Create successful ePaper yourself
Turn your PDF publications into a flip-book with our unique Google optimized e-Paper software.
--wæs þǣm hæftmēce Hrunting nama--<br />
þæt wæs ān foran ealdgestrēona.<br />
ecg wæs īren ātertānum fāh<br />
1460 āhyrded heaþoswāte. nǣfre hit æt hilde ne swāc<br />
manna ǣngum þāra þe hit mid mundum bewand<br />
sē ðe gryresīðas gegān dorste<br />
folcstede fāra. næs þæt forma sīð<br />
þæt hit ellenweorc æfnan scolde.<br />
1465 Hūru ne gemunde mago Ecglāfes<br />
eafoþes cræftig þæt hē ǣr gespræc<br />
wīne druncen þā hē þæs wǣpnes onlāh<br />
sēlran sweordfrecan selfa ne dorste<br />
under ȳða gewin aldre genēþan,<br />
1470 drihtscype drēogan. þǣr hē dōme forlēas<br />
ellenmǣrðum. ne wæs þǣm ōðrum swā<br />
syðþan hē hine tō gūðe gegyred hæfde.<br />
Bēowulf maðelode bearn Ecgþēowes:<br />
’Geþenc nū, se mǣra maga Healfdenes<br />
1475 snottra fengel. nū ic eom sīðes fūs.<br />
goldwine gumena, hwæt wit gēo sprǣcon:<br />
gif ic æt þearfe þīnre scolde<br />
aldre linnan. þæt ðū mē ā wǣre<br />
forðgewitenum on fæder stǣle.<br />
1480 wes þū mundbora mīnum magoþegnum<br />
hondgesellum gif mec hild nime<br />
swylce þū ðā mādmas, þē þū mē sealdest,<br />
Hrōðgār lēofa, Higelāce onsend.<br />
mæg þonne on þǣm golde ongitan Gēata dryhten,<br />
1485 gesēon sunu Hrǣdles þonne hē on þæt sinc starað<br />
þæt ic gumcystum gōdne funde<br />
bēaga bryttan brēac þonne mōste.<br />
48
Change language