2006 Edition 2 (Issue 144) - Sasmt-savmo.org.za

in
‘ n S u i d - A f r i k a n e r a a n d i e
R o y a l A c a d e m y o f M u s i c ( L o n d o n )
Die RAM is gestig in 1822 en word beskou as die mees senior
konservatorium in die Verenigde Koninkryk. Die statige
geboue is geleë in sentraal London, reg langs Regent’s Park.
Dit is naby die Wigmore Hall, die Barbican, die South Bank
Centre, Covent Garden, die London Coliseum, St John’s
Smith Square, en verskeie ander plekke waar die beste
kunstenaars in die wêreld gereeld optree. Studente wat aan
die RAM studeer kry hulle kwalifikasies deur die University
of London waarmee die konservatorium geaffilieer is. Meer
as 90% van die RAM studente volg suksesvolle loopbane
na afloop van hulle studies. Die RAM huisves ook een
van die grootste versamelings van strykinstrumente wat
in Cremona vervaardig is deur bekende makers soos
Stradivari, Guarneri, Guadagnini en Amati. Verskeie van
die instrumente word deur leningskemas aan studente
beskikbaar gestel. Die York Gate Collections is ‘n
ander boeiende versameling van instrumente,
manuskripte en ander voorwerpe.
Die uitdaging van ´n internasionale studieomgewing
kan vir ´n Suid-Afrikaner wat nie
voorheen oorsee gestudeer het nie, ´n geweldige
aanpassing maar ook ‘n waardevolle lewenservaring
wees. Ongeveer 570 studente van meer as 50
verskillende nasionaliteite studeer tans aan die
RAM. Die klavierdepartement alleen het ongeveer
90 studente. Pieter Rooi was een van hierdie
studente wat, na die voltooiing van sy meestergraad
in klavier aan die Universiteit van Kaapstad, ‘n keuse
gemaak het om die internasionale arena te betree en
op die ouderdom van 29 die RAM se Postgraduate
Diploma in Performance aan te durf. Wat vir Pieter
en soveel ander pianiste na hierdie kursus aangetrek
South African Music Teacher |144 | November 2006
Mariné Rooi
het, is die reputasie van die inrigting en die beskrywing
van die diploma in die jaarboek: “The course serves as a
‘bridge’ to a performance career …”. Dit is spesifiek daarop
gemik om studente die geleentheid te bied om hulself te
meet aan internasionale vereistes wat ´n konsertloopbaan
aan ´n pianis stel en verdere opleiding by van die wêreld se
grootste meesters te kry.
Om toelating tot die RAM te kry word vereis dat ´n
student ´n oudisie in London doen of ´n video opname
van ´n uitvoering voorlê.
Keuring vir die spesifieke
kursus is baie streng en
die aantal toelatings baie
beperk. Dit is dus uiters