Create successful ePaper yourself
Turn your PDF publications into a flip-book with our unique Google optimized e-Paper software.
siðþan hē under segne sinc ealgode.<br />
1205 wælrēaf werede. hyne wyrd fornam<br />
syþðan hē for wlenco wēan āhsode<br />
fǣhðe tō Frȳsum. hē þā frætwe wæg<br />
eorclanstānas ofer ȳða ful<br />
rīce þēoden. hē under rande gecranc.<br />
1210 Gehwearf þā in Francna fæþm feorh cyninges<br />
brēostgewǣdu ond se bēah somod.<br />
wyrsan wīgfrecan wæl rēafeden<br />
æfter gūðsceare. Gēata lēode<br />
hrēawīc hēoldon. Heal swēge onfēng.<br />
1215 Wealhðēo maþelode.<br />
spræc:<br />
hēo fore þǣm werede<br />
’Brūc ðisses bēages, Bēowulf lēofa<br />
hyse, mid hǣle ond þisses hrægles nēot<br />
þēod gestreona ond geþēoh tela.<br />
cen þec mid cræfte ond þyssum cnyhtum wes<br />
1220 lāra līðe. ic þē þæs lēan geman.<br />
hafast þū gefēred þæt ðē feor ond nēah<br />
ealne wīdeferhþ weras ehtigað<br />
efne swā sīde swā sǣ bebūgeð,<br />
windgeard, weallas. wes þenden þū lifige,<br />
1225 æþeling, ēadig. ic þē an tela<br />
sincgestrēona. bēo þū suna mīnum<br />
dǣdum gedēfe, drēamhealdende.<br />
hēr is ǣghwylc eorl ōþrum getrȳwe<br />
1230<br />
mōdes milde mandrihtne hlēo.<br />
þegnas syndon geþwǣre þēod ealgearo<br />
druncne dryhtguman dōð swā ic bidde.’<br />
Ēode þā tō setle. þǣr wæs symbla cyst.<br />
druncon wīn weras. wyrd ne cūþon<br />
geōsceaft grimme swā hit āgangen wearð<br />
40
Change language