberd siddich.
Unn wanns owends duschter, do werds manchmol schtrittich.
Doch s bummert unn schlacht, wies Dunnerwäddel, seltsam, mitte in
de Nacht.
E Blitz ziecht dorch de Deez!
Mei Herz bummert unn schlacht.
Do simeliersch, Kopp uff de Heh, ä mitte in de Nacht.
Des wär doch gelacht!
42