You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
on þisse meoduhealle mīnne gebīdan.’<br />
Ðām wīfe þā word wēl līcodon<br />
640 gilpcwide Gēates. ēode goldhroden<br />
frēolicu folccwēn<br />
Þā wæs eft swā ǣr<br />
tō hire frēan sittan.<br />
inne on healle<br />
þrȳðword sprecen, ðēod on sǣlum,<br />
sigefolca swēg oþ þæt semninga<br />
645 sunu Healfdenes sēcean wolde<br />
ǣfenræste. wiste þǣm āhlǣcan<br />
tō þǣm hēahsele hilde geþinged<br />
siððan hīe sunnan lēoht gesēon meahton<br />
oþðe nīpende niht ofer ealle<br />
650 scaduhelma gesceapu scrīðan cwōman<br />
wan under wolcnum. Werod eall ārās.<br />
gegrētte þā guma guman ōþerne<br />
Hrōðgār Bēowulf ond him hǣl ābēad<br />
wīnærnes geweald ond þæt word ācwæð:<br />
655 ’Nǣfre ic ǣnegum men ǣr ālȳfde.<br />
siþðan ic hond ond rond hebban mihte.<br />
ðrȳþærn Dena būton þē nū ðā.<br />
hafa nū ond geheald hūsa sēlest.<br />
gemyne mǣrþo. mægenellen cȳð.<br />
660 waca wið wrāþum. ne bið þē wilna gād<br />
gif þū þæt ellenweorc aldre gedīgest.’<br />
Ðā him Hrōþgār gewāt mid his hæleþa gedryht<br />
eodur Scyldinga ūt of healle.<br />
wolde wīgfruma Wealhþēo sēcan<br />
665 cwēn tō gebeddan. hæfde kyningwuldor<br />
Grendle tōgēanes. swā guman gefrungon.<br />
seleweard āseted: sundornytte behēold<br />
ymb aldor Dena. eotonweard’ ābēad.<br />
Hūru Gēata lēod georne trūwode<br />
22
Change language