A Good Working Life at Sea

A Good Working Life at Sea
Mahalagang survey sa trabaho sa barko
Ang Seahealth Denmark ay naglulunsad ng malawakang
kuwestiyonaryong survey sa pangkaisipang kapaligirang
pinagtatrabahuan sa barko sa Danish merchant fleet
na may malawak na suporta at katapatan mula
sa mga kasali sa industriya.
Layunin ng survey na makuha ang kalagayan
ng kapakanan ng mga maglalayag.
Taking
the temperature of
well-being at sea
Seahealth Denmark
Knowledge • Tools • Consultancy

Mahalagang survey sa trabaho sa barko
Bilang maglalayag sa Danish merchant navy, magkakaroon ka nang natatanging
pagkakataong makapagdulot ng epekto sa kinabukasan ng mga pinagtatrabahuang
pang-dagat. Ang Seahealth Denmark ay naglulunsad na ng isang mahalagang
kuwestiyonaryong survey sa pangkaisipang kapaligiran sa barko. Malawak ang aming
suporta mula sa industriya at malaki ang inaasahan sa mga pagkakataon para sa mga
estratehiyang panghinaharap at mga bahaging inaaksiyunan.
Paano gagawin ang mga nakakaakit na pagtatrabahuan
sa barko? Ano ang nagbibigay ng mabuting kapakanan
sa mga maglalayag sa kanilang trabaho – o
maaaring hindi? Saan ba talaga iyon umiiral mabuti at
ano ang mga hamon ng kinabukasan?
Nais naming malaman kung ano mismo ang nararamdaman
ng mga maglalayag. Ang malaman ang iba pa
tungkol sa lahat ng ito ang layunin ng survey ng Seahealth
Denmark na “A Good Working Life at Sea”.
Bakit sisiyasatin ang pangkaisipang kapaligirang
pinagtatrabahuan sa barko?
Ang pangkaisipang kapaligirang pinagtatrabahuan ay
may mahalagang papel para sa mga maglalayag at sa
sektor sa kabuuan dahil ang kapakanan at kasiyahan
sa trabaho ay may positibong epekto sa kultura ng kaligtasan
habang nakakatulong na mabawasan ang
mga alitan at madagdagan ang kahusayan.
Ang mga may-ari ng barko at mga organisasyon ay
lubos na interesadong malaman kung ano ang palagay
ng mga maglalayag sa kanilang kapaligirang pinagtatrabahuan.
Ang mga resulta ng survey ay maingat na
pag-aaralan at gagamitin bilang batayan para sa gawain
sa hinaharap na gawing kaakit-akit ang buhay sa
barko para sa mga maglalayag sa Danish merchant
fleet.
Ang survey ay nakabatay rin sa karanasan mula sa
mga katulad na survey sa lupa ngunit partikular na iniakma
sa mga pang-araw-araw na gawain at sa mga
kondisyon na hinaharap ng mga maglalayag sa kanilang
buhay sa pagtatrabaho.
Malawak na suporta
May malawak na suporta para sa survey mula sa industriya.
Nakikita ng mga may-ari ng barko at mga organisasyon
ang malaking posibilidad sa paggamit ng
bagong kaalaman upang makagawa ng mas mabuting
buhay sa pagtatrabaho sa barko. Pinakamataas na
priyoridad ang ibinibigay sa kapakanan at kasiyahan
sa trabaho sa sektor ng pagbabarko ngunit hindi pa rin
talaga natin alam kung ano mismo ang palagay ng
mga maglalayag sa kanilang pang-araw-araw na
buhay sa barko. Ang survey ay makakapagbigay ng
mga kasagutan kung kaya ang iyong tinig mula sa
pagseserbisyo sa barko at mahalaga.
“Ang kaalamang makakalap namin mula sa survey ay
makakatulong sa amin sa Seahealth Denmark gayundin
sa mga may-ari ng barko at makakapagbigay sa
iba pang organisasyon ng matibay na batayan kung
saan makakapagtatag ng mga estratehiya para sa kinabukasan
at para sa mga aktibidad na naglalayong
magsulong ng kapakanan, kaligtasan at kahusayan sa
Danish merchant fleet,” sabi ni Connie S. Gehrt, Direktor,
Seahealth Denmark.
Fritz Ganzhorn, Danish Maritime Officers: “Ang survey
ay nagbibigay sa mga maglalayag ng natatanging pagkakataon
na makapagsalita at makapagbahagi sa
kung paano pinauunlad ang mga buhay sa pagtatrabaho
sa barko. Iyon ay isang pagkakataong dapat
sunggaban.”
“Ang mga Danish na may-ari ng barko ay nahaharap
sa mahigpit na kompetisyon para sa kanilang mga
manggagawa na may malaking atensiyon na ibinubuhos
para sa pagtanggap at pagpapanatili bunga nito.
Kailangan nating magkaroon ng mabuti, kaakit-akit na
pagtatrabahuan sa barko. Ang kuwestiyonaryong survey
na ito ay lumilikha ng pagkakataon na magkaroon
ng mas mabuting pananaw sa status ng kapakanan sa
barko. Magbibigay ito ng panibagong kaalaman at
mga pagkakataong umaksiyon. Kaya sa gayon ay hinihimok
ko ang mga may-ari ng barko at ang kanilang
mga maglalayag na suportahan ang survey,” sabi ni
Peter Bjerregaard, Direktor, Danish Shipowners Association.

