Create successful ePaper yourself
Turn your PDF publications into a flip-book with our unique Google optimized e-Paper software.
1080 worolde wynne. wīg ealle fornam<br />
Finnes þegnas nemne fēaum ānum<br />
þæt hē ne mehte on þǣm meðelstede<br />
wīg Hengeste wiht gefeohtan<br />
nē þā wēalāfe wīge forþringan<br />
1085 þēodnes ðegne ac hig him geþingo budon:<br />
þæt hīe him ōðer flet eal gerȳmdon<br />
healle ond hēahsetl þæt hīe healfre geweald<br />
wið eotena bearn āgan mōston<br />
ond æt feohgyftum Folcwaldan sunu<br />
1090 dōgra gehwylce Dene weorþode.<br />
Hengestes hēap hringum wenede<br />
efne swā swīðe sincgestrēonum<br />
fǣttan goldes swā hē Frēsena cyn<br />
on bēorsele byldan wolde.<br />
1095 Ðā hīe getruwedon on twā healfa<br />
fæste frioðuwǣre. Fin Hengeste<br />
elne unflitme āðum benemde<br />
þæt hē þā wēalāfe weotena dōme<br />
ārum hēolde þæt ðǣr ǣnig mon<br />
1100 wordum nē worcum<br />
nē þurh inwitsearo<br />
wǣre ne brǣce<br />
ǣfre gemǣnden<br />
ðēah hīe hira bēaggyfan banan folgedon<br />
ðēodenlēase, þā him swā geþearfod wæs.<br />
gyf þonne Frȳsna hwylc frēcnen sprǣce<br />
1105 ðæs morþorhētes myndgiend wǣre<br />
þonne hit sweordes ecg syððan scolde.<br />
Ād wæs geæfned ond incge gold<br />
āhæfen of horde. Here-Scyldinga<br />
betst beadorinca wæs on bǣl gearu.<br />
1110 æt þǣm āde wæs ēþgesȳne<br />
swātfāh syrce swȳn ealgylden<br />
36
Change language