Dezember 2017 | Bürgerspiegel

Land und Leute
Seite 25
Anzeige
Waarhen mit Milli un Maxi?
Een Wiehnachtssgeschicht för Kinner von Anita Pastoor
Dat is Winterdaag un bitter
kold. Anna hett Fingerhansken
an un een dicken Schaal
um. Anna is 6 Johr old un hör
lüttje Bröör Jan is 5 Johr old.
Jan in Schneeianzug. He treckt
een Schlee achter sück an. Jan
freit sück dat de Schneeiflocken
runner fallen. Anna un
Jan hollen tosamen wie Büx
un Jack. Bold is Wiehnachten
un dat groote Burenhuus is mit
Wiehnachtsbeleuchtung
schmückt. Anna fahrt hör
Kinnerwagen mit höre Puppen
övert Hoff. De Hoff liggt so ungefähr
150m van de Hauptstraat
entfernt. Anna fahrt mit hör
Kinnerwagen in de groote Heischüür
(Heuschuppen) „Jan,
Jan wor büst du?“ bölkt Anna.
„Ik hebb wat funnen.“ „Wat
funnen?“ bölkt Jan torügge.
„Jan, waar blivst du?“
Anna wöhlt in Hei rum.Anna
will wat söken.Intüsken is Jan
in de Heischüür ankomen.
„Kiek mol,is dat nich
niedlich?“fragt Anna un se
wiest up twee lüttje Kätzchen.
„Oh,wat niedlich“
bölkt Jan ganz luud. „Pssst!
nich so bölken,sonst hört Mama
uns,du west,wenn Mama
de Kätzchen tau sehn kriegt
dann verschenkt se de Kätzchen.
Mama seggt wie hebben
genoog Katten. „Wat för‘n
Naam will wi de mooi lütttje
Kätzchen geven?“ fragt Jan.
Anna seggt: „Kannst di wat
verleggen, di fallt bestimmt
wat in.“ Na kört Överleggen
springt Jan hen un her. „Ik wet,
ik wet „bölkt he. „De een sall
Willi heeten“ Anna lacht ganz
hartlich,“nee nee so het doch
uns Unkel, wi nömen se Milli
un Maxi, wat menst du daarvan?“
Jan is vull Freide un
fallt Anna um Hals.“ Bloot
waarhen mit Milli un
Maxi?“fragt Jan. Anna kiekt
sük um un findet een Lösung.
„In mien Kinnerwagen, de stell
ik dann bit Wiehnachtsavend
in min Kamer“, seggt Anna.
Jan is blied. Se leggen de beid
Kätzchen in de Kinnernwagen
un schlieken över‘n Hoff. De
Kohstallöör stahn open. „Mama
is in Stall“ seggt Jan, un se
flitzen an Stall vörbi. Noch gau
in Köken un bietje Melk halen
för Milli un Maxi.
„Wi hebbt all schafft,“ seggt
Anna am anner Mörgen tau
Jan. „Noch twee mol schlapen
dann is Wiehnachtsavend“
seggt Anna. „Wat menst du
Jan, willen wi Mama un Papa
de Kätzchen to Wiehnachten
geven? schenken?“ „Hopentlik
sünd se nich dull, wenn
wi hör Milli un Maxi unner
de Wiehnachtsboom leggen.“
seggt Jan. „Nee, wi setten
de Kinnerwagen unner ‚t
Wiehnachtsboom. Wenn Mama
un Papa dann dull sünd
schuven wi Milli un Maxi
weer in min Kamer“, seggt
Anna trürig. Na twee Daage
is nu ennelk Wiehnachtsavend.
De Kinner sünd all kribbelig.
Mama ropt:“ Jan, Anna
un Papa bitte beielen, wi willen
na de Lüchterkark un naast
is Bescheren. Üm achtein Ühr
sitten Mama, Papa, Jan un Anna
im Wohnstuve. Anna spölt
up hör Blöckflöte „Vom Himmel
hoch da komm ich her“
In de Moment miaut dat in de
Puppenwogen. Mama lauscht
überrascht. Papa lüstert: „Wat
is dat?“ Anna un Jan kieken
sük an.Miau,Miau. Mama is
roverlopen na de Kinnerwagen
un will rinkieken. „Ohhh“
seggt Mama verschrucken. Papa
is upgereegt un lopt na de
Kinnerwagen.
Anna un Jan willen sük verkrupen.
Mama: „Ohh wat
niedlich, kom her Papa un seh
di de Kätzchen an, sowat söötes.“
„Hör Naam sünd Milli
un Maxi“ seggt Anna för freude.
„Jau,dat sünd Milli un Maxi“
seggt Jan. Mama un Papa
hebben Milli un Maxi up Arm
un se seggen : „Danke Jan! Danke
Anna! So mooi Geschenk
hebben wi noch nie nich bekomen.“
Und dann hebben
se sük alle in Arm nohmen un
sük för Freude knuddelt. „Frohe
Wiehnacht mitnanner!“
Wenn Ihnen diese Weihnachtsgeschichte
von Anita Pastoor
gefallen hat, schreiben Sie uns
bitte. Wir werden Ihr Schreiben
an die Autorin weiterleiten!