CONTENTS - Investing In Africa

TAARIFA YA MKURUGENZI MKUU kuendelea
DONATION
Maria Immaculate Children’s Centre
celebrate upon recieving their donation
from KCB.
kutumia mfumo huo mpya kufika robo ya tatu ya mwaka
wa 2008.
Nembo yetu inaendelea kuwa thabiti katika soko ambapo
uchunguzi wa hivi majuzi uliofanywa na kampuni ya
Steadman iliorodhesha KCB ya nne miongoni mwa nembo
maarufu zaidi kwenye soko kwa alama 75 (Safaricom-85,
Kenya Airways-78, Coca Cola-77). Tutaendelea kuimarisha
utambuzi wa nembo yetu kupitia kwa udhamini wetu mkuu
kama vile KCB Kenyan National Rally Championships,
KCB Safari Rally, KCB Pro-AM Golf Tour na KCB/Athletics
Kenya National Cross Country Championships, miongoni
mwa shughuli nyingine za kibiashara.
Pia tuliwekeza kwa kiasi kikubwa katika shughuli za
maendeleo ya kijamii za kuhifadhi mazingira, kupitia
mikakati yetu ya upanzi wa miti, maendeleo ya uwaminishi
na mikakati ya shughuli za maslahi ya jamii.
Wafanyakazi wetu walihusika katika upanzi wa miti kama
sehemu ya siku ya jamii ya KCB na katika kusaidia shule
zenye mahitaji wakati wa wiki ya jamii ya KCB.
Ili kuimarisha uwezo wa wafanyakazi wetu wa kutoa
huduma bora zaidi, tuliendelea kuwapa mafunzo ya hali
ya juu katika huduma kwa wateja na nyanja nyingine za
usaidizi wa kibiashara. Uchunguzi wa kuangalia kuridhika
kwa wateja uliotolewa hivi majuzi unaonyesha imariko la
jumla katika kuridhika kwa wafanyakazi katika nyanja zote
zilizoangaziwa na kuimarika kwa kiasi kikubwa kwa ubora
wa uongozi katika bashara.
Kulikuwa na mabadiliko kadhaa katika wasimamizi wakuu
wa biashara baada ya kuondoka kwa Mkurugenzi Mkuu
wa zamani, Terry Davidson na kuteuliwa kwangu kuchukua
mahali pake. Nimefurahishwa na usaidizi ninaopokea
kutoka kwa Halmashauri na Wasimamizi wakuu na nina
imani kwamba nina kundi thabiti la kuelekeza Benki hii
katika ufanisi wa baadaye. Katika kufanya marekebisho,
Halmashauri ilibuni nyadhifa za naibu wa mkurugenzi mkuu,
Biashara za kundi na Uthibiti wa biashara na kumteua
Peter Munyiri na Samuel Kimani kusimamia vitengo hivyo.
Wakurugenzi wawili wa idara(Philip Ilako-Huduma za benki
kwa mashirika na Kalyan Mukherjee-Hazina) pia walitoka
kwenye kampuni baada ya kumalizika kwa vipindi vyao vya
kuhudumu na nafasi zao kutwaliwa na John Mark Wandolo
na Timothy Kabiru, mtawalio.
Ningependa kuwashukuru washirika wote kwa usaidizi
wao ambao umepelekea ufanisi huu mkubwa na hasa
wafanyakazi wa KCB kwa juhudi zao na kujitolea katika
ufanisi huu. Aidha nina wingi wa shukrani kwa wateja na
wenyehisa kwa imani yao kwetu.
Shukrani zangu za dhati ziwaendee Wakurugenzi wa
Halmashauri kwa kutupa majukumu ya kusimamia shirika hili
na kwa kuendelea kutuunga mkono na kutupa mwelekeo.
Tuna imani kwamba tunaweza kudumisha msukumo huu
katika siku zijazo na kwa pamoja kuifanya KCB kuwa benki
bora zaidi katika kanda na kwingineko.
Asanteni.
24 KCB ANNUAL REPORT & FINANCIAL STATEMENTS 2007