Taking the temperature of well-being at sea
Ang Association of Small Vessel Owners (Asosasyon
ng Mga May-ari ng Maliit na Sasakyang Pandagat) ay
sumusuporta rin sa survey. Ang kanilang Direktor, Michael
Wengel-Nielsen ay nagsasabing:
“Sa ngayon, maraming hinihingi sa mga kumpanya ng
barko at maglalayag – gusto naming matugunan sila
subalit iyon ay isang tunay na hamon sa aming mga
pang-araw-araw na gawain. Sa maliliit na sasakyang
pandagat, kinakailangan din naming tingnan ang kapakanan
at kung paano tayo makakapagpanatili at makakakuha
ng mga tauhang kailangan natin. Umaasa ako
na ang survey na ito ay makakatulong sa atin na matukoy
ang ilang anggulo.”
Ang survey ay sinusuportahan din ng Orients Foundation
sa ngalan ng Dampskibsselskabet NORDEN A/S:
“Ang pangkaisipang kapaligirang pinagtatrabahuan ay
may mahalagang papel para sa mga maglalayag at sa
sektor sa kabuuan dahil ang kapakanan at kasiyahan
sa trabaho ay may positibong epekto sa kultura ng kaligtasan
habang nakakatulong na mabawasan ang
mga alitan at madagdagan ang kahusayan.”
Ang lahat ay tatanungin
Sasaklawin ng kuwestiyonaryong survey ang buong
Danish merchant fleet at siyang kauna-unahan sa industriyang
pandagat ng Denmark. Ang lahat ay tatanungin
at kasama sa survey ang lahat ng grupo ng
mga tauhan, nasyonalidad, uri ng sasakyang pandagat
at serbisyo, ang lahat ay mahalaga para sa malawak
na sektor na gaya ng industriya ng pagbabarko. Ang
survey sa gayon ay nakahanda sa maraming wika
upang matiyak na ang lahat ay magkakaroon ng pagkakataong
patas na makalahok at masagutan ang kuwestiyonaryo.
Pagiging propesyonal at kawalan ng pagkakakilanlan
(anonymity)
Ang mga sagot ng mga lumahok ay ginagarantiyahan
ng ganap na kawalan ng pagkakakilanlan at ang Seahealth
Denmark ay nakikipagtulungan sa isang propesyonal
na organisasyong pang-survey upang matiyak
ang pagsunod sa lahat etikal na prinsipyo.
Sapagkat hindi lahat ng maglalayag ay may access sa
internet, may dalawang paraan ng paglahok sa survey
– sa internet o sa paggamit ng papel na kuwestiyonaryo
na nai-print mula sa isang CD-ROM.
Sa internet, napakadaling maunawaan na mag-log on
sa website ng Seahealth Denmark at
www.seahealth.dk at elektronikong sagutan ang kuwestiyonaryo.
Para sa mga sasakyang pandagat na walang
access sa internet, ang Seahealth Denmark ay
magpapadala ng CD-ROM upang ang mga kuwestiyonaryo
ay maaaring i-print sa pitong magkakaibang
wika. Kung walang printer, kontakin ang Seahealth
Denmark at magpapadala kami ng mga papel na bersiyon
ng kuwestiyonaryo at envelope para sa mga
sagot.
Lahat ng sagot ay likas na ganap na lihim ipinadala
man sa e-mail o sa papel.
Ang survey ay isasagawa sa loob ng tatlong buwan.
Inilulunsad iyon sa Oktubre at isasagawa hanggang sa
Disyembre. Inaasahan naming mapagsama-sama at
maiproseso ang lahat ng resulta pagdating ng tagsibol
ng 2009, kung kailan mababasa mo ang mga resulta
ng survey sa mga pahayagang pangnegosyo at lalo na
sa magasin ng Seahealth Denmark na SøSikker at sa
aming website.
Mga kagamitan para sa kapakanan
Ang Seahealth Denmark ay naglathala ng aklat ukol sa
kapakanan sa barko. Ito ay tinatawag na “A Good Working
Life at Sea,” kagaya ng survey na ito. Nagbibigay
ito ng ilang pananaw sa kapakanan at mga istilo ng pamamahala
ng ibaʼt-ibang maglalayag. Kasama rin sa
aklat ang ilang partikular na kagamitan sa kung paano
magtrabahong may kapakanan sa barko.
Hinahangad naming maisulong ang kapana-panabik
na proyektong ito at umaasang makatanggap ng aktibo,
tapat na pakikilahok ng buong sektor. Ang tagumpay
ng proyektong “Good Working Life at Sea” ay
nakadepende sa dami ng mga maglalayag na hanggaʼt
maaariʼy makikisangkot at magpapaabot ng kanilang
mga opinyon.
Umaasa kaming marinig ang iyong mga pananaw.
Pinakamabuting pagbati mula sa Seahealth Denmark

A Good Working Life at Sea
✓ Impluwensiya
✓ Kahulugan
✓ Predictability
✓ Suporta
✓ Gantimpala at pagkilala
✓ Mga angkop na hinihingi
Seahealth Denmark
Knowledge • Tools • Consultancy
Amaliegade 33B 2 • 1256 Copenhagen K • Denmark
Phone: +45 3311 1833 • info@seahealth.dk • www.seahealth.dk