KREDO

Gure idazleak bazuen beste anaia bat apaiza, Martin zeritzona, Hazparneko
misionesta eta gero Belokeko Beneditarren sortzaile eta baita
monasterioko priore ere izan zena. Beneditar sartzean Damian izena
hartu zuen. Gure liburuaren hitzaurrean bada alusio bat anaia honi
buruz.
Lapeyre-k, segur-aski, Seminariotik ekarriko zuen, beste askok bezala,
euskara lantzeko lehen hazia edo grina. Ezagunak izango zituen,
beharbada, lehenagoko idazle batzuen zenbait lan ere; baina, damurik,
horretzaz ez dakigu ezer.
Hona hemen, labur, gure Lapeyre-ren «curriculum vitae»: Azkaineon
jaio (1840-IV-30). - Apaizgintza, 1863-V-30. - Uztaritze-n. koadjutore.
- Baionan, San Leon (gero San Luis Gonzaga deitua) kolejioan
Filosofi irakasle, 1864. - Bidart-eko erretore (l871-XI-17).­
Baionako Camp de Prat zahartegiko kapeilau, ohorezko kalonje eta Conferences
Ecclesiastiques direlakoen Zuzendari nagusia (1889-11-10).­
Heriotzea, 1893-111-23.
2
LAPEYRE-REN EUSKAL LANAK, ETA, BEREZIKI, KREDO
1892an liburu bat argitaratzen da Baionan: Hazparneko Kalbarioa.
Zenbait apaizen predikuak datoz bertan: Arbelbide, Zanzinena, Choribit,
Abbadie, Bastres. Horien artean bi gure Lapeyre-renak: «Jesus OHbetako
baratzean» eta «Jesus Judasez saldua».
Lapeyre-ren beste lana hemen bir-argitaratzen dugun hauxe da:
Kredo edo Sinhesten dut Esplikatua J Baionan 1891an agertua. Beraz,
bestea baino urtebete lehenago.
Liburu honi buruz piska bat xehekiago mintzatu beharra daukagu.
LIBURUAREN
BEREZGARRIAK
1891. urtean inprimatzen da Baionan, andre Lamaignere alargunaren
moldetegian, Jacques Laffiteko karrikan, 9 (hala dio barneko
azalak).
Liburuaren neurriak: 175 X 119. Luze-laburrez aski tarrotua:
438 orrialde ditu. Liburua lau zatitan zatitua dago. Kapituluak orotara
60 dira. Axularren Gero-k ere 60 kapitulu ditu, baina Lapeyre-renak
gehienetan laburragoak dira.
8