MEN Aug2010.indd - Midrand Estates

Dit is die middel van die jaar...
Soos wat ‘n metronoom die tyd aftik, so het die mid-jaar datum sedert die jaar 2003 telkens ‘n
groot gebeurtenis rondom Midrand Estates aangekondig.
Midstream HEV
Konstruksie op die terrein begin volstoom vroeg
in 2003 en mid-jaar 2003 word daar die eerste
keer bult-af gery op ‘n teerpad en die eerste
fase word geproklameer, met die Midstream Estate
HEV wat as eerste Huiseienaarsvereniging
gestig word. Teen mid-jaar 2004 woon daar reeds
10 families in Midstream en word daar begin
met die konstruksie van Midstream College se
Pre-Primêre skool. Tik-tak, tik-tak kom mid-jaar 2005 nader waartydens Brakfonteinweg verleng
word tot by die Windsorhek-sirkel en die konstruksie van Midstream College begin in alle erns -
Midstream se ontwikkeling word voltooi met die proklamasie van uitbreiding 11.
Midstream Klubhuis
Midstream College
Midstream Pre-Premêr
Voltooide eenheid by Aftreeoord
Teen mid-jaar 2006 neem die konstruksie van die hoërskool
in aanvang en Brakfonteinweg word verleng tot
by die sirkel voor Midfi eld - die eerste huise in Midfi
eld word word ook voltooi. Mid-jaar 2007 trek die
duisendste (1000e) familie in Midrand Estates in hul
huis en word daar gestalte gegee aan die gholfbaan,
die krieketovaal en die “klubhuis” en die teerpad word
verleng tot kort voor Midlands terwyl die eerste huis
in Midlands voltooing nader. Teen mid-jaar 2008 spog
Midrand Estates met sy eie winkelsentrum en open die
eerste kerk, Doxa Deo, hul deure, met die planne vir
die Hervormde Kerk (of Familiekerk) en Metodiste kerk
ver gevorder. Die einde van 2008 ondervind die metronoom
‘n geringe versteuring met die oorspoel van
die gevolge van die een van die grootste resessies in
menslike heugenis.
Nieteenstaande die stadiger tempo van die metronoom
vind mid-jaar 2009 die dorp in goeie gees en berei
die skool se eerste matrieks hul voor vir hul eindeksamen.
Terwyl die twee duisendste (2000e) huis voltooing
nader, word daar in alle erns voorberei vir mid-jaar
2010! Die tempo neem weer toe en word uitbasuin op
‘n plastiek vuvuzela-trompet en almal trek hul vere
reg in ‘n yskoue winter vir die wêreldbeker, rugby in
Soweto en ... die verwelkoming van ‘n heeltemaal nuwe gemeenskap
in Midrand Estates – tewete die eerste intrekkers in
die aftreeoord. Vind gerus hierbo die tydsgleuf waartydens u
deel geword het van die dorp se opwindende geskiedenis en
maak seker u is deel van die toekoms, want soos die statistiek
van eiendomsoordragte bevestig (sien elders in die tydskrif)
het Midrand Estates homself in ‘n kort tydjie gevestig as een
van die mees gesogde woonareas in Suid-Afi ka. Ons verwelkom
graag alle nuwe inwoners met ‘n rustige tik-tak en wens
hulle voorspoed toe in “ons dorp”.
